CHAPTER # 35
Maira apni sochon mein gum bethi thi . Woh jab sy uni ai thi woh isi tarah chup chup thi . Usko boht si batein khatak rahi thi . Usy esa lag raha tha har baat kahin na kahin ik dusry sy milti hy . Uski zindagi mein itna sab kuch ho jana . Uski zindagi mein sab kuch badal jana . Alex or Romion ky missions . Uncle Yousuf ka unky saath hona . Waleed ka achanak sy uski zindagi mein any . Or woh Bhi achanak usky maa baap ki wafaat ky bad . Or ab ik naye class fellow ka Ana jis ky Nam mein usky sagy Chachu ka nam ata hy " Saeer Shah ."
Usko sab kuch etifaaq nahi lag raha tha . Usy esa mehsus ho raha tha jese in sab baton ky peeche woh khud hy .
Jese har koi usy bacha raha hy , kahin na kahin sy har koi uski hifazat kar raha hy . Uski zindagi jese preplanned hy .
Abhi woh inhi sochon mein magan thi ky Sara ki walida usky kamre mein ai thin .
" Beta tum theek ho ? Pareshan lag rahi ho. Koi bat hy tou batao."
" Ni ni anti mein Bilkul theek hun . Bas mama baba ki yad aa rhi thi ."
" Hamari qismat mein Jo likha ho woh tou hona hi hota hy na beta . Is sab ko apni azmaish smjho . Allah sabar dy ga . Tumhari zindagi mein ik bar phir sy boht si khushian aa jyein gi ."
Sara ki walida Rubina ny Maira ko smjhaya tha .
" Khushion ny to nataa Tor diya hy esa lagta hy ab mujh sy . Sans rukta mehsus hota hy mujhy jab jab yeh soch demagh mein Ati hy ky apne maa baap ky saath mein Bhi us din mar keo nahi gai . Itny masly na hoty phir .
Apny wujood sy nafrat hoti hy mujhy .
Meri khushian tou usi din dafan ho gai thi jis din mery maa baap mary thy . Kiya kre yeh Maira ab jis mein andar hi andar jeene ki khuahish marti ja rahi hy ."
" Kidher kho hai Maira beta ."
" Kuch ni anti . Ap kiya keh rahi thin."
Maira sirf soch saki thi kehna ko alfaaz honto ko chuu kar Wapis dil mein qaid ho jate thy .
" Beta mein Apsy shaadi ki date ka poochny ai thi ."
Rubina ny mohabat sy sawaal kia tha .
" Anti jesa ap logo ko theek lagy ."
Maira kehna to chahti thi ky 10 din sy pehly pehly keo ky Alex sy mangy hue din khatam ho rahy thy .
" Beta Waleed ki taraf sy shaadi jaldi karny ki demand hy woh chahta hy isi hafty mein ho jaye shaadi ."
Or is baat ko sun kar maira ko sach mein sukoon mila tha .
" G theek hy anti ."
" Chlo theek hy beta , Sara Bhi aa jaye gi keo ky Romaan kisi zaruri kam sy shehr sy bahir jaa raha hy . "
" Chalein yeh to or Acha hy hum mil kar tyari kr lein gy ."
Rubina Maira ko pyaar or dher sari duaein deti wahan sy jane lagi jab Maira ko ik baat yad ai thi .
" Anti mein Apni haweli Bhi ik bar jana chahti hun ."
" Beta Abhi to mushkil hy . Ap ky uncle kamon mein phansy hain or akela apko bhejna ni chahti mein ."
" Chalein phir kabhi chali jau gi ."
Sara ki walida ny Maira sy asal bat chupai thi keo ky Yousuf sahb ki taraf sy sakht order thy ky Maira ko haweli nahi jane Dena keo ky udher boht sy raaz dafan thy . Jin ka waqt sy pehly Khulna Acha ni tha .