CHAPTER 25
" Ap to Mere roll model thy . Mein ap jesa banna chahta tha . Na jane kitna Yakeen or Maan tha mujhy ap par .
Lekin yeh nahi pata tha ky jis shaqs ko dekhy bagher mujhy itni nafrat thi , woh ap hon gy .
Jin sy mein itna pyaar karta tha . Kuch tou khayal rakh lete , Kuch tou sochty ky apka ik beta Bhi hy . Man rakh lete Mera . Ab kiya batau ga duniya ko . Ik muhafiz bete ka baap kiya hy . Larkion ky sody karta hy.Kitno ki betion ki izzat kharab ki hy ap ny . Na jane kitny logo ki jawaan oladon ko nashe par lagaya hy ap ny . Maa sy unky bache cheen liye Hain . "
Romaan yeh kehty hue ro diya tha . Woh musalsal ro raha tha . Ik jawaan mard Jo kabhi kisi ky samne apni feelings ni lata tha aj woh ro raha tha .
" Beta mujhy maaf kar do .Ghalti ho gai mujh sy , bhatak giya tha mein . Maaf kar do beta. "
Shahzaib ab apny bete sy maafi mang raha tha .
" Kar deta maaf agar apki aankhein Bhi apki maafi ka saath deti . Apka beta hone sy behtar tha mein mar jata . Woh manzur tha mujhy . Taky mujhy apka yeh ghatiya chehra na dekhna parta . Or maafi , kis kis sy mangein gy . Bataein ."
Is baar romaan cheekha tha . Jab Shahzaib jaldi sy sath khare Alex sy gun kheenchta hua romaan ky qadmon mein beth chuka tha .
" Maar do mujhy beta , Maar do . Taky mujhy yeh na dekhna pare ky mere bete ki ankhon mein mere liye izzat ni hy ."
" Sach mein . Abhi Bhi apko meri ankhon mein apni izzat na hony ka dukh hy . "
Is time Romion ko sach mein boht dukh hua tha. Jab shahzaib ny zabardasti gun Romaan ky hathon mein pakraa kar , Apny hath ka dabao daal kar khud par fire kar diya tha . Jo seene mein laga tha .
" Tumh_ein kiya lag_ta hy ky t_um ha_ra dush_man me_in tha . Nahi . Woh Muj_h sy baa_ra kameena hy. "
Shahzaib ny Alex or Romaan ki ankhon mein dekhty hue bola tha . ussy sahi bola Bhi nahi jaa raha tha .
" Mein isi layak tha ."
Shahzaib ny boht dheemi awaaz mein bola or phir peeche ko gir gaya
Romaan to abhi Bhi honkon mein khara kabhi gun ko dekhta tou kabhi Apny baap ko . Usy samjh nahi aa rahaa tha ky yeh sab kiya ho raha hy .
Goli dill par lagi thi isi liye unki death ho gai thi .
Jab sab ko bhej kar Alex Romion ko ghazitta hua gari ki taraf ly kar aa rhaa tha keo ky Romion ko apni tangon sy jaan nikalti mehsus ho rahi thi . Alex ny Romion ko gari mein bethyaa tha . Or gari wahan sy bhagata le giya tha .
Pury rasty Romaan beawaaz rota aya tha .
" Tou Romaan sikandar , Aj Tera maan ,bharosa, Yakeen sab toot giya . Ab kisi par yaqeen Karny ky qabil nahi raha tu . Dekh khud ko kiya kia tere baap ny tere saath . Maar diya tujhy naaa ."
Romion paglon ki tarah khud sy batein kar raha tha . Alex sy Romion ki yeh halat dekhi nahi Ja rahi thi . Abhi woh road ky saath hi gari khari kar ky khare thy . Jo romion ny karny ka bola tha .
Alex ny zor sy Romion ko kheench kar galy lagaya tha . Or Romion paglon ki tarah hichkion ky saath rona shuru ho chuka tha . Romion ky ansu Alex ki shirt par gir Rey thy . or usny Alex ki shirt ko zor sy hathon mein jakra hua tha .
Alex Bhi usko chup Karwa kar Hosla dy raha tha .
" Apni maa ko kiya batau ga mein . Kiya kia hy mere baap ny . Mar diya mene unko . Yeh batau ga ."
Romion roye Ja raha tha . Jab Alex ny usko khud sy alag kar ky uska chehra apny hathon mein liya tha .
" Idher upar dekh meri taraf , Ghor sy sun . Romaan boht strong hy . Woh har mushqil ka Samna karna janta hy . Isy azmaish samjho . Sabar sy kaam lo . "
Alex ny usko samjha kar gari mein bethaya tha .
Call par Romion ky ghar bata diya gaya tha . Jab Romion or Alex dono ghar mein enter hue thy . Romion ki maa bhaagti hui usky galy aa lagi thi .
" Yeh kiya ho giya hamary saath beta . Keo chor kar chaly gaye tumhare baba mujhy . Kiya hoga unky bagher hamara ."
Uski maa musalsal ro rahi thin . Lekin Romion chup khara tha jisy uska wujood sun ho chuka hy .
" Tum kuch bol keo nahi rahy mere bachy . "
" Mama Mera baap Acha admi nahi tha . Bury logo ka anjaam yahi hota hy .Jo logo ki zindagion ky saath khelty hain woh bhool jaty hain ky unki mout Bhi ziyada dur nahi hy . "
Romion ko Alex ny mana kiya tha batane sy lekin Romion ny bata diya tha keo ky woh janta tha ky uski maa boht strong hain .
Yeh sab batein sunny ky bad janaza Bhi ly jaya giya . Dafna Bhi diya gaya lekin Romion ki maa ki ankhon mein ik ansu nahi aya tha . Unko fakhar tha apny bete par . Romion ki army join karny ky baare mein usny sirf apni maa ko bataya tha . Usky baap ki nazar mein woh university parhta tha . Woh bas university jata tha attendence lagwa kar uni sy nikal jata tha apny mission par . Uni jany ka maqsad bas apny baap ko dhokha Dena tha . Woh yeh sab apny baap ko bata sakta tha lekin na jane keo usny nahi btayaa tha .
Sab jaa chuke thy . Ab ghar mein bas Romion Uski maa or Alex thy .
Alex unky ghar ata rehta tha keo ky Romion ki maa us sy boht pyaar karti thin. Woh unky ghar ka hi fard tha . Lekin woh Usky baap ki gher mujodgi mein hi ata tha .
Abhi Bhi woh Romion or Uski walida ko tasalian deta hua wahan sy jaa chuka tha .
Romion ny apna sir apni maa ki god mein rakh kar ankhein band kar lin thin.
Shahzaib ko mary 2 mahiny guzar chuky thy . Romion ab university nahi jata tha . Woh Alex ky saath case mein laga hua tha . Maira or Sara dono university jaa rahi thin . Unka time Bhi Acha guzar raha tha .
: Sara ki shaadi ki tyarian Chal rahi thin . Ghar mein har taraf khushion ka saman tha . Har koi apni apni shopping mein masruf tha . Aj raat ki Sara ki mehendi rakhi gai thi . Subah subah Maira ko university ana par giya tha keo ky usko ik important assignment submit krwani thi . Lekin usko nahi pata tha ky yeh din usky liye boht bura sabit hony wala hy