" ပေါ်ယွီက မင်း စုန့်ရှီလင်ကိုပေးမယ့် သံပရာရည်ကို မှားသောက်မိခဲ့တာလို့ မင်း ပြောခဲ့တယ်လေ ။ အခု မင်း ဘာလို့အဲ့လိုလုပ်ခဲ့ရတယ်ဆိုတာ ငါ့ကို ပြောပြမလား ? "
ချီယန်က သူ့ကိုယ်သူ ကျေနပ်အားရနေတဲ့အချိန်မှာ မော့အန်းယွီက ရုတ်တရက် မေးလိုက်သည်။
ချီယန်ရဲ့ မျက်နှာအမူအရာက ချက်ချင်း ပြောင်းလဲသွားသည်။
မော့အန်းယွီက မတ်တပ်ရပ်ကာ ဖန်ခွက်အသစ်တစ်လုံးကို ယူလိုက်ပြီး ဝိုင်နီတွေ လောင်းထည့်ကာ သူ့လက်ထဲကခွက်ကို အနည်းငယ် လှုပ်ယမ်းလိုက်သည်။
ချီယန်ရဲ့ နောက်ကျောက ရုတ်တရက် ချွေးတွေစိုရွှဲလာသည်။
" အရင်တုန်းက ငါ မင်းလိမ်တာခံရလုနီးပါးပဲလေ ။ ဒါပေမယ့် အခုတော့ အဲဒါကို သဘောပေါက်နားလည်ဖို့ အရမ်းကြီး နောက်မကျသေးပါဘူး " မော့အန်းယွီက အေးစက်စွာ ပြောလိုက်သည်။ " ငါ့ခွင့်ပြုချက်မရှိဘဲ မင်းကို အဲဒီအစီအစဉ်အကောင်အထည်ဖော်ဖို့ ဘယ်သူကများ ခွင့်ပြုပေးလိုက်တာပါလိမ့် ?? "
ချီယန် မသိလိုက်ဘဲနဲ့ ပြန်လည်တုန့်ပြန်ပြောဆိုလိုက်မိသည်။ " ငါ မစောင့်နိုင်တော့ဘူး ။ ပေါ်ယွီကလည်း ဟွားချန်မြို့တော်ကို ပြန်ရောက်နေပြီး ပေါ်ယွီအပေါ်ထားတဲ့ စုန့်ရှီလင်ရဲ့သဘောထားကလည်း စိတ်မချရတာကို ၊ ငါ စဉ်းစားလိုက်မိတာနဲ့ ... မော့အန်းယွီ , မင်းလည်း ဒီကိစ္စမှာ တာ၀န်ရှိတာပဲလေ။ ငါတို့နှစ်ယောက်လုံး အခုဖြစ်ပျက်နေတဲ့အရာတိုင်းအတွက် တာ၀န်ယူဖို့ ခေါင်းရှောင်နေလို့မရနိုင်ဘူး "
မော့အန်းယွီ မတ်တပ်ရပ်ကာ ချီယန်ရဲ့မျက်လုံးတွေကို တည့်တည့်ကြည့်ရင်း စကားလုံးတစ်လုံးချင်းစီကို ဖိပြောလိုက်သည်။ " ပေါ်ယွီ့အနားကနေ စုန့်ရှီလင်ကို ချက်ချင်း ဖယ်ထုတ်ပစ်ဖို့ ငါ မင်းကို နောက်ထပ်အခွင့်အရေးတစ်ခုပေးမယ် ။ မင်း အဲဒါကို မလုပ်နိုင်ဘူးလို့တော့ ငါ့ကို လာမပြောနဲ့ ! "
" ငါ မလုပ်နိုင်တော့ဘူး " ချီယန်က မောြအန်းယွီရဲ့မျက်၀န်းတွေကို ကြောက်လန့်နေသည်။ဒါပေမယ့် တစ်ချိန်တည်းမှာပဲ မော့အန်းယွီရဲ့အမိန့်တွေက သူ့အတွက် ဘယ်တော့မှ အပြီးမသတ်နိုင်တော့ဘူးဆိုတာကိုလည်း ချီယန် အရမ်း ရှင်းရှင်းလင်းလင်း သိသည်။
ဒါ့ပြင် စုန့်ရီီလင်ရဲ့သူ့အပေါ်ထားတဲ့သဘောထားကလည်း ခုတစ်မျိုး တော်ကြာတစ်မျိုး ဖြစ်နေသည်။လွန်ခဲ့တဲ့ဆယ်နှစ်က သူ စုန့်ရှီလင်ဆီကနေ ထွက်မလာခင်တုန်းကတောင် စုန့်ရှီလင်က သူ့စကားကို တစ်ခါမှ နားထောင်ခဲ့တာမဟုတ်ပါချေ။
" အဲဒါဆိုရင်လည်း ဒီလောကကြီးမှာ ချီယန်ဆိုတဲ့ idol star တစ်ယောက် မရှိနိုင်တော့ဘူးပေါ့လေ ။ ချီယန်လို့အမည်ရတဲ့ အောက်ခြေအညတရလူတစ်ယောက်ပဲ ရှိတော့မှာ " မော့အန်းယွီက ချီယန်ကို ခြိမ်းခြောက်သတိပေးလိုက်သည်။
