CHAPTER #29
Sara ko ruksat Karwa kar Romaan apni gari mein ly giya tha .
Sara pury rasty roti rahi thi . Or Romaan Bhi is waqt is halat mein ni tha ky usko chup Krwata .
Sara ny Bhi sahi kar ky apny dil ka ghubaar nikala tha . Romaan Bhi gehri soch mein bas driving kar raha tha .
Romaan Or Sara ghar ponch chuky thy .
Emergency ki wajah sy kuch Bhi tyari ni ki Ja saki thi . Romaan ki walida bas un dono ka intizaar kar rahi thin .
Jab gari Ruki thi . Or Romaan or uski walida dono ny ik saath pehly Sara ko dekha or phir ik dosry ko .Keo ky Sara so chuki thi. Woh rasty mein hi roti roti so gai thi .
" Tumhari biwi hy . Tum jano or tumhari biwi jany .
Wese mashwara dun gi ky usko jagana mat .Pehly boht preshan hogi bachi . "
Romaan ki walida seedha seedha kehti Unko wahan chor kar apny kamre mein chali gai thin .
Ab Romaan tha or Sara thi . Or woh khara soch raha tha ky kiya kia jaye .
Us ny ik do baar halki Halki awaazein di ky woh uth jaye lekin ab or koi hal ni tha . Jab Romaan ny himmat karty hue usko bazuon mein uthaya tha or Kamre mein Ja kar leta diya tha .
Usko Abhi shadid zaroorat mehsus ho rahi thi Alex ki .Lekin Romaan andaza laga chuka tha ky Sara ko Tez bukhar hy . Jab usny Alex ko cal kar ky doctor lane ko bola tha .
Alex Bhi jaldi sy doctor ky saath ponch chuka tha . Doctor ny Bhi bukhar zayada stress lene ki wajah sy batya tha . Nurse ko Romaan ny Sara ky saath rukwa liya tha . Jo uska sari raat khayal rakhny wali thi keo ky Romaan mein filhal itni himat ni thi .
Jab ROMAAN ny nurse ko rukne ka bola tha tou Alex ny ghoor kar dekha tha lekin ROMAAN ny kandhy uchka diye jese keh raha ho ky abhi Bhi koi kasar baki hy kiya ?.
Alex Romaan ko saath leta Bahir aa giya tha .
Alex or Romaan apni man pasand jagah Samander ky qareeb ik chai ky dhabe par aa gye thy .
Raat boht ho chuki thi . Or Romaan ka irada aj jee bhar kar cigarette peene ka tha.
Usko adat tou nahi thi . Lekin jab woh boht zayada pareshan hota tou peeta tha .
" Yaar dekh , Seedhi baat Karu ga tujh sy. Jo hona the ho gaya hy . Yahi teri qismat mein tha . Tujy Sara hi hum safar milni thi . Or tu tou khushqismat hy ky Us larki ki tarbiyat Yousuf Uncle ny ki hy . Dekh yar tujy us sy achi larki ni mil Sakti ."
Alex ny usko samjhaya tha . Lekin ka tou Mano dimagh hi kahin or tha .
" Mein manta hun yar ky sab achanak hua hy lekin ik na ik din tou tujy shaadi karni hi thi naa tou ab ho gai . Phir itna kiya masla hy . Itni tension keo hy tujy . "
Alex ny phir bola tha .
" Haan theek keh raha hy yar tu ."
Romaan Bhi pehli baar bola tha . Woh bas cigarette peene mein masruf tha . Or Alex ko Bhi uski fikar ho rahi thi.
Romaan ny Bhi uski baat Mani thi .Or upar ankhein utha kar Alex ko dekha tha . Uski. ankhein bilkul laal angaar ho rahi thin . Jin sy Alex ko Bhi ajeeb laga tha .
Romion ko time lagna tha agy barhne ky liye .
" Mujhy sirf is baat ki fikar hy yaar . Us larki ko agar mein khush na rakh saka. Tou Uncle ko kiya mu dekhau ga . Kiya batau ga un ko mein . Kiya jawaab du ga mein ."
Romion ny apni preshani Alex ky samne rakh di thi .
" Mujhy apny Yaar par pura bharosa hy. Isi liye tujy bulaya tha mne. Mein chahta tou kisi or ko Bhi bula skta tha . Lekin tere sy zyada mujhy Yakeen kisi par nhi hy. "
Romion Bhi Alex ko dekh muskura diya tha . Jab Alex ko call ai thi . Number dekh Alex muskuraya tha .
" Bhabhi g ki call hy ?".
Romion ny Alex ki tang khenchi thi .
" Nikah manne ko tyaar ni hy woh , tu Bhabhi bana ly ."
Alex ki baat par Romion ka qehqa goonja tha .
Alex ny call pick kar li thi .
" Hum gharebon ko kese yad kar liya ap ny ."
Alex ny mazak kiya tha .
" Jhoot keo bola mere saath ."
Maira ny do tok sawaal kiya tha.
Jisy sunte pehly tou Alex ko sahi gussa aya tha lekin wo control kar giya tha.
" Batana pasand karein gi ky esa kiya bol diya mne apko ."
" Anjaan mat bano , Tum ny bola tha ky uncle mere nikah mein gawah bany thy . Unko pata hy . "
Maira ky btane par Alex,muskuraya tha .
" Haan tou is mein konsi bari baat hy ."
" Bari bat yeh hy ky mein is nikah ko nahi manti or mere liye ik boht bare business man Waleed Ahmad Khanzada ka Rishta aya hy or mn usi sy shaadi kar lu gi ."
Maira ny bolty foran call cut kar di thi . Or Alex,ka gussy sy dimagh ghoom chuka tha.