CHAPTER #28
Mehndi ka event boht achy sy ho giya tha or aj Baraat thi . Har taraf gehma gehmi thi . Sab tyarion mein masroof thy.
Maira or Sara dono parlor par ai hui thin . Maira pehly tayar ho gai thi or Sara ko abhi Kafi time tha . Is liye Maira ny Yousuf sahb ko call ki thi taky woh pehly jaa kar kuch arrangements Jo rehti thi woh kar sake.
Lekin Woh khud hall mein thy or guests ko dekh rahy thy . Unhein khud any mein der lag sakti thi or driver ky saath save ni tha .
Abhi Maira soch hi rahi thi ky kiya kia jaye tou jab Yousuf sahb ki call ai thi .
" Beta mein Waleed ko bhej raha hun . Ap usky saath aa jao . "
" Par uncle ".
Maira kisi or ky saath ana nahi chah rahi thi keo ky woh Waleed ko khas janti nahi thi .
" Beta preshani ki koi baat nahi hy . WALEED mere beton jesa hy . Ap fikar na kro . Woh apko pic kar ly ga ."
Yousuf sahb ky tasali dene par woh man gai thi .Or ab woh Waleed ka intizaar kar rahi thi . Na jane usko Alex ka soch kar dar Bhi lag raha tha .
Thori der ky bad ik parlor wali larki ny aa kar bataya ky usko lene aa gye hain . Tou Maira Sara ko batati bahir aa gai thi .
Bahir Waleed Ahmad Khanzada Apni bari si gari ky sath black color ka three piece pehny tek laga kar khara tha . Or apny Mobile use karne mein masruf tha jese is sy zayada zaruri kam tou or koi hy hi nahi .
Maira usko dekh chuki thi or ik baar uska taruf ho chuka tha tou usko chehra yad tha .
Abhi woh apni pink color ki maxi sambhaly heels mein boht ahista ahista qadam uthati wahan aa rahi thi . Baal uski kamar par khuly thy . Or Upar golden or silver Color ka dupata sir par set kiya hua tha . Jo us sy sambhal nahi raha tha keo ky woh boht heavy tha .
" Ap Waleed hain ?."
Waleed ny ik nazar upar utha kar dekha tha or usko apni dunya rukti mehsus hui thi . Woh apni nazar hatha hi ni paa raha tha Keo ky samne wali shaksiyat ik tou uska bachpan ka pyaar tha or upar sy gulabi rang mein woh pari lag rahi thi .
Waleed ny mushkil sy nazar hathai thi . Or Maira ki khoobsurati par usky dill sy Masha Allah nikla tha . Keo ky woh nahi chahta tha ky usky pyaar ko kisi ki nazar lagy .
" G mein hi hun , Ap Maira .?"
Waleed ny poocha tha . Kitni ajeeb kahani thi naa ky woh usi larki sy usky nam ki tasdeeq kar raha tha Jis ka nam usky dill ky har kony par likha hua tha .
" G " .
Maira ny itna hi bas jawaab diya tha .
Maira ko uski ankhein esi lagi thi jese in ankhon mein us ki apni dastan likhi hy . Uski aankhein Jese Maira ka nam pukaar rahi thi or Usko dekhny ky liye taras chuki thin.
Or Ankhein tou kabhi jhoot nahi bolti na .
Maira sath sy ghoom kar peeche ka darwaza khol kar Bethny lagi thi jab Waleed ki awaaz uski samaat sy takrai thi .
" Mam mein apka driver nahi hun shaid ."
Waleed ny ik boht meetha sa tanz kiya tha keo ky woh nahi chahta tha ky Maira peeche bethy.
Maira bhi thori si sharminda ho gai thi . Or chup kar ky agy ka darwaza khol kar beth chuki thi .
Waleed Bhi gari start krta wahan sy gari nikaal ly giya tha .
Pury rasty unki koi baat nahi hui thi . Or un dono ko munasib Bhi nahi laga tha .
Maira pury rasty gari sy bahir dekhti aai thi jab ky Waleed har 2 mint bad yeh Bhool jata ky woh gari drive kar raha hy . Uski nazar bar bar bhatak kar Maira ky chehre par aa jati thi .
Waleed ny Maira ko hall mein Chora tha or Ab woh samander ky Kinare giya tha . Maira sy dur rehna usky liye mushkil tha .
Abhi woh apni tie kholy balon mein hath pherta apna dukh samander ko suna raha tha .
Usko pasand tha apna har dukh Samander ko sunana . Woh jab Bhi idher ata usko apni maa ki kahi baat yaad aati thi ky,
" Beta mere bad apna dukh dard Samander ko batana , Yeh itna gehra hy ky tumhare har dukh khud mein samet ly ga . Log samjhty nahi hain , Woh bas apki bebasi ki had dekhty hain . "
Or Woh har bar muskura deta tha .
Aj Bhi usko shiddat sy apni maa ki yaad aa rhi thi . Kuch Rishty hamaray liye sahary ki tarah hoty hain . Humein girny nahi dete . Woh un jarhon ki tarah hoty hain jo zameen ky neeche reh kar Bhi pury darakht ko mazbut rakhti hain .
Sara Bhi ready ho kar hall aa chuki thi .
Sab kuch tyaar tha lekin abhi tak baraat nahi ponchi thi . Jis wajah sy sab pareshan ho rahy thy .
Jab Yousuf sahb ko ik call aai thi . Jisy sunne ky bad Woh peechy rakhy sofe par dhy sy gaye thy .
Jis sy Sara ki shaadi honi thi woh baraat ly kar nahi aya tha or any sy Bhi mana kar diya tha . Sara ki maa ka ro ro kar bura hal tha . Logo ny batein banana shuru kar di thin. Yousuf sahb ko smjh nahi aa rha tha ky kiya kia jaye .
" Uncle mein ap sy ap ki beti ka hath mangta hun . Mein unsy shaadi karna chahta hun . "
ROMAAN ki awaaz Yousuf sahb ki samat sy takrai or shukar ky ansu unki ankhon sy beh nikly thy.
Alex or Romion ny kabhi unko ruswa nahi hony diya tha . Keo yeh yousif sahb unky liye unky baap ki jagah thy .
Or Yousuf sahb ko Bhi maan tha apny bachon par .
Yousuf sahb ny uth kar Romaan ko galy lagaya tha . Jo Alex ki ik call par bagher soche dorta chala aya tha or ab nikaah karny ka bol raha tha .
Sara ko Maira ny sambhal liya tha or ab Nikah ho raha tha .
" Sara Malik Wald Yousuf Malik apka nikah Romaan Ali Sikander sy kiya jata hy, Kiya apko yeh nikah qubool hy . "
" Qubool hy ."
Yeh bol sunne mein jitny asaan hain bolny mein us sy kai zayada mushkil .
Sara ny teeno baar na jane kese himat kar ky bola tha . Or ab woh Romaan ky nam ho chuki thi .
Yahi tou zindagi hy ik larki ki . Maa baap apna sab luta dete hain or sirf chand bolon sy woh kisi or ki ho jaati hy .