ချီယန် နောက်ကို လှည့်လိုက်တဲ့အချိန်မှာ သူ့ရဲ့ကြောက်စိတ်တွေက လျော့ပါးမှေးမှိန်သွားသည်။မော့အန်းယွီကို ကျောပေးထားတဲ့ ချီယန်ရဲ့မျက်နှာပေါ်မှာ အောင်နိုင်ခြင်းရဲ့အပြုံးတစ်ခုက ပေါ်ပေါက်လာခဲ့သည်။သူ မော့အန်းယွီကို အေးစက်နေတဲ့လေသံနဲ့အတူ ပြောဆိုလိုက်သည်။ " ငါတို့တွေ ပန်းတိုင်ကို ရောက်တဲ့အချိန်ကျရင်တော့ ငါတို့ပူးပေါင်းထားတဲ့ဆက်ဆံရေးက လုံး၀ကို ပြီးပြီနော် "
မော့အန်းယွီက နောက်ထပ်တစ်ကြိမ် ဘိလိယက်ထိုးတဲ့တုတ်တံကို ကောက်ယူကာ ပြောလိုက်သည်။ " ဒါပေါ့ "
ချီယန် သီးသန့်အခန်းထဲကနေ ထွက်သွားတော့သည်။
" ဘန်း " ဘောလုံးဟာ တွင်းထဲကို ရောက်ရှိသွားလေသည်။
______________
" မား ? " စုန့်ရှီလင် ဖုန်းထုတ်ကြည့်လိုက်တဲ့အခါ ဖုန်းခေါ်တဲ့သူက သူ့အမေဖြစ်နေတာကို တွေ့လိုက်ရသည်။စုန့်ရှီလင် ဖုန်းဖြေလိုက်သည်။
စုန့်ရှီလင်ရဲ့အမေဖြစ်သူက လေးနက်တဲ့အသံနဲ့အတူ မေးလာခဲ့သည်။ " မင်း ပေါ်ယွီနဲ့အတူရှိနေတုန်းလား ? "
" ဟိုးအရင်ကတည်းက ကျွန်တော်တို့ ပြတ်သွားကြပြီလေ " စုန့်ရှီလင်က အမှန်အတိုင်း ပြန်ဖြေလိုက်သည်။
" ငါ့ကို မညာနဲ့ ! " စုန့်ရှီလင်ရဲ့အမေက စိတ်လှုပ်ရှားနေသည်။ " ချီယန်လေးက ငါ့ကို ပြောတယ် ။ မင်း အိမ်ကိုပြန်မလာဘဲနဲ့ ပေါ်ယွီ့ဘေးမှာ အိမ်တစ်လုံးတောင် ၀ယ်လိုက်သေးတယ်ဆို ။ အဲဒါတောင်မှ အခု မင်းက ပေါ်ယွီနဲ့ဆက်ဆံရေးမရှိတော့ပါဘူးလို့ ငါ့ကို လာပြောနေတာလား ? "
ချီယန် ? စုန့်ရှီလင်ရဲ့မျက်၀န်းတွေက ကျဉ်းမြောင်းသွားသည်။
" ပေါ်ယွီတို့မိသားစုက မရိုးသားတဲ့အပြင် သိက္ခာလည်းမရှိဘူး ။ မင်း ပေါ်ယွီကလွဲရင် ဘယ်သူနဲ့မဆို ပတ်သတ်လို့ရတယ် ! " စုန့်ရှီလင်ရဲ့အမေက စိတ်မကောင်းဖြစ်နေဟန်နဲ့ ပြောလိုက်သည်။ " ငါ မင်းအတွက် ညစာစားပွဲတစ်ခု စီစဉ်ပေးထားပြီးပြီ ။ အဲဒီကလေးမလေးက ဦးလေးဟန်ရဲ့သမီးပဲ ။ မင်း ဒီတစ်ခေါက် ချိန်းထားတဲ့ ညစာစားပွဲဆီ သွားကိုသွားရမယ် !!! "
" မား , ကုမ္ပဏီမှာ ကျွန်တော် ဖြေရှင်းမှရမယ့် ကိစ္စတွေရှိတယ် ။ ကျွန်တော် ထွက်လာလို့မရဘူး " စုန့်ရှီလင်က ပေါ့ပေါ့ပါးပါး ပြန်ပြောလိုက်သည်။
စုန့်ရှီလင်ရဲ့အမေက ခိုင်မာစွာ ပြောလာခဲ့သည်။ " ကောင်းပြီ ၊ မင်း ညစာစားပွဲကို မသွားလည်းရတယ် ။ ဒါပေမယ့် မင်း အိမ်ပြောင်းရမယ် ! "
" မပြောင်းဘူး " စုန့်ရှီလင်မှာ သူကိုယ်တိုင်တောင် မသိလိုက်ဘဲ ငြင်းဆန်လိုက်မိသည်။
စုန့်ရှီလင်ရဲ့အမေက လှောင်ပြောင်ခနဲ့လိုက်သည်။ " မင်းပဲ ပေါ်ယွီနဲ့ ပြတ်သွားပါပြီဆို "
စုန့်ရှီလင် ဆက်လက်ရှင်းပြမနေတော့ပေ။
စုန့်ရှီလင်ရဲ့အမေက သရော်လှောင်ပြောင်လိုက်ပြန်သည်။ " မင်းတို့ အရင်က ဘယ်လိုပြတ်ခဲ့လဲဆိုတာ ကိစ္စမရှိဘူး ။ ဒါပေမယ့် အခုချိန်မှာတော့ မင်း စိတ်ကူးပေါက်ရာ ထင်တိုင်းကြဲနေလို့မရဘူး ။ မနက်ဖြန်ညကျရင် ညစာချိန်းထားတာကို မင်း သွားရမယ် ။ ငါ မင်းကို ခေါ်ဖို့ ကုမ္ပဏီကို လာခဲ့လိုက်မယ် "
