Akasogeza meza ndogo karibu na Ed kisha akamimina maziwa kwenye glasi na kumkaribisha.
"Asante mama" akajibu Ed akisubiri kwa shauku nini kitamtoka mama huyu ambaye alielekea kukaa kwenye kochi la mmoja lililotazamana na alilokaa Ed.
Akamsubiri mpaka alipokunywa funda moja akaendelea na mazungumzo.
"Hapa ndio nyumbani kwa Aretha mwanangu, nashukuru kwa kumrudisha salama jana na pole kwa misukosuko ya barabarani."
"Asante mama, nashukuru pia kupafahamu hapa" Ed akajibu akijaribu kuwa sawa mbele ya huyu mama.
"Ni vizuri kukufahamu pia, nimemfahamu mdogo wako Derrick.. na hapa ni nyumbani kwake kabisa" mama akaendelea na kumzungumzia Derrick asijue alikuwa akibomoa hisia za Ed ambaye sasa alikunywa maziwa kwa haraka hadi yakabaki kidogo sana kwenye glasi. Aaaaah mama anataka kumaanisha kuwa anamkubali Derrick sana.. aarggghhh Ed alihisi ndani moto unamtafuna
"Ni mchangamfu sana, nilifurahi kuona Aretha kapata rafiki kwa kweli. Binti yangu ana aibu na muda mwingi hapendi kuwa kwenye mikusanyiko ya watu wengi" aliendelea mama huyu
"Aaaah. .. Sawa mama, atakuwa salama tu kwa Derrick" Ed akayasema maneno haya akiwa amebana meno asije mama akashtuka kwa mabadiliko ya sauti yake..
"Mwanangu nikuongeze maziwa?" akauliza mama
"Hapana, yananitosha kabisa." Ed akajibu, akatamani kuangalia simu yake walakini haikuwezekana maana aliisahau kwenye gari baada ya kupatwa na mshangao wa mama huyu kumkaribisha ndani.
"Sawaaa..mmm.najua unatamani kujua kwa nini nimekukaribisha ndani na sio kukupa koti lako tu mwanangu" mama akaamua kunyoosha maelezo kama ambavyo Ed alikuwa akiomba
"Ndio mama"Ed akajibu na macho yake yakatulia akitazama moja kati ya picha zilizowekwa kwenye ubao uliokuwa upande alioutazama wa ukuta...
"Mwanangu, wewe ni mtu pekee ambaye naweza kusema umeingia katika moyo wa Aretha. Siwezi kukwambia nimejuaje... lakini mimi ni mama yake. Namjua binti yangu"
Edrian akatamani ajipige kofi pwaaa ili kujiamsha kwenye maneno haya anayosikia kutoka kwa mama huyu... what! Aretha ananiwazia mimi....inawezekanaje hii?.... moyo wa Ed ulioparaganyika mwanzoni ukatulia tuli. Ni kama bahari iliyochafuka halafu ghafla kukawa shwari.
"Aamhh. .. eeh" hakuweza kuunda maneno yoyote kumjibu mama huyu aliyekuwa akimtazama Ed
"Usijali mwanangu najua na wewe unashangaa kama mimi ninavyoshangaa...nitakwambia kwa nini siku moja huko mbeleni kama utakuwa umeshawishika naye" mama akaendelea
Ed akatamani amwambie ameshawishika naye tangu alipomuona..
"Sasa mwanangu najua ulimwengu wako sio wake, lakini kabla hujaja niliongea na Derrick.. kanihakikishia wewe ni mtu mwema." Mama akameza mate kisha akaendelea
"Sikwambii umtumie binti yangu na wala sijakupa ruhusa ya kumfanya mpenzi wako..." Ed akashtuka lakini akajitahidi kuficha mshtuko wake kwa tabasamu
"Nataka umsaidie aweze kuenda sawa na ulimwengu wenu. Aweze kuwa binti mwenye uwepo wa kukabiliana na chochote katika kutimiza ndoto zake.. Anachora picha nzuri lakini anaogopa watu kumlaghai. Mfanye awe jasiri kama wewe" mama alimsihi Ed kwa msisitizo
"Oooh sawa mama. Nitajitahidi kufanya hivyo" Akajibu na kumrudishia mama tabasamu lake la kujiamini.
What! Wait yaani mama yake Aretha anampa ruhusa Ed kuwa karibu na binti yake... mzazi gani aweza kufanya hivyo.. Ed hakujua ashukuru au afanye nini..
"Kitu kimoja nakuomba" mama akaendelea na kumfanya Ed ainue macho yake kumsikiliza
"Mlinde na fujo zinazokuzunguka, pia kuna mambo yaache yajirekebishe yenyewe usijaribu kuyaharakisha kwake. Nakuamini kwa maisha ya binti yangu"
"Oooh my God.. mbona kama mambo yanakuwa rahisi kwangu" akajisemea moyoni Ed.
Akakohoa kidogo na kuamua kumuuliza mama huyu..
"Mama...samahani kwa hili naloenda kuuliza lakini natamani kujua kwa nini unaniamini hivi?" Ed hakutaka kuchukua vitu tu kwa wepesi. Aliamini kuna zaidi mama huyu anajua kuhusu Aretha na yeye..
Mama akatabasamu na kuendelea.."najua kama umeweza kuja kwangu, ukanywa maziwa yangu bila kuwa na shaka na mimi, basi nami nakupa imani hiyo hiyo"
Loooh mwanamke wa tofauti..Edrian akamwangalia kisha akatabasamu na kuinua kichwa..