NATIONAL HIGHWAY ZC...
Saturday 7:00 pm.
Date schedule ng tagapagmana.
Kahit gaano pa kalaki ang responsibilidad ng amo sa kumpanya, kahit gaano ka pagod, ang pakikipagpagtapo sa iba-ibang lalake tuwing linggo ay responsibilidad rin nito, kagaya ngayon.
Patungo sila sa venue para sa date ng amo, siya ang nagmamaneho habang papikit-pikit ang katabi.
"Inaantok ka?" lingon niya rito.
"Medyo," tugon nitong nakapikit.
Napailing si Gian.
'Dapat sa mga oras na 'to ay nagpapahinga na ang babaeng ito eh. Tsk, ba't ba kasi kailangan pang makipagtagpo kung kanino lang.'
Pagkagaling kasi nila sa opisina, deretso agad sila sa date nito.
Hindi niya alam kung maaawa ba o matatawa sa sa amo. Inaantok pero makikipagdate.
Naalala niya ang nakadate nito noon na nagkasapakan sila.
Hindi naman siguro mangyayari uit ang gano'n.
"Mr. Villareal pakibilisan please."
Nilingon niya ang katabi, nakatingin na ito sa phone.
"Okay, Ms." Aarangkada na sana siya nang biglang tumirik sa kalagitnaan ng highway.
Madilim ang paligid at wala halos dumaraang motorista.
"Anong nangyari?"
Lumabas ang binata at tumingin sa gulong.
"Ms. tingin ko na flat ang gulong?"
"Ano? Hindi ako pwedeng ma late. Palitan mo na 'yan ngayon na!"
"Sige, pero habang pinapalitan ko, pwede ka namang matulog muna."
"Sige, bilisan mo ha? May ka date pa ako."
"Okay."
Nang makitang sumandal sa headrest ang amo at pumikit ay umikot siya sa likod.
Sinilip-silip niya ang dalang sasakyan bago nag cellphone.
Pinanood niya ang isang video roon nang biglang bumukas ang pinto ng sasakyan at lumabas ang amo.
"Matagal pa ba?"
Dali-dali siyang pumwesto sa may gulong.
"Nakatulog ka ba?"
"Kunti, ano okay na?"
"Tingin ko hindi lang gulong ang problema."
"What?" Kumunot ang noo nito.
Napansin niyang tila hinagilap ni Ellah ang cell phone. Malamang tatawagan ang ka date. Parang alam na niya ang sasabihin nito.
'Pasensiya na Mr. Ramirez, pero may nangyari eh, na flat ang gulong at na stuck kami sa daan.'
"Hello, mang Jude!"
Nanlaki ang mga mata niya na napalingon sa amo.
"Pumunta ka rito... anong ginagawa mo?" Kumunot ang noo ni Ellah nang mabilis niyang hinablot ang cellphone at pinatay.
"Okay na pala Ms. Hindi pala flat, akala ko lang!"
"ANO!"
Hindi man lang niya naisip na tatawag si Ellah ng ibang driver at sisisihin siya sa pagsisinungaling!
Patang gusto niyang iuntog ang ulo sa dashboard nang mapagtanto ang ginawa.
'What a lame excuse!'
Ang totoo ayaw niyang makipagtagpo ang tagapagmana ngayon dahil naawa na siya. Pagod na pagod na at antok na antok pa, bibigyan niya lang sana ito ng pagkakataong matulog.
"Niloloko mo lang ba ako?"
Tumiim ang titig ni Ellah sa gwardya.
Malakas ang kutob niyang nagsisinungaling ito ng sabihing na flat sila.
Sinulyapan siya ng binata.
"Anong niloko?"
"Na hindi naman talaga flat ang gulong. Ba't mo ginawa 'yon?"
Hindi ito umimik.
"Huwag mong sabihing ayaw mo akong makipag date? Ang trabaho mo ay ipagmaneho ako at bantayan,wala kang karapatang magdesisyon!"