စကားဆုံးတာနဲ့ စုန့်ရှီလင်ရဲ့အမေက သူ့ရဲ့ရှင်းပြချက်ကိုတောင် နားမထောင်တော့ဘဲ တွေဝေတုံ့ဆိုင်းခြင်းမရှိ ဖုန်းချသွားလေသည်။
စုန့်ရှီလင်ရဲ့မျက်ခုံးနှစ်ဖက်ဟာ တောင်တန်းတွေလို စုကြုံ့လာသည်။အချိန်အတော်ကြာတဲ့အခါ သူ လက်ကိုဆန့်ထုတ်ကာ နက်မှောင်နေတဲ့ မျက်၀န်းတွေနဲ့အတူ ဖုန်းချပြီး နှုတ်ခမ်းတွေကို တင်းတင်းစေ့ပိတ်လိုက်သည်။သူ ဘာတွေစဉ်းစားနေလဲဆိုတာ ဘယ်သူမှ မသိနိုင်ပေ။
စုန့်ရှီလင် ဖုန်းချသွားပြီးနောက် သူမက သူမဘေးမှာ ထိုင်နေတဲ့ ချီယန်ကို ပြုံးပြကာ အံ့သြစွာနဲ့ ဆိုလိုက်သည်။ " ချီယန်လေး , မင်း ဘာလို့များ ဖြူဖျော့နေရတာလဲကွယ် ? နေမကောင်းဘူး လား ? "
ချီယန်က မတ်တပ်ထရပ်ကာ မြန်မြန် နှုတ်ဆက်စကားပြောချင်နေပြီဖြစ်သည်။စုန့်ရှီလင်ကို ဆန့်ကျင်ပြီး သတင်းပေးလိုက်တဲ့လူက သူဆိုတာကို စုန့်ရှီလင်ရဲ့အမေက တိုက်ရိုက်ကြီး စုန့်ရှီလင်ဆီ ပြောလိုက်လိမ့်မယ်လို့ သူ တစ်ခါမှ မတွေးမိပေ။
" အန်တီစုန့် , ကျွန်တော် လုပ်စရာအလုပ်လေးတွေ ရှိသေးလို့ အဲဒါကြောင့် ကျွန်တော် အရင်ပြန်လိုက်ပါဦးမယ် ၊ နောက်မှတွေ့မယ်နော် " ချီယန် မတ်တပ်ရပ်လိုက်ပြီး ဖြူဆုတ်နေတဲ့ပုံစံနဲ့ သူမကို နှုတ်ဆက်စကားဆိုလိုက်သည်။
စုန့်ရှီလင်ရဲ့အမေက မကျေနပ်ဟန်နဲ့ မျက်မှောင်ကြုတ်လိုက်ပြီး ချီယန်ကို ဆွဲထားကာ စကားအနည်းငယ်ပြောလိုက်သည်။အဲဒီနောက် သူမက ချီယန်ကို သူ့ရဲ့နားလည်ပေးမှုအတွက် ချီးကျူးလိုက်ပြီး ပေါ်ယွီက နောက်တစ်ခါ သူမရဲ့သားဖြစ်သူကို မြှူဆွယ်နေတဲ့အကြောင်း ပြောပြတာအတွက်လည်း ကျေးဇူးတင်လိုက်သည်။
ချီယန်မှာတော့ ပိုပိုပြီး စိတ်မငြိမ်မသက်ဖြစ်လာသည်။
စုန့်ရှီလင်ရဲ့အမေက ချီယန်ကို ထွက်သွားလို့ရပြီဖြစ်ကြောင်း လက်ဟန်ပြလိုက်သည်။
ချီယန် စိတ်သက်သာရာရစွာနဲ့ သက်ပြင်းတစ်ချက်ချလိုက်ပြီး ကော်ဖီဆိုင်အပြင်ကို ထွက်လာခဲ့သည်။သူ ကားပါကင်ဆီ လမ်းလျှောက်သွားတဲ့အချိန်မှာ ကားတံခါးက အဆင်သင့် ပွင့်နေသည်။သူ့ကို ပုံမှန်မဟုတ်တဲ့ အ၀တ်အစားတွေ၀တ်ထားတဲ့ ကိုယ်ရံတော်နှစ်ယောက်က ပိတ်တားလိုက်ကြသည်။ " မစ္စတာချီ , ကျွန်တော်တို့ရဲ့သူဋ္ဌေးက မစ္စတာကိုပြောစရာတချို့ရှိတယ်တဲ့ "
ချီယန်က ကိုယ်ရံတော်တွေ သူ့ကို ပြောတဲ့နေရာဆီ ကြည့်လိုက်တဲ့အခါ သူ တဆတ်ဆတ် တုန်ယင်လာပြီး သော့က ကြမ်းပြင်ပေါ်ကို ပြုတ်ကျသွားခဲ့လေသည်။
_________________
ပေါ်ယွီ အ၀တ်လဲခန်းထဲမှာ ထိုင်နေရင်း iPad ထဲကနေတစ်ဆင့် ဇာတ်ညွှန်းဖတ်နေသည်။အခန်းထဲတွင် နောက်ထပ် အမျိုးသားကြယ်ပွင့် သုံးဦးရှိသည်။
star လေးယောက်လုံးက မတူညီတဲ့ နေရာတွေ အသီးသီးမှာ ထိုင်နေကြပြီး တစ်ယောက်ကို တစ်ယောက် စကားလည်း မပြောကြပေ။
