CHAPTER # 24
" Kidher hy tu ."
Alex Ki awaaz Romion ky kan mein lagi Bluetooth sy ai thi .
" Abhi Chora hy Bhabhi ko unky ghar . Or tere peeche hi aa rha hun."
Romion ny shararat mein bola tha. Or Bhabhi lafz par ik pal ky liye to mano Alex ki Bhi hansi nikal gai thi . Keo ky woh romion hi kiya Jo sudhar jaye .
" Bhabhi tou teri usy jald banau ga . Fikar na kar meri Jan . Lekin filhal yeh kam zaroori hy . Tu jaldi ponch ."
" Yes sir ! "
Romion ny Bhi jawaab diya tha or gari ki speed or barha di thi .
Alex unki gari ka chup kar peecha kar raha tha . Keo ky woh samne aa kar yeh zahir ni karwana chahta tha . Or phir Is tarah sy unky aady ky bare mein Bhi maloom par jaye ga yahi sochty woh boht ahtiat barat raha tha.
Woh abhi apny bike par unsy thory fasly par tha. Or uski team Alex sy kuch dur hi thi or ab Romion Bhi peeche peeche hi tha .
Jab agy wali gari ny mor kata or saath hi kachi sarak par utar Gaye or ab woh samne hi ik boht bari building ki taraf Ja rahy thy .
Alex Bhi unki taraf hi Ja raha tha jab ky usny apni team or romion ko abhi peeche hi rukny ka signal dy diya tha .
Keo ky woh khud pehly ja kar sab check krna chahta tha .
Usny apna bike thory fasly par rok diya tha .Or udhr hi chup giya tha.
Samne ab pehli gari sy Jo shaqs nikla tha usko dekh kar Alex ky kafi had tak shaq sahi sabit ho Gaye thy .
Usky bad peeche waly truck sy ab pehly 2 bandy nikly thy or ab woh us mein mujood aurton or Larkion ko bahir nikal rahy thy jin ki halat theek ni lag rahi thi .
Alex ny apni team ko signal de diya tha or woh khud Bhi un logo ky peeche ab building mein ghusny wala tha . Jab usny dekha ky Sab andar Ja chuky hain tou woh dusri taraf sy ghoom kar dewar kud chuka tha Keo ky samne guards khare thy .
Ab woh bary ehtiat ky saath andar jaa raha tha . Samne sy ik guard aa raha tha Jis ko behosh kar ky Usny uska uniform ly kar khud pehn liya tha . Or ab woh normally chalta hua building mein aa chuka tha .
" Uncle mujhy ap ko kuch or Bhi batana hy ."
Maira ny himmat kar ky Yousaf sahb ko bola tha .
" G g Beta zarur batao . Ghabrane ki koi baat ni hy ."
" Uncle un logo ky boss ko mein janti hun ."
Maira ny yousaf sahb ko unky boss ky bare mein batyaa tha .
Jisy sun kar ab Yousaf sahb ko Bhi shadid jhatka laga tha .
Alex building mein agy barhta Ja raha tha . Woh apni kisi Bhi harkat sy yeh zahir nahi hony Dena chahta tha ky woh kahin bahir sy aya hy .
Alex bas yeh dekhna chahta tha ky aurton or Larkion ko kahan rakha hy taky woh wahan ponch kar team ko andar any ka bol dy . Or yeh log phir sy bhaag na sakein .
Alex ny boht sy rooms kholy thy or ab woh basement mein aa chuka tha lekin yahan par security thori boht thi .
" START THE GAME ."
Alex ny Bluetooth mein bola tha or ab woh firing shuru kr chuka tha or uski puri team bhi building mein ghus chuki thi . Basement mein sab ko mar kar ab woh room mein ghusa tha jis mein aurtein thin .
Alex ny bol kar kuch logo ko neeche bulaya tha Jis mein doctors or team ki female members Bhi shamil thin . Ab Alex sab ko neeche chor kar upar ki taraf Ja raha tha jab usko Yousaf Sahb ki call ai thi . Or Jo unho ny usko bataya us sy usko har kari ik dosry sy milti hui mehsus Hui .
" Tou ab samjh mein aya . Wah Alex tu tou great banda hy ."
Alex ny khud ko Shabashi dete hue kaha tha .
Lekin usko ab ik cheez ka dar tha . Or woh ab sach sabit hua tha . JAB woh upar aya tou main darwazy sy Romion enter hua or samne ik darwazy sy Captain sad Shahzaib Malik ko liye bahir aya tha .
Is Time Romion honkon mein khara tha . Romion ny mask ni pehna hua tha or jis ki wajah sy Shahzaib Sikandar bhi apny bete ko pehchan chuky thy Jo is waqt Army secret forces ki full black uniform mein khara tha . Alex ni chahta tha ky Romion apny baap ko is tarah dekhy . Lekin qismat ka likha kon taal sakta hy . Beta Jo mulk ky liye jaan tak qurban karny ko dorta tha or sab ki janein bachata tha usi ka baap na jane kitny masoom logo ka qatil tha .
" DAD . "
" Beta ."
"Maar diya apny apne bete ko ".
Romion ky mu sy bas itna nikla tha .