CHAPTER # 27
" Maira kidher reh gai thi tum ,Shopping bhi last time par yad ai tumhein . Ab jaldi ready ho . Sab ready ho gaye . "
Sara shadid gussy mein thi. Keo ky Maira boht late ho chuki thi . Sara zayada time usky saath guzarna chahti thi . Yousuf sahb ny ghar mein yhi bataya tha ky Maira shopping par gai hy.
" Haan bas ho rahi hun ready . "
Maira apna mood set kar chuki thi .
" Wese dulhy bhai tumhein itna sajy hue dekh lein to mar hi jayein gy ."
Maira dobara darwazy sy andr jhankti bol rai thi . Sara ky gal laal ho chuky thy .
" Boht mar khao gi mujh sy tum "
Sara ny tissue wala dabba utha kar Maira ki taraf mara tha . Or ab khud Bhi hansny lag gai thi .
Sara ki maa ny dono ki nazar utari thi .
Woh dono aj Chand ka tukra lag rahi thin .
Sara ny Sabz rang ka Lehnga pehna tha Or mukhtalif rang ka dupata sir par sajaya hua tha . Woh boht kamaal lag rahi thi .
Jab ky Maira ny boht pyara sa gulabi rang ka lehnga pehna tha or sath golden dupata qandhy par set kiya hua tha . halky pulky makeup ky saath woh bhi bijlian gira rahi thi . Usky demagh mein ik mint ky liye to Alex aya jis ko woh jhatak chuki thi or ab khushi khushi Sara ko liye Bahir ki taraf ja rahi thi .
Event mein boht sy logo ko bulaya giya tha jin mein mashhur bussiness man or unki families Bhi thin.
Sab sy khas mehman Waleed Ahmad khanzada tha .Jo business ki duniya mein ik apna maqam rakhta tha. Or ik duniya usy janti thi .
Event ghar mein hi front side par hi set kiya gaya tha jahan par family or aurtein thin or mardon ka function Ghar ky samne waly ground mein set kiya gaya tha .Lekin Yousuf sahb Waleed ko liye andr aa gye thy . Woh janty thy Waleed ka apni koi family nahi hy isi liye woh usko family wala maan dena chahty thy . Woh usko kabhi koi qami mehsus nahi hony dete thy .Andr Waleed ky liye bas family ky kuch mard thyy .
Jab sari lights off hui thin or ik light on hui thi Jo Sara par thi Jo abhi bahir aram aram sy qadam uthati aa rhi thi . Woh nazar lag jane Ki had tak khubsurat lag rahi thi or sath Maira thi Jo Sara ka lehnga samnbhalti hui sath sath aa rhi thi .
Sab ki nazarein Sara par thin jab ky Waleed Ahmad khanzada ki nazron mein sirf or sirf Maira Hussain shah thi Uska bachpan ka ishq . Jisy usny har dua mein manga tha . Jis ki judai ka sochty uski sansein ukharny lagti thin . Itni baar Tou Maira ny sans ni liya hoga jitni baar Waleed Ny usko yad kiya tha . Usi ki wajah sy zinda tha ky woh mily gi usy ik din . Aur aj woh usky samne thi kisi or ki kar . Jis sy Waleed anjaan tha .
Lekin mohabbat unsy kamal ki hoti hy jin ka milna muqadar mein nahi hota .
Sara ko la kar stage par betha diya giya thaa.Or rasam ki jaa rahi thi . Maira ko bar bar khud par nazron ki tapish mehsus ho rai thi . Woh dekhti lekin kisi ko bhi khud ki taraf mutawajah na paati thi. Abhi Bhi woh esy hi dekh rai thi jab uska Mobile baja thaa. Kisi unknown number sy usko message aya tha .
" Meri gher mujoodgi mein itna sawarna tou jurm hona chaiye na ap par ."
Message parh kar Maira gussy sy pagal ho rahi thi Usy andaza tak na tha ky yeh Alex hoga .
Maira ny koi jawab nahi diya tha jab ik or message aya tha .
" Itni gandi shaklein banane ki zarurat nahi hy , Mehram hun apka ."
Agla message dekh kar jahan Maira ko tasali hui thi wahin par Usy or gussa aa giya tha ky Alex uski msg kar raha hy . Or Herat Bhi hui ky usy kese pata chala ky woh mu bana rahi hy .
" Boht achy sy janta hu mein apko .
Jawaab keo nahi de rahi hain Madam ap ."
Maira sirf message dekh rahi thi jawaab nahi de rahi thi .
Agy sy Bhi Alex tha us ny foran call kar di .
" Kiya hua Maira kis ki call hy ?"
Sara ny Maira sy poocha tha .
" kisi ki nahi , mein bas ati hun . Tum betho ."
Maira wahan sy nikal kar apny room mein aa gai thi or uski call pick kar li thi .
" Masla kiya hy tumhare saath ."
Maira cheekhi thi jis sy ik bar ky liye tou Alex ki bhi ragy tan gai thin.
" Sirf apko ijazat hy beizzati ki warna nafrat hy mujy " Tum" keh kar pukarny walon sy . "
Alex ny kafi had tk khud par control kiya tha lekin phir Bhi uska sard pan Maira ny bakhoobi mehsus kiya tha jis sy usko apni tangon sy jaan jaati mehsus hui thi .
" Balcony mein jao ."
Maira usky hukam ky mutabiq balcony mein gai thi jahan usy ik bouquet ky saath gajry pary mily jisy dekh kar Maira ki mano khushi ki intiha nahi thi . Won agent tha kuch Bhi kar sakta tha . Maira ko Bhi usky alag alag rang dekhny ko mil Rey thy .
" Gajry pehn kar Wapis jana , Warna mein wahan aakr khud pehnau ga ."
Alex ki dhamki par maira ny jaldi sy gajry pehny thy or neeche Wapis gai thi .
Camera mein Maira ko itni jaldi jaldi gajry pehnty dekh Alex ko hansi aa gai thi .
Usny Yousuf sahb ky ghar ky sare cameras hack Jo kar liye thy .
Apni biwi ko dekhny ky liye .