"Gusto ko lang sana makatulog ka pa."
Saglit siyang natahimik.
"Desisyon ko kung matutulog ako, may date ako ngayon pero ginawa mo akong tanga!"
"I'm sorry..."
"Bilisan mo na lang." Huminahon niyang saad.
Nang nasa venue na sila tumunog ang cellphone niya.
Agad niya itong sinagot.
"Yes Mr. Ramirez?"
"Ms. Lopez, I am so sorry, pero may emergency, nag collapsed si mama. I can't make it, I am very sorry. Can we move on another day? Next Saturday maybe?"
Humugot ng malalim na paghinga ang dalaga.
"Naintindihan ko ang nangyari ngayon Mr. Ramirez, but you're not even sure next week, I'll tell you this is for sure..."
"Ano 'yon?"
"We won't meet anymore," pagtatapos niya sa usapan.
Binalingan niya ang gwardya.
"Uuwi na ba tayo?" tanong nito.
Umiling siya at pumikit, saka nanahimik sa loob ng sasakyan, pinapakalma niya ang sarili dahil iritado sa nangyari.
Kung para sa ibang babae, ang pakikipagtagpo sa ibang lalake ay kaligayahan, para sa kanya isang sakripisyo.
Napakarami na niyang iniisip sa trabaho, pati ba naman ito?
Inaalala niya ang nangyaring interogasyon kahapon sa loob ng conference room.
"Bigyan niyo ako ng isang linggong palugit. I'll find the culprit," pahayag niya.
"Ibig mong sabihin, hindi ang manager? Kung gano'n bakit mo pinatalsik?" Ang Chief Operating Officer.
"Negligence."
"Then you should step out of your position as this is your negligence too," banat na naman ng COO.
"Bakit siya ang lagi ninyong sinisisi?" Puna ng presidente na ikiatingin ng lahat dito.
"Sa halip na sisihin, tulungan na lang natin si Ms. Ellah, huwag ninyong kalimutan siya pa rin ang tagapagmana. Kung wala sila, wala rin tayo!"
Dahil doon natahimik ang lahat.
Ngayon nagbabalik sa kanyang isip si Mr. Santos na siyang nagsabing pakana lahat ng ito ni Mr. Valdez, at mukhang tama nga dahil tila wala namang intensyong sirain ni Mr. Go ang kumpanya.
Ngayon, paano niya malalaman kung totoo nga ito?
Kulang ang isang linggo para maghanap ng ebidensiya at katibayan.
Ang isang private detective ay hindi makakayanan sa maiksing panahon lang.
Minulat niya ang mga mata at nakitang nakatitig sa kanya ang gwardya.
"Okay ka lang Ms. Ellah?"
Ang tanong nito ay tila naging hudyat upang magbukas siya ng saloobin dito.
"Hindi ko alam kung ano ang ginawa mo sa kontrata para maging three percent," tinitigan niya ito.
"Pero, matutulungan mo ba akong mahanap ang salarin?
I have a one-week ultimatum, and if I can't make it, it's another failure for a useless woman like me."
Nakatingin lang naman ang gwardya sa kanya na para bang sinasabing hindi nito obiligasyon ang bagay na 'yon.
"Ah, never mind, it's not your job," winasiwas niya ang kamay.
Saka pa lang ito nagsalita.
"Mahaba na ang isang linggo, isang araw lang sapat na."
Nanlaki ang mga mata niya sa narinig.
"Bigyan mo ako ng biyente kwatro oras,"
Sinulyapan ni Gian ang orasan sa kotse nakasaad doon alas otse ng gabi.
"Bukas eksaktong alas otso ng gabi, malalaman mo."
Umawang na lamang ang bibig niya.
Paano mangyayari 'yon?
Muling nagtanong si Gian. "Home?"
Umiling siya bago sumagot. "Let's date."
Natigagal si Gian, tumawa siya.