ဒီနေရာက
ပေါ်ယွီ မျက်လုံးလှန်ပြီး သူတို့ထဲက နှစ်ယောက်ကို လျင်မြန်စွာနဲ့ ဖျတ်ခနဲ ကြည့်လိုက်တဲ့အခါ သူ အကူအညီမဲ့စွာ ပြုံးလိုက်မိသည်။ဒီလူနှစ်ယောက် Weibo ပေါ်မှာ သူတို့အချင်းချင်း မကြာခဏ ဆက်သွယ်တတ်ကြသည်။သူတို့တွေဟာ ရသစုံရှိုးပွဲတွေကို အတူတူ တက်ရောက်ကြတဲ့အချိန်တိုင်းမှာလည်း သူတို့နှစ်ယောက်က ညီအစ်ကိုကောင်း ၊ သူငယ်ချင်းကောင်းတွေဖြစ်ကြောင်း အတိအလင်း ထုတ်ဖော်ပြောဆိုကာ အလွန်အမင်း ကြော်ငြာလေ့ရှိသည်။
ဒါပေမယ့် ဒီသူငယ်ချင်းကောင်းတွေပါဆိုတဲ့ နှစ်ယောက်က ပရိသတ်တွေနဲ့ ကင်မရာတွေရဲ့ နောက်ကွယ်မှာတော့ မယုံကြည်နိုင်လောက်အောင်ပဲ သူတို့အချင်းချင်း နာရီဝက်လောက်တောင် မျက်နှာချင်းမဆိုင်ကြတာကို ဘယ်သူမှ မသိကြပေ။
ဒါပေမယ့် ပေါ်ယွီကတော့ သူတို့ကို နားလည်ပေးနိုင်သည်။အဆုံးမှာတော့ အကယ်၍များ လူတစ်ယောက်က entertainment လောကထဲမှာ ပိုက်ဆံရှာချင်ရင် အဲဒီလူဟာ သူ့ရဲ့စီးပွားရေးတန်ဖိုးနဲ့ ကျော်ကြားမှုကို ထိန်းသိမ်းစောင့်ရှောက်ရမည်ဖြစ်သည်။တကယ်လို့ သူတို့တွေနဲ့တခြားလူတွေကြားမှာ ကွာခြားချက်သာမရှိရင် ဘယ်သူကမှ သူတို့ကို သရုပ်ဆောင်ပေးဖို့ ပြောရေးဆိုခွင့်ရှိသူ(spokesman)အဖြစ် လုပ်ဆောင်ပေးဖို့ မေးမြန်းကမ်းလှမ်းကြမှာမဟုတ်ပေ။
ဒါပေမယ့် ပေါ်ယွီ သူ့နှလုံးသားထဲမှာ ပြောလိုက်မိသည်။ ' နားလည်ပေးနိုင်တယ်ဆိုတာက လက်ခံသဘောတူတယ်လို့ ဆိုလိုတာမဟုတ်ဘူး ' ။ ပေါ်ယွီ အကြည့်လွှဲလိုက်ပြီး iPad ကိုပိတ်ကာ သူ့ရဲ့စိတ်ဝိဉာဏ်ကို ပြန်လည်လန်းဆန်းလာအောင် အနားပေးတဲ့အနေနဲ့ သူ့မျက်လုံးတွေကို မှိတ်ချလိုက်တော့သည်။
ပိတ်ထားတဲ့ အခန်းတံခါးက ပွင့်လာလေသည်။
အမျိုးသမီးလက်ထောက်က အခန်းထဲကို ခေါင်းပြူ၀င်ကာ ဂရုတစိုက် ပြောလိုက်သည်။ " audition စပါပြီ ။ ဒါရိုက်တာကြီးနဲ့ ပရိုဂျူဆာကြီးတို့က ဘေးခန်းမှာ စောင့်နေကြပါတယ် "
အဲဒါကို ကြားတဲ့အခါ လူလေးယောက်လုံးက တစ်ချိန်တည်းမှာ မတ်တပ်ရပ်လိုက်ကြပြီး တံခါးဆီကို လျှောက်သွားလိုက်ကြသည်။
______
ချူး၀မ်၀မ်မှာ သရုပ်ဆောင်အရည်အချင်းကောင်းတွေလည်းရှိပြီး ဒါရိုက်တာကလည်း အမျိုးသမီးဇာတ်လိုက်မှာ ဖြူစင်ရိုးသားတဲ့ ပုံပန်းသဏ္ဍာန်မျိုးရှိသင့်တယ်လို့ မျှော်လင့်တာကြောင့် သူမဟာ အမျိုးသမီးဇာတ်လိုက်နေရာအတွက် လျင်မြန်စွာပဲ အတည်ပြုခံလိုက်ရသည်။
အမျိုးသမီးဇာတ်လိုက်နေရာအတွက် ဒါရိုက်တာရဲ့တောင်းဆိုချက်တွေက မမြင့်ပေ။ဒါပေမယ့် အမျိုးသားဇာတ်လိုက်အတွက်ကတော့ အလွန်မြင့်မားလှသည်။
