Tyo_Caloy

Babaeng siga, babaeng laging tama. Babaeng topakin, babaeng madaling paibigin.

Isang babaeng nagngangalang Althea del Rosario, ang hindi naniniwalang pinatatagal dapat ang panliligaw. Mas dapat daw kasing pagtibayin at patagalin ang isang relasyon. Ito ang dahilan kung bakit napakaraming beses na siyang niloko at nasaktan. Libo-libong pagsubok na ang kaniyang pinagdaanan, pero nananatili siyang buo at patuloy pa ding lumalaban. 

Ipinanganak siyang nag-uumapaw sa karangyaan. Anuman ang kaniyang naisin ay nalalapatan ng kaniyang kamay. Subalit sa kabila ng tinatamasang kaginhawahan ay nakakaramdam siya ng kakulangan, na tanging isang mapagmahal na binata ang maaaring makapuno.

Marami nang lalaking nagdaan sa kaniyang buhay. Lahat sila'y hindi nagtagal. Paulit-ulit man siyang nabigo ay walang tigil pa din siyang nagmamahal. Ayos lang na masaktan, ayos lang na maging luhaan. Gusto niyang magmahal dahil gusto niyang maging masaya. Magawa pa kaya niyang makita si Mr. Right, kung nasa kaniya na ang lahat ng dahilan para iwan siya ng lalaking pinakamamahal?

Hindi mahirap na pasukin ang kaniyang mundo. Sa simleng ngiti at titig—maaari mo na siyang mapa-ibig. Sa loob ng isang minuto ay maaari na siyang mapasa'yo. Babaeng espesyal, bagama't malandi sa paningin ng karamihan. Babaeng hindi daw dapat seryosohin, mas masaya daw kasing laruanin. 

Naghahanap siya ng taong handa siyang tanggapin sa kabila ng kaniyang kahinaan. Maaari bang maging ikaw? Marami siyang pera. Seseryosohin mo naman ba? Selosa siya't mainitin ang ulo. Nagbago na ba agad ang isip mo? Malakas siyang sumampal, malakas sumuntok at marunong bumaril. Kaya mo pa din ba s'yang mahalin? Lahat ng naisin mo'y mapapasa'yo. Payag ka na ba na maging kayo? Hanggang kailan ka tatagal? Hanggang kailan mo kayang magtiis para sa taong gusto mong makasama habang buhay?

Table of Easy To Get But Don't Regret

Table of contents

Volume 1