"Comgratulations!.." sinalubong ako ng yakap ng aming adviser pati na rin ng mga iba pa naming guro ng makapasok na ako ng room.
Lihim kong pinunasan ang luhang naglandas saking pisngi. "Thank you po.."
"O bat ka umiiyak?.." si Sir Pete. Nasa bandang likuran. Nakikipagtuwaan sa grupo nina Ace at Jaden.
Ngumiti ako kahit yung pisngi ko, puno ng luha.
Kumalas sya ng yakap sakin. Kinuha ang panyo sa bag saka pinunasan ang aking pisngi.
"Hahahaha... tama na yan. Dapat nga masaya ka. Nanalo ka e.." tumatango ako habang nakangiti. Parang baliw lang. Pero siguro naranasan nyo na rin ito no?. Umiiyak na nakangiti. Patuloy na umaagos ang tubig galing saking mga mata, pababa.
Nilapitan ako ni kuya Lance. Iniwan sina Ace. Nang magpaalam sakin si Maam. "Are you sad?.." kinuha ang hawak ko pang bulaklak. May binigay na supot. Nginitian ko sya. Pinapakitang di ako malungkot. "Magtsinelas ka na. Baka mamaya mamaga na yang paa mo.." tsinelas pala ang laman ng supot. Kinuha nya ito sabay lagay sa paanan ko. Pinaupo nya ako bago tinanggal ang heel na suot ko.
"Ay pogi. Bakit ikaw gumagawa nyan?.." maarteng tanong ni Winly. Di na nya kasama sina Karen at Joyce. Gabi na rin kasi.
"Mga torpe kasama ko e. Walang lakas ng loob.. Hahaha.." isang palo sa likod ang natanggap nya. Heto na naman sya. Mang-aasar.
Lalo namang dinagdagan ng bakla ang pang-aasar nya.
"Ace narinig mo yun?.." biglang sigaw nito sa kaibigan kong tumatawa pa sa sinasabi ng kanyang mga kaklase.
Natigilan. Nalilito sa tanong.
"Ang alin?.." sagot nya lang kay Winly. Nakahinga naman ako ng maluwag. Mabuti nalang. Damn Winly!. Burn please!...
"E ikaw Jaden?.." lumingon sya samin. Nakaupo ito. Pinapaligiran ng grupo ni Denise. Kaya pinatangkad pa ng bahagya ang kanyang ulo upang makita lang kami. Oh sorry!.
"Ha?. Ano yun Winly?.." bakas sa mukha nya ang pagtataka. Nagtatanong. Nalilito. Sakin sya tumingin tapos kay Winly tapos kay Kuya tapos sakin ulit. Damn!. Mabilis kong binaling sa iba ang atensyon ko. Kita kong inilingan lamang sya ni Winly.
"Di lang pala sila torpe pogi. Mga bingi pa..hahaha." minsan talaga ang hard netong bakla makalait. Wagas. Ang pinagtataka ko pa nga, ay kung bakit mabilis silang nagkasundo ni kuya Lance gayong itong kapatid ko sobra pa sa bakla ang linis. Di kaya pareho lang sila ng club?. Lol Bamby!.
"Uwi na tayo. Gabi na masyado.." si Mama ang nagsalita. Nasa balikat na lahat ni kuya Mark ang mga gamit ko.
Nagpaalam na ang lahat maliban sa dalawa. "Ace at Jaden, kay Lance na kayo sumabay. Winly sa kotse ka nalang nila Bamby sumakay.." deklara ni kuya Mark. Tahimik lang ako. Pinapanood ang bawat galaw ng taong nakapaligid sakin. Tamad akong magsalita dahil pagod ang buo kong katawan. Gusto ko nang matulog.
"Ah.. Ma, sakin na sya sasabay. Convoy naman tayo.." agaran akong tinulak ni kuya Lance papasok sa harapan ng kanyang sasakyan. Shitty boy!. Di man lang nag-iingat. Nauntog tuloy ako. Ang sakit. Pikit mata kong himas ang bumbunan.
Di ko na narinig kung sumang-ayon ba si Mama o hinde. Umandar na kasi ang sasakyan. Kasabay ng paghumiranda ng kabog ng aking dibdib. Kakapusin ata ako ng hininga. Di naman na unang sabay ko ng uwi kay Jaden. Pero tuwing kasama ko sya, nag-iinit ang buong paligid. Pinapawisan ako kahit malamig. Kinakabahan ako kahit wala naman syang ginagawa. Iba talaga ang epekto nito sakin. Ibang iba. Di ko matukoy kung ano.