Hanggang ngayo'y ikaw pa rin.
Hindi magawang ikaw ay limutin.
Mahabang panahon man ang lumipas,
Dito sa puso ko'y nananatili ka.
***
Pilitin mang ikaw ay kalimutan,
Sa tuwina'y hinahanap-hanap ka.
Puso'y puno ng pangungulila.
Alaala'y walang iba kung 'di ikaw.
***
Hinahangad na ika'y muling makita.
At sa bawat araw ay pinapangarap ka.
Kailan kaya landas natin ay muling magtatagpo?
Upang lungkot ay tuluyang maglaho.
***
Minsan naisip na lamang sumuko.
Ngunit masasayang alaala'y nagbabalik.
Na dulot sa puso'y lalong pananabik.
Na ikaw ay muling makapiling.
***
Sana sa ating muling pagkikita...
Ako'y iyo pa ring naaalala.
Dahil puso'y walang ibang hangad
Kundi ikaw pa rin ang makasama.