"Aretha usihofu....nitakuelewa tu. Please endelea" Ed akamtia moyo aweze kuongea hata kama atakachosema kisingemfurahisha..
"Aaah hapana...Ed..aaaa. mama...ameomba nisije sa.." kabla hajamaliza kulisika sauti za ajabu na kumfanya Ed kuita
"Aretha... Aretha" kisha sauti nyingine ikasikika
"Mwanangu habari ya kazi"
Mapigo ya moyo wa Ed yakaongezeka kwa ghafla.. akajua huyo atakuwa mama yake na Aretha... kuna nini! Akaogopa, akajikaza na kujibu
"Salama mama, shikamoo"
"Marhabaa mwanangu, sasa msamehe huyu binti yangu na kigugumizi chake" mama huyu akaongea na kumfanya Ed walau kutabasamu...
"Hapana shida mama" wakati anajibu Loy aligonga mlango ikabidi azibe simu na kumruhusu aingie..
"Kaniaga kuwa anakuja huko kurudisha koti lako, na mimi nikaomba uje ulichukue mwenyewe baba"
Ed akashusha pumzi na kumwashiria Loy aendelee baada ya kuwa ameweka kikombe cha kahawa mezani..
"Oooh basi sawa mama. Nitafika baadae kulichukua" Ed akamjibu mama yake Aretha huku moyoni akiwaza huenda mama yake hataki Aretha atoke kuonana na yeye...
"Vizuri mwanangu, saa ngapi nikusubiri maana huyu binti aweza kuwa bado chuo?"
Akammaliza kabisa Ed, maana alitaka kumuona Aretha na sasa atatakiwa kuonana na mama yake tu.. "am loosing" akawaza.
"Saa kumi na mbili mama nitakuwa hapo" Edrian akajibu kwa upole
"Sawa mwanangu.. nitakusubiri, kazi njema" mama akamuaga. Ed alitegemea angemsikia tena Aretha lakini simu ikakatwa.
"What a nightmare" Edrian akawaza. Jumanne hii aliiona kama ina kisirani na yeye. Kuanzia ofisini hadi kwa mtu aliyetamani kumfariji, akamfikiria mama yake na Aretha " Anamlinda binti mkubwa huyu daaah".
Akachukua kikombe na kunywa kahawa huku akiendelea na kupitia taarifa nyingine za kiofisi kwenye kompyuta yake mpaka Allan alipoingia na wakaanza kujadili yaliyotokea leo..
"Bro kesho tunahitaji kuandaa trip kuangalia site zote. Kuna mbinu nahisi kabisa inaandaliwa kuharibu oparesheni" Allan akamtahadharisha Ed
"Nimeshaiona hiyo Allan. Ngoja tumalize hicho kikao jioni, Loy anashughulikia. Tutaenda live na watu wa site. Captain anaendelea na kumtafuta aliyejaribu kudukua taarifa. Amesema hakuwa mbali na jengo hili. So anahisi huenda yuko kwenye jengo hili hata kama si ofisi zetu."
"Sure bro.... kwa ulinzi alioweka kwenye hizi kompyuta namna pekee ya kuzifikia ni uwe karibu nazo"
"Check na kampuni ya ulinzi, angalieni CCTV" akasisitiza Ed.
Wakaendelea kushughulikia mambo ya ofisi hadi muda wa chakula cha mchana. Ed akatamani kumtumia ujumbe Aretha amuulize kama kuna shida akaogopa isije ikawa simu imebaki na mama yake. "Aaaarrrgh" akaunguruma.
Loy akamletea chakula cha mchana ofisini baada ya kuona boss wake hana mpango wa kutoka
"Asante Loy.... umesumbuka tena kama sina miguu"
"Aaah hapana boss najua uko busy, na kikao kitaanza baada ya lunch usije miss chakula"
"Nashukuru sana Loy. Tuendelee na kazi" Ed aliinuka nakukaa kwenye kochi akiweka chakula chake mezani na kuanza kula. Akakumbuka jana alipokuwa akila pembeni akiwepo Aretha akacheka. .. "very shy" akajisemea.
*******************
"Mama mie naondoka" Derrick alimuaga mama yake ambaye alikuwa amekaa kwenye kiti chake baada ya kuwa wamepata chakula cha mchana...
"Kabla hujaondoka... jana nilitaka kukuuliza kitu lakini ukaenda na mjomba wako sijui wapi na ukarudi usiku" Mrs Simunge akamrudisha mwanae Derrick
"Mama nina kipindi saa tisa jamani..."
"Eeehshhhhhhh...nitauliza kwa ufupi.. huu ni uzembe wako umelala muda wote hata sikuweza kukuuliza"
Derrick akakaa pembeni ya mama yake
"Najua unataka kuuliza juu ya wanawake wawili wakaondoka na kaka"
"Mwanangu unajua kunisoma, haya niambie yule Aretha ni nani kwako na kwa kaka yako?" Akamuuliza huku akimfinya kwenye mkono
"Mama, aaargh!"
"Usinidanganye Derrick" akamuonya mwanae
"Mama yule Aretha alikuja na mimi... japokuwa alimfahamu bro kabla ya mimi" Derrick anyamaza
"Eeeh hebu elezea vizuri hilo tayari nalijua"
Mama yake akataka atoe maelezo zaidi..
"Mama jamani, ..... basi Bro anampenda" Derrick akamwambia mama yake ukweli
"Anawapenda wote wawili?" Akauliza kwa wasi wasi.