အမျိုးသားဇာတ်လိုက်ဟာ လန်းဆန်းတက်ကြွပြီး ရိုးသားဖြောင့်မတ်တဲ့ စိတ်နေသဘောထားရှိတဲ့ ရှန်းမာန်ဂိုဏ်းရဲ့ ခေါင်းဆောင်ဖြစ်သည်။ကျင့်ကြံခြင်းကို လေ့ကျင့်သူဖြစ်တာကြောင့် သူဟာ ကိလေသာခုနစ်ပါးနဲ့ ခံစားမှုအာရုံခြောက်ပါးတို့ကို ဟိုးအရင်ကတည်းက ဖယ်ရှားထားခဲ့သည်။ဒါကြောင့် သူ့နှလုံးသားထဲမှာ ဆန္ဒလည်းမရှိ ၊ ဝမ်းနည်းမှုလည်းမရှိ ၊ ပျော်ရွှင်မှုလည်းမရှိပေ။
ဒါကြောင့် အမျိုးသားဇာတ်လိုက်ရဲ့စိတ်ခံစားချက်တွေကို သူ့မျက်၀န်းတွေတစ်မျိုးထဲမှာသာ ဖော်ပြနိုင်ပြီး သူ့မျက်နှာပေါ်မှာတော့ ဘယ်လိုအမူအရာမှ ဖြစ်လို့မရပေ။
ရိုးရိုးသားသား ပြောရရင် ဒီဇာတ်ကောင်နေရာဟာ သရုပ်ဆောင်မင်းသားရဲ့အရည်အချင်းကို စစ်ဆေးတဲ့ ကြီးမားလှတဲ့ စမ်းသပ်ချက်ပင်ဖြစ်သည်။
ပေါ်ယွီက သုံးယောက်မြောက် audition ဖြေရမယ့်သူဖြစ်သည်။သရုပ်ဆောင်ရမှာက မဆိုးပေမယ့် အခက်အခဲက ကြီးမားသည်။
ပထမဆုံး audition ဖြေတဲ့ လျူရန်က သုန်မှုန်နေသည်။မကြာခင်မှာပဲ သူက သူ့ရဲ့စိတ်အခြေအနေကို လျင်မြန်စွာနဲ့ ထိန်းသိမ်းလိုက်သည်။
______ အကယ်၍ ပထမဆုံးလူကသာ ကောင်းကောင်းမွန်မွန် တင်ဆက်နိုင်ခဲ့ရင် သူဟာ ဒါရိုက်တာကြီးရဲ့ချီးကျူးမှုနဲ့ အားရကျေနပ်ခြင်းကို ရရှိရုံသာမက နောက်လူတွေကိုလည်း စိတ်ဖိစီးပြီး သရုပ်ဆောင်တဲ့နေရာမှာ အခက်တွေ့အောင် လုပ်နိုင်မှာဖြစ်သည်။
_______________
လျူရန်က သူ့ရှေ့မှာရှိတဲ့ ကောင်မလေးကို ဂရုမစိုက်ဟန်နဲ့ ကြည့်လိုက်သည်။ " ငါ တပည့်သစ် လက်မခံဘူး "
ကောင်မလေးက ဇာတ်လမ်းစာသားတစ်ကြောင်းကို ပြောလိုက်သည်။ဒါပေမယ့် လျူရန်က ပိုပြီးတော့တောင် လျစ်လျူရှူလိုက်သည်။ " ထပ်ပြောစရာမလိုဘူး ။ ကျူးယာက ဒီတစ်ဘ၀လုံးမှာ ဘယ်သူ့ကိုမှ တပည့်အဖြစ်လက်ခံမှာမဟုတ်ဘူး "
ပြောပြီးတဲ့နောက် လျူရန်ဟာ ဝါးတောအုပ်ထဲက မသေမျိုးထာ၀ရရှင်သန်သူဟန်ပန်နဲ့ သူ့လက်တွေကို ခါချလိုက်ပြီး လျစ်လျူရှူစွာ ဆိုလိုက်သည်။ " ပြန်တော့ ၊ ဒီနေရာကို နောက်တစ်ခါ ထပ်မလာနဲ့တော့ "
ခဏကြာတဲ့အခါ လျူရန်က သူ့ရဲ့အေးစက်စက် မျက်နှာအမူအရာနဲ့ သရုပ်ဆောင်နေတာကို ရပ်တန့်လိုက်ပြီး ခုံမှာထိုင်နေကြတဲ့ ဒါရိုက်တာ ၊ ပရိုဂျူဆာနဲ့ စာရေးဆရာတို့ဘက်ကို ဦးညွှတ်လိုက်သည်။
ဒါရိုက်တာက လှောင်ပြောင်သရော်လိုက်သည်။ " ဇာတ်လိုက် ကျူးယာက ဒေါသထွက်မနေသင့်ဘူး ။ မင်း တင်ဆက်သွားတာ ပိုလွန်းနေတယ် "
လျူရန် မပျော်မရွှင်ခံစားလိုက်ရသည်။ဒါပေမယ့် သူက ဒါရိုက်တာရဲ့ဖြစ်တည်မှုကို ကြောက်ရတာကြောင့် သူ သိပ်ပြီး များများစားစား မပြောရဲဘဲ ဒေါသထွက်နေတဲ့ အမူအရာနဲ့အတူ ဘေးထွက်ထိုင်နေလိုက်ရသည်။
လျူရန်က အရမ်းကို ကောင်းကောင်း တင်ဆက်သွားခဲ့တာကြောင့် သူ့မှာ အခွင့်အရေးမရှိတော့ဘူးလို့ ဒုတိယမြောက် audition ဖြေမယ့်သရုပ်ဆောင်က တွေးလိုက်သည်။ဒါပေမယ့် ဒါရိုက်တာရဲ့အဲဒီစကားတွေကို ကြားလိုက်ရတဲ့အခါ သူ ချက်ချင်းကို အရမ်းပဲ ပျော်ရွှင်သွားပြီး သရုပ်ဆောင်ဖို့အတွက် ရှေ့ကို ထွက်လာတော့သည်။