"Kakain lang tayo, nagugutom ako."
---
CASA VELYN...
Habang magkasamang kumakain walang binanggit tungkol sa trabaho si Gian.
Minsan nasusulyapan niya ang kaharap na maganang-magana sa pagkain.
Madalas sa mayayaman, mahinhin ang kilos at tipid kung kumain, pero iba ang babaeng kasama.
Wala itong pakialam sa mga nakapaligid at tahimik lang na kumakain.
Pansin niya rin mahilig ito sa alimango.
"Mukhang gutom ka nga?" untag niyang nakataas ang kilay.
"Yup," anitong sinipsip ang daliri habang nakatingin sa pagkain.
"May sauce sa labi mo," ngiti niya.
"Saan?" Dinilaan nito ang mga labi.
Tila nag slow motion ang bawat galaw ng dila nito habang dinadaanan ang mga labi mula ibaba pataas.
Napalunok siya ng hindi niya namamalayan.
"Wala na?"
Tumikhim siya bago umiling at yumuko.
"Kain lang ng kain, treat ko na 'to. Hindi kasi natuloy ang ka date ko i naka reserve na."
Umangat ang tingin niya rito. "Ikaw magbabayad?"
"Oo, alangan namang ikaw."
"Bakit hindi?"
"E kasi hindi naman ikaw ang ka date ko."
"Pero sabi mo..." hindi na niya itinuloy ang sasabihin at uminom ng wine.
Wala siya sa posisyon para igiit na siya ang magbabayad, dahil nga hindi naman nila ito date.
"Kumain ka pa."
Tumango lang siya pero hindi na kumain.
"Maganda pala ang ganito, instant date."
"Crazy boy!" tawa ni Ellah.
Ang routine ng amo ay palaging ganito.
Trabaho at pakikipagtagpo. Makikipagkita sa ibang lalake.
---
LOPEZ MANSION...
SUNDAY 7:00 PM
Nakahanda na si Ellah sa panibagong kakatagpuin.
Suot ang eleganteng red tube dress above the knee na nagpahakab ng kanyang kurba sa katawan, red and black killer heels sandal na bumagay sa damit at designer red bag, handa na siyang katagpuin ang lalaking iyon.
Ang sabi ni Don Jaime, ang lalaking ito ay espesyal sa abuelo, ngunit hindi niya alam kung bakit.
Kailangan magkaroon ng magandang impresyon sa kanya ang lalake, baka sakaling ito na ang magiging asawa niya balang araw.
"My dear, pakiusap itrato mo ng mabuti ang anak ni congressman ha?
Alam mo na, malapit na ang eleksyon," ani don Jaime.
Tumango lamang siya at humalik sa pisngi ng matanda bago nagpaalam.
"Yes lolo, huwag kang mag-alala, I'll treat him as a king."
"And you're the queen!"
Napangiti na lamang siya.
"Gian, alagaan mo ang apo ko," dagdag nito.
"Yes, sir."
Habang nasa daan ay tahimik lamang sina Ellah at Gian, kapwa nagpapakiramdaman.
Marahang ipinilig ni Gian ang ulo, ngayon ang kakatagpuin ng amo ay hindi isang negosyante kundi isang pulitiko!
Mas mapanganib kaysa sa isang negosyante, mas ma impluwensiya at...
Mas demonyo!
Nagmamaneho siya habang ang dalaga ay nakatingin sa cellphone nito.
Binusisi ni Ellah ang kanyang email sa phone upang tingnan kung may balita na ba sa kanyang pagpapaimbestiga.
Pagkuwan ay ang background naman ng anak ng congressman.
Nakasuot ito ng tuxedo kadalasan sa mga larawan nito. Kagaya ng iba niyang manliligaw, may itsura din ito, ngunit may kakaiba rito kapag tumitingin sa iyo.
Mukhang may malalim na lihim kung pagmamasdan.
