" နင်တို့ဟာလေ..မိန်းကလေးတွေဖြစ်ပြီး ဘာလို့ အဲ့ကားတွေကြည့်ရတာလဲ...စဥ်းစားလို့ကိုမရဘူး..ငါလည်း နင်တို့ဂေါက်သီးမတွေနဲ့ ဘာလို့ ပေါင်းမိနေမှန်းကို မသိဘူး."
" အေးပါ..နင်ပြောထားပါ..နင် uke ဖြစ်မှ သိမယ်..ဟိ..ဟိ."
" ဘာလို့ငါက uke ဖြစ်ရမှာလဲ..ဖြစ်ချင်ဖြစ် နင့်ရဲ့ King Pyae သာဖြစ်မှာ..အဲ့မှာ King Pyae gay သွားတော့မှ ငိုနေလိုက်..ဘလပ်..ဘလပ်..ပြေးပြီဟေ့.."
"ဟဲ့.. မသာကောင်..ငါ့ King Pyae က မgay ဘူး..နင်သာ..gay ကောင်..ပြန်လာခဲ့စမ်း..နင်နဲ့ငါတွေ့မယ်.."
" ပြန်လာစရာလား..သွားပြီ" ပြေးထွက်သွားရာမှ ပြန်လှည့်ပြီး အော်ပြောသွားသေးသော ဘုန်းမင်းခန့်...
" ချိုင့်လည်း ပြန်မယူသွားဘူး.."
ပိုးငြိမ်းစံက လက်ထဲမှ ချိုင့်ကိုကိုင်လျက် ခြေဆောင့်စိတ်တိုပြီး ကျန်ခဲ့လေသည်။
ပိုးငြိမ်းစံတို့ အိမ်မှ ထွက်လာသော ဘုန်းမင်းခန့်... အပြုံးတွေဝေပြီး အိမ်ကိုပြန်ရောက်လာသည်။ ဘုန်းမင်းခန့် တို့အိမ်နှင့် ပိုးငြိမ်းစံတို့အိမ်က တစ်လမ်းထဲတွင်ရှိပြီး ၃ အိမ်သာကွာခြားသည်။ ပိုးပိုးနှင့် သူသည် ငယ်သူငယ်ချင်းများဖြစ်ကာ မိဘတွေကလည်း သူငယ်ချင်းများဖြစ်ကြသည်။ ငယ်ငယ်ကတည်းက အတူစား အတူဆော့ သူတို့နှစ်ယောက်က တစ်ယောက်နှင့်တစ်ယောက် ပြောမနာဆိုမနာ.. ပိုးပိုးက မိန်းကလေးပေမယ့် ပွင့်လင်းသည်၊ အကြောက်တရားမရှိ စွာလည်းစွာသည်၊ တစ်ခါတစ်ရံ ပါးစပ်တင်မက လက်ပါပါတက်သည်။ ပိုးပိုးက သူ့လျို့ဝှက်ချက်တွေမထားပဲ သူ့အကြောင်းအကုန်ပြောပြလေ့ရှိပေမယ့် သူကတော့ အခုတလော ပိုးပိုးကိုမပြောပြနိုင်သည့် လျို့ဝှက်ချက်တစ်ခုရှိနေခဲ့သည်။
ဘုန်းမင်းခန့် အိမ်ထဲသို့ ဝင်လိုက်သည်နှင့် မေမေက လှမ်းမေးသည်။
" သား..ချိုင့် ပြန်မယူလာဘူးလား.."
"အာ.." ဟုတ်သားပဲ ပိုးပိုးမ နဲ့ရန်ဖြစ်ရင်း ချိုင့်ယူဖို့မေ့ခဲ့သည်။
" သား မေ့သွားလို့ မေမေ၊ မနက်ဖြန်မှပဲ ယူတော့နော်၊ အခု ပိုးပိုးကို သားစခဲ့လို့ သွားရင်သားကို သတ်လိုက်မယ်"
မေမေရဲ့ မျက်စောင်းအကြည့်နှင့်အတူ..