ဒုတိယမြောက် သရုပ်ဆောင်မင်းသားက ရွှန်းလက်နေတဲ့ အပြုံးနဲ့အတူ တောက်ပနေသည်။သူ သရုပ်ဆောင်နယ်ပယ်ထဲကို ၀င်လာပြီးနောက်ပိုင်းမှာ သူ့ရဲ့သရုပ်ဆောင်စွမ်းရည်က သိပ်မဆိုးပေ။ဒါပေမယ့် ဒါရိုက်တာကတော့ သူ့ရဲ့သရုပ်ဆောင်အရည်အချင်းက သူလိုချင်တဲ့အထိရောက်ဖို့ အတော်လေး လိုအပ်နေသေးတယ်လို့ ပြောလိုက်သည်။
ပေါ်ယွီ နည်းနည်း စိတ်ဖိစီးသွားသလို ခံစားလိုက်ရသည်။အရင်က သူ တီဗွီဇာတ်လမ်းတွဲနှစ်ခုနဲ့ ဇာတ်ကောင်နေရာတွေကို လိုချင်သည်။တစ်ခုက နိုင်ငံကို သိမ်းပိုက်အောင်နိုင်ခဲ့တဲ့ တော်၀င်မင်းသားနေရာဖြစ်ပြီး နောက်တစ်ခုက ဒီဟာဖြစ်သည်။သူက နိုင်ငံကို သိမ်းပိုက်အောင်မြင်တဲ့ မင်းသားဇာတ်ကောင်နေရာအတွက် ရွေးချယ်မခံရပေ။ဒါကြောင့် တကယ်လို့များ သူ ဒီဟာကိုပါ ထပ်အရွေးမခံရရင် သူ့ကိုယ်သူ စိတ်ပျက်မိမှာဖြစ်ပြီး လောင်ကျန်းကိုလည်း ရှင်းပြနိုင်တော့မှာ မဟုတ်ချေ။
ဒါ့ပြင် ပေါ်ယွီ
ဒီတီဗွီဇာတ်လမ်းတွဲရဲ့ အဓိကဇာတ်လိုက်နေရာက သူ့အတွက် လက်ရှိအချိန်မှာ ပြောင်းလဲပစ်ဖို့အတွက် အကောင်းဆုံးအခွင့်အရေးဖြစ်သည်။
ပေါ်ယွီ အသက်ပြင်းပြင်းတစ်ချက် ရှူရှိုက်ကာ မတ်တပ်ရပ်လိုက်သည်။
________________
ပေါ်ယွီရဲ့ ပုံပန်းသွင်ပြင်က သူ့ရဲ့ကြီးမားတဲ့ အားသာချက်ပဲဖြစ်သည်။ပြီးတော့ သူ့ရဲ့အေးစက်ပြီး ကြော့ရှင်းရည်မွန်တဲ့ ပင်ကိုယ်စရိုက်ကလည်း သူ့ကို အလွန်နူးညံ့သိမ်မွေ့ပြီး စိတ်ကူးယဉ်ဆန်စေသည်။
______ ပေါ်ယွီက ဘယ်အရာမှ ဒီမသေမျိုးအမတရှင်ကို လာရောက်မနှောင့်ယှက်နိုင်သလိုမျိုး လျစ်လျူရှုတတ်တဲ့ မျက်၀န်းတွေနဲ့အတူ သူ့ကျောနောက်မှာ လက်တွေကို ချိတ်ယှက်လိုက်သည်။
{ T / N ; လက်နောက်ပစ်ထားတယ်ဟုဆိုလိုသည် }
" ကျေးဇူးပြုပြီး ကျွန်မကို ရှင့်ရဲ့တပည့်အဖြစ် ခေါ်ထားပေးပါ ... " အဲဒီအချိန်မှာ ဖြူစင်တဲ့ ကလေးမလေးက မျက်ရည်တွေ ဝိုင်းနေတဲ့ မျက်လုံးတွေနဲ့အတူ သူ့ကျောနောက်မှာ လက်တွေကို ယှက်ကာ မတ်တပ်ရပ်နေတဲ့ အမျိုးသားကို ကြည့်လိုက်သည်။
" ငါ ဘယ်တပည့်မှ လက်မခံဘူး ၊ ငါ့ကို မင်း ထပ်ပြောဖို့မလိုဘူး " ပေါ်ယွီက ခေါင်းကို အနည်းငယ် စောင်းငဲ့လိုက်တာကြောင့် သူ့ရဲ့ပိတုန်းရောင်ဆံနွယ်တွေက သူ့မျက်လုံးတွေကို ဖုံးအုပ်လာသည်။သူ တည်ငြိမ်နေတဲ့ မျက်နှာအမူအရာနဲ့အတူ သူ့မေးစေ့ကို မော့လိုက်သည်။
" ပြန်တော့၊ ဒီကိုနောက်တစ်ခါထပ်မလာခဲ့နဲ့ "
သူ့ရဲ့လက်ချောင်းထိပ်လေးတွေက မြေပြင်ပေါ်ကို အနည်းငယ် ထိလိုက်တဲ့အခါ ဝါးရွက်ထောင်ချီက ပျံဝဲလာပြီး ဝဲဂယက်သဏ္ဍာန် စုစည်းသွားကြသည်။အဲဒါကို အဝေးကနေ ကြည့်ရတာ အလွန်ထိတ်လန့်စရာကောင်းဟန်ပေါ်သည်။
