Sa aking pag-iisa lagi kang naaalala
Minsan ay nahiling na muling ikaw ay makita
Pero paanong ika'y muling makakaharap?
Gayong ang ating pagitan ay milya-milya.
***
Minsan nangangarap na ikaw ay kasama
Puso'y naghahangad na ikaw ay mayakap
Damdaming umusbong ng di ko namamalayan
Magdudulot pa ba ng paghihirap?
***
Bakit ngayon ko lang napagtanto
Damdaming sayo'y itinago
Ngunit wala ng kahihinatnan
'Pagkat tayo'y hindi magpanagpo.
***
Nahihirapan at nangungulila
Sa paglipas ng mga araw
Naaalala ang kakaibang ngiti
Sa labi mo'y namumutawi
Ngayon lang napag-ukulan ng pansin
Kung kailan di mo na ako napapansin.