" အေးအေး..ပြီးရော..ထင်တော့ထင်သားပဲ..ပိုးပိုးနဲ့များ ရန်မဖြစ်ပဲ ပြန်လာပါ့မလားလို့ "
ဘုန်းလေး မေမေ့ကို မျက်နှာချိုသွေးရင်း အိမ်ပေါ်တက်သွားတော့သည်။
ဇာတ်ကောင်မိတ်ဆက်
ပိုးငြိမ်းစံ (ခ) ပိုးပိုး
အရပ် ၅ ပေ ၄ လက်မ၊ အသားဖြူ၊ အသက် ၂၀၊ ဓာတုဗေဒ တတိယနှစ်၊ ဓာတုဗေဒ queen၊ Fujoshi ၊ လက်ရှိကျောင်း၏ LGBT အောင်သွယ်တော်ကြီး
ဘုန်းမင်းခန့် (ခ) ဘုန်းလေး
အရပ် ၅ ပေ ၁၁ လက်မ၊ အသားလတ်၊ အသက် ၂၀၊ Physics တတိယနှစ်၊ Physics မေဂျာကိုယ်စားပြု ကြက်တောင်ရိုက်ချန်ပီယံ၊ gay တစ်ယောက်ဟု အမည်ထွက်နေသူ။
ပြည့်လင်းခန့် (ခ) King Pyae
အရပ် ၆ပေ၊ အသားဖြူ၊ အသက် ၁၉၊ သင်္ချာမေဂျာ ဒုတိယနှစ် King၊ လူအများနှင့် ခင်မင်မှုရှိသော်လည်း တစ်ဦးတည်းသီးသန့်နေတက်သူ၊ မိန်းကလေးများ၏ အသဲစွဲ..ပျိုတိုင်းကြိုက်သည့် နှင်းဆီခိုင်။
စည်သူရဲ (ခ) သူရဲ
အရပ် ၆ ပေ၊ အသားလတ်၊ အသက် ၂၀၊ ဓာတုဗေဒ တတိယနှစ်၊ ဓာတုဗေဒ ကိုယ်စားပြု ကြက်တောင်ရိုက်ချန်ပီယံ၊ မာနကြီးပြီး ရုပ်တည်သည်၊ မိန်းကလေးများ၏ အသည်းကျော်ပြီး ရည်းစားများသူ
ရွှေနုရည် (ခ) ရွှေနု
အရပ် ၅ပေ ၂ ၊ အသားဖြူ၊ ဓာတုဗေဒ တတိယနှစ်၊ ပိုးပိုးနှင့်အတူ Fujoshi အကြီးစား၊ ရည်းစားတစ်ခါမှ မထားဖူးသော်လည်း စာအုပ်များမှ အတွေ့အကြုံများဖြင့် ဆရာလုပ်တက်သူ။
စန္ဒီမြင့် (ခ) ဒီဒီ
အရပ် ၅ ပေ ၅၊ အသားလတ်၊ ဓာတုဗေဒ တတိယနှစ်၊ နယ်မှလာသူဖြစ်ပြီး နယ်ကလူဟုမရိပ်မိအောင် မြို့သူစတိုင် အလွန်ဖမ်းသူ ( တစ်ကျောင်းလုံး သူမ နယ်မှလာမှန်းသိသည်) နာမည်အရင်းကို မနှစ်သက်ပဲ ဒီဒီဟူသည့် နာမည်ကိုသာ ကြိုက်သူ၊ စကားကို တဲ့တိုးပြောတက်ပြီး အရိပ်အကဲနားမလည်းခြင်း။
ဒီဇာတ်လမ်းလေးက ရေးထားတာတော်တော်ကြာခဲ့ပြီ အခုမှ လိုင်းပေါ်တင်ဖြစ်တာ..ဇာတ်လမ်းထဲမှာ normal တစ်တွဲ BL တစ်တွဲ ပါပါတယ်.ကျောင်းသား အချစ်ဟာသ ဇာတ်လမ်းလေးပါ..ဖတ်ရှုပြီး ကြိုက်နှစ်သက်ရင် like and share လုပ်နိုင်ပါတယ်နော်..စာရေးသူ ဒီဇာတ်လမ်းကို တစ်ပတ် ၂ ပိုင်း update လုပ်ပါမယ်နော်
Love u all my readers 😘😘😘#바보천사