ဝါးတောအုပ်အစွန်မှာတော့ ဖြူစင်ရိုးသားတဲ့ မိန်းမငယ်လေးဟာ သူမရဲ့မမြင်နိုင်တဲ့ အရိပ်လေးကိုသာ ချန်ထားခဲ့ပြီး မျက်ရည်တွေအပြည့်နဲ့ ထွက်ခွာသွားလေသည်။
စာရေးဆရာက ပေါ်ယွီကို မျက်တောင်မခတ်ကြည့်နေရင်း သတိမမူမိဘဲ သူ့အင်္ကျီအစွန်းလေးကို လက်ချောင်းတွေနဲ့ ဆုပ်ထားနေမိသည်။
ဇီဇာကြောင်တဲ့ ဒါရိုက်တာလည်း နောက်ဆုံးတော့ အားရကျေနပ်သွားသည်။ဒါပေမယ့် သူက ဆုံးဖြတ်ချက်ကို အလောတကြီး မချမှတ်ဘဲ ပြောလိုက်သည်။ " အရမ်းကောင်းတယ် ၊ အရမ်းကောင်းတယ် ။ နောက်တစ်ယောက် "
ပေါ်ယွီက သူ့နေရာသူ ပြန်ထိုင်လ်ုက်သည်။ခဏတဖြုတ်ကြာတဲ့အခါ သူ စိတ်တည်ငြိမ်သွားပြီး လေးယောက်မြောက်မင်းသား သရုပ်ဆောင်တာကို စောင့်နေလိုက်သည်။
လေးယောက်မြောက် သရုပ်ဆောင်မင်းသားရဲ့ နဖူးပေါ်မှာ ချွေးစေးတွေ ထွက်နေပြီဖြစ်သည်။သူဟာ အရင်တစ်ယောက် အထူးသဖြင့် ပေါ်ယွီရဲ့ ပြီးပြည့်စုံလှတဲ့ သရုပ်ဆောင်စွမ်းရည်ကို မြင်ကာ ကြီးမားလွန်းတဲ့ ဖိအားအောက်ကို ရောက်ရှိနေပြီး သူ စိတ်ပူပန်ထိတ်လန့်နေသည်။
ဒါကြောင့် သူ သရုပ်ဆောင်တာက သူ့ရဲ့ဆိုးဝါးနေတဲ့ စိတ်အခြေအနေကြောင့် စိတ်ကျေနပ်မှုမရပေ။သူ တင်ဆက်ပြီးတဲ့အချိန်မှာ ဒါရိုက်တာရဲ့အရင်ကလျော့ပါးပြီးတဲ့ မျက်နှာအမူအရာက ရုတ်တရက် အေးခဲလာပြီး ' ဟွန်း ' ဟု အသံပြုသရော်ကာ ပြောလိုက်သည်။ " ဟုတ်ပြီ ။ ဒါအကုန်ပဲပေါ့ "
ဒါရိုက်တာ ၊ စာရေးဆရာနဲ့ ပရိုဂျူဆာတို့က မတ်တပ်ရပ်ကာ အခန်းတစ်ခန်းဆီကို လျှောက်သွားကြသည်။
သူတို့လေးယောက်လည်း audition room ထဲကနေ ထွက်လာခဲ့သည်။
ခဏလောက်ကြာတဲ့အခါ ပရိုဂျူဆာက ထွက်လာပြီး နူးညံ့တဲ့ မျက်နှာထားနဲ့ ပြောလာခဲ့သည်။ " မင်းတို့တွေ ကြိုးစားခဲ့ကြတယ် ။ ဒီနေ့တော့ ဒီလောက်ပဲ ။ အရင်ဆုံး မင်းတို့ ပြန်လိုက်ကြပါ ။ ပြီးရင် ငါတို့ ဆွေးနွေးပြီး ရလဒ်ကို အကြောင်းကြားပေးမယ် "
ပြောပြီးတာနဲ့ ပရိုဂျူဆာက တကယ့်ကို အလုပ်ရှုပ်နေဟန်ပေါ်ကာ လောလော လောလောနဲ့ ထွက်သွားလေသည်။
ပေါ်ယွီ သူ နာရီကို တစ်ချက်ကြည့်ကာ ထွက်သွားဖို့ အရင်ဆုံး မတ်တပ်ထရပ်လိုက်သည်။ သူ လုပ်နိုင်တာ အကုန်လုပ်ခဲ့ပြီးပြီ။ကျန်တာကတော့ သူ့ကံအပေါ်ပဲ မူတည်တယ်။
လျူရန်မှာ စူးရှတဲ့မျက်လုံးတွေရှိပြီး သူက ပေါ်ယွီကို ခင်မင်ရင်းနှီးဟန်နဲ့ ပြောလိုက်သည်။ " ပေါ်ကော , စောပါသေးတယ် ။ ကျွန်တော်တို့ ဒီည hotpot သွားစားကြရင်ရော ဘယ်လိုလဲ ? "
မကောင်းဘူး ။ ပေါ်ယွီ သူ့နှလုံးသားထဲကနေ ငြင်းဆန်လိုက်သည်။
သူ နှစ်နှစ်လောက် အပျော်အပါးရှောင်ကြဉ်ပြီးတဲ့ နောက်ဆုံးတော့ သူ့မှာ တစ်ညလုံး အိပ်ရာပေါ်မှာ လူးလှိမ့်ဖို့အတွက် အခွင့်အရေးရှိပြီဖြစ်သည်။တကယ်လို့ သူသာ ဘာမှမလုပ်ဘဲ တစ်ညထပ်နေရရင် အဲဒါက သူ့အတွက်တော့ ဒုက္ခကြီးပဲ !!!