"Ms. pwede ba tayong mag-usap tungkol sa trabaho?"
"Huwag ngayon, Mr. Villareal. "
Narinig niya ang malalim nitong paghinga.
"Tungkol sa dating manager, na pinatalsik mo."
Dahil dito, nakuha ng gwardya ang kanyang atensyon.
Mabilis niyang tiningnan ang oras at eksaktong 8:00 PM!
Kinakabahang nasasabik ang dalaga nang maalala ang sinabi nito kahapon.
" D-did you find it?"
"Yes."
"Really? Sino!"
"Kailangan nating tumigil, kahit sa isang coffee shop. "
" No, it's not the right time to... "
"Aren't you interested in who ruined your reputation? "
Natahimik siya.
"Fine, pero bakit coffee shop? "
"Ninenerbyos ako sa date mo ngayong gabi."
"Ano?" amused na saad niya.
Huminto nga sila sa isang coffee shop, at nang nasa loob na ay ibinigay nito ang isang maliit na sobre sa kanya, kaagad naman niyang binuksan.
"Ano 'to?"
"Proof." Inilagay nito ang USB sa mesa kasama ang cellphone at nagbukas ng isang video.
"Panoorin mo."
Nakikita sa video ang dalawang lalaking nagtatawanan sa loob ng opisina.
"Congratulations sir! Napakagaling mo talaga! Sinong mag-aakalang may plano ka rin!"
"Natural, hindi sila mag-iisip na ako 'yon dahil ako ang nagsumbong."
"Ngayon, hindi ka na lang supervisor!"
Kumuyom ang kamay niya.
Ngayon alam na niya ang katotohanan!
"Paano mo nalaman ang tungkol dito?"
Humugot na malalim na paghinga si Gian at inalala ang kanyang ginawa.
Malakas ang kanyang kutob na isa sa kanila o silang dalawa ang may planong sirain ang tagapagmana,
kaya gumawa siya ng paraan kahit hindi na ipinaalam dito.
Malinaw sa kanyang isipan ang bwat detalye.
Noong panahong may meeting ang amo, saka niya isinagawa ang plano, para sa trabahong ganito ay madali lang sa kanya ang pumasok sa mga opisina ng mga ito at nilagyan ng spy cam recorder ang gilid ng cabinet.
Ginawa niya rin iyon sa opisina ng dating manager.
Subalit nang paalis na siya ay nakarinig ng mga yabag mula sa labas.
"May tao ba rito?"
Kabado siya habang nakakubli sa likod ng cabinet.
"Nakalimutan ko bang isara ang pinto?" bulong pa nito.
Ang buong akala niya aalis na ito ngunit pumasok pa at isinara ang pinto, wala na siyang ibang magagawa.
Habang nakatalikod ang opisyal ay maraham siyang lumapit at nang akmang lilingon na ito ay mabilis niyang pinisil ang leeg ng lalake dahilan ng pagkawala ng ulirat.
"May bali-balitang si Valdez 'yong gumawa no'n kay Santos, ikaw pala?"
Tumango ito.
"'Pero yong ginawa mo hindi maganda, pero napakagaling ng ideya mo, ngayon, parang alam ko na ang gagawin ko."
"Ano man ang plano mo, may tiwala ako sa'yo."
Napangiti siya.
"Umuwi na tayo," mariin niyang tugon at nauna ng lumabas.
"May date ka pa."
"Mas importante ito."
Nang nasa loob na sila ng sasakyan ay tumunog ang cellphone niya.
Ang nasa kabilang linya ay si don Jaime, sinagot niya ito.
"Nasaan ka na?"
"Lolo, may dapat kang malaman tungkol sa kumpanya..."
"Bukas na, puntahan mo muna ang ka date mo."
"Pero lolo hindi-"
"Do not disobey me Ellah!"
Kapwa sila natahimik.
Humugot ng malalim na paghinga ang binata.
"No one can broke don Jaime's order," deklara niya.