အချိန်အကြာကြီး ထိန်းထိန်းသိမ်းသိမ်းနေခဲ့ရတဲ့ ပေါ်ယွီအတွက် ဒီကိစ္စက နားလည်လို့ရသည်။ဒီနေ့မနက်ဆိုရင် သူ့နဖူးပေါ်မှာ ၀က်ခြံသေးသေးလေးတစ်ခုကိုတောင် တွေ့ခဲ့ရပြီး အရမ်းကို စိတ်ဓါတ်ကျစရာတောင်ကောင်းနေသည်။
သူက တကယ့်ကို အရည်အချင်းပြည့်၀တဲ့ သရုပ်ဆောင်တစ်ယောက်ဆိုပေမယ့် သူ့ရဲ့ချောမောခန့်ညားတဲ့ မျက်နှာကလည်း သူ့ရဲ့ကျော်ကြားမှုကို မြှင့်တင်ဖို့ သော့ချက်တစ်ခုဖြစ်သည်။
" ငါ လောလောဆယ် ဝိတ်ကျဖို့ ကြိုးစားနေတာမို့လို့ အဲဒါကို မေ့လိုက်ရအောင် " ပေါ်ယွီက ရှောင်ကျန်းဆီကနေ mask ကို ယူ၀တ်လိုက်သည်။
လျူရန်က အစတော့ မင်တက်သွားပြီး ပြောလိုက်သည်။ " ဟုတ်ကဲ့ , အဲဒါဆိုလည်း ကောင်းပါပြီ " သူက ပေါ်ယွီရဲ့စကားလုံးတွေကို သဘောတူလိုက်ပေမယ့် သူ့နှလုံးသားထဲမှာတော့ ပေါ်ယွီရဲ့လျစ်လျူရှူမှုကြောင့် လျူရန် စိတ်အနှောင့်အယှက်ဖြစ်သွားရသည်။
ပေါ်ယွီက သူ့ရဲ့ငြင်းဆန်မှုကြောင့် လျူရန် နေရခက်သွားတာကို မသိပေ။သူက သူ့ဖုန်းကို သာမာန်မျှ ဟိုရွေ့ဒီရွေ့လုပ်လိုက်ပြီး ခေါင်းငြိမ့်ကာ ဆိုလိုက်သည်။ " ငါ အရင်ပြန်နှင့်တော့မယ် ။ နောက်တစ်ခေါက်ကျရင် ငါ မင်းတို့ကို ၀ယ်ကျွေးမယ်လေ "
စကားဆုံးတာနဲ့ ပေါ်ယွီက သူ့ခြေထောက်တွေကိုမကာ သိပ်မဝေးတဲ့နေရာမှာ ရပ်ထားတဲ့ nanny car ဆီကို လျှောက်သွားလိုက်သည်။
လျူရန်က သူ့လက်ကို တောင့်တင်းစွာ မြှောက်လိုက်ပြီး ပေါ်ယွီရဲ့နောက်ကျောကို ဝှေ့ယမ်းပြလိုက်သည်။
ရှောင်ကျန်းက စူးစမ်းတဲ့မျက်လုံးတွေနဲ့အတူ ရယ်ချင်ရက်ပက်ကျိနဲ လျူရန်ကို ကြည့်လိုက်သည်။
လျူရန် အေးစက်စွာ သရော်လိုက်သည်။သူ ပေါ်ယွီကို အဆင်မပြေတဲ့မျက်နှာမျိုးနဲ့ မဆက်ဆံရဲပေ။ဒါပေမယ့် သူ့အတွက် လက်ထောက်လေးတစ်ယောက်ကို မျက်နှာလိုမျက်နှာရလုပ်ဖို့လည်း မလိုချေ။
ရှောင်ကျန်း တောင့်တင်းစွာ ကြည့်လိုက်ပြီး ထွက်သွားတော့သည်။
" ပေါ်ကော , ဖုန်းမြည်သွားတယ် ။ ဒါပေမယ့် ကျွန်တော် ဖုန်းမဖြေလိုက်ရဲလို့ " ရှောင်ကျန်းက ရှေ့ခုံမှာ ထိုင်နေပြီး ခဏလောက် ချီတုံချတုံဖြစ်ကာ ပြောလာခဲ့သည်။
ပေါ်ယွီ မျက်မှောင်ကြုတ်လိုက်ပြီး ရှောင်ကျန်း သူ့ဆီ ကမ်းပေးလာတဲ့ဖုန်းကို ယူလိုက်သည်။missed call list ထဲမှာ ပေါ်နေတဲ့ နာမည်ကို ကြည့်ပြီးတဲ့နောက် သူ ရုတ်တရက်ကြီး တိတ်ဆိတ်သွားခဲ့သည်။
ခဏလောက်ကြာတဲ့အခါ ရှောင်ကျန်း သူ ပေါ်ယွီရဲ့နဖူးမှာ ချွေးတွေထွက်နေတာကို တွေ့လိုက်ရသည်။ရုတ်တရက်ကြီး သူ ဘယ်သူကများ ပေါ်ယွီဆီ ဖုန်းခေါ်လိုက်လဲဆိုတာကို သိချင်မိသွားလေသည်။
.
.
.
.
.
.
မနေ့က တင်ပေးမလို့ဟာကို ခြံအသစ်၀ယ်ထားတာ လိုက်စပ်စုနေလို့ ခုမှတင်လိုက်ရတာ ၊ စိတ်မဆိုးကြဘူးမလား ? 😅
ပြီးတော့ ဒါက အပိုင်း-၂၁ မှာ ဖရဲသီးလေး စိတ်ကောက်ပြီး စောင်အောက်မှာ နေနေတဲ့ပုံစံလေး ။ အဲ့တုန်းက ထည့်မပေးလိုက်ရလို့