CHAPTER #16
" Romion pehly mein jau ga , Jab mein signal du tou tu enter hoga smjh aii. Usky bad team ko tune signal Dena hoga. Smj ai , Sara kuch smjha diya hy mene tujy , Ab agr tu mery signals ky bagher aya to Teri kher ni hy . Mein chahy mar jau tu andr ni aye ga . "
Alex or romaan apni team ky saath khary plan ky final orders de rey thy.
" Ok boss ! "
Sab ny ik saath halki si awaaz mein sirf hont hilaye thy . Or usky baad Alex chupta hua andr Ja chuka tha .
Romaan building ky bahir khara Signal ka wait kr raha tha .
Yeh ik 5 manzila amarat thi jis sy khabar mili thi ky yahan par gher qanooni kam ho raha hy.
Romaan or Alex dono hi secret agents thy . Har mushkil sy mushkil task in dono ko diya jata tha keo ky inka team work boht kamal tha . In ky sath Bhi special force thi . Jo yeh kam saranjaam deti thi.
Pichly kuch waqt sy Alex ghaib ho giya tha or Romaan ny bari mushkil sy usko dhoonda tha or dobara sy wapis kam par lgaya tha . Keo ky uska Bhi Alex ky bagher dil ni lagta tha . Inka yarana Bhi ik dosry ky bagher adhura tha.
Abhi romaan bahir khara signal ka wait kr hi raha tha jab andr sy ik zor dar dhamaky ki Awaaz ai thi .Jis ko sun kar ik second ky liye to Sari team ky sans sukh gaye thy . Khas tor par Romaan ky .
Or ik Bhi second zaya kiye bagher Romaan building mein bhaga tha yeh sochy bagher
: Ky Alex ki taraf sy usko sakht instructions thi .
Lekin usky demaagh mein filhal sirf yhi chal raha tha ky Alex ko kuch na hua ho .
" Agar Alex ko kuch hua tou is building mein mojood sab ka aj akhri din hoga."
Romaan mu mein barbaraya tha or building mein ghus giya tha .
Sansein tou mohtaaj nahi hain kisi ki ,jab jis ki maala toot jye , Jab Jis ka dill band ho jaye. Na jany In yaron ki qismat mein kiya likha tha.
Romaan building mein jaa chuka tha apni jan ki parwah kiye bagher or puri force ny Alex ki instructions sy sari building ky aas paas ghera bana liya tha or Charon taraf sy cover kar chuky thy .
" Captain AK ap left side par ponchy jaldi ."
Captain saad hy orders diye thy .
" Romion kahan hy captain."
Jab peechy sy ik awaaz sunai di tou sab ny peechy mur kar ALEX ko dekha tha .
Or sab ko mano sanp sung giya tha.
Sab ny ik bar Alex ko dekha or phir building ky gate ko .
Maira or Sara log party end hony ky bad ice cream khany gayw thy .keo ky woh kafi din bad aj bahir nikly thy or Sath mein kuch time spend krna chahty thy . Maira Bhi ab unki family ka ik part ban chuki thi . Woh unky saath boht khush rehti thi keo ky usko woh boht pyaar krty thy .
Abhi woh ice cream kha kar nikly hi thy ky unki samne wali gari par zor daar firing hui thi . Or har jagah shor mach giya tha , har koi bhaag raha tha wahan sy . Har kisi ko apni Jan ki par gai thi .
Alex Abhi agy Barh kar building mein jata usko ik call receive hui thi . Or usy khatry ki ghantian bajti Hui mehsus hui thi .Alex ny darty hue call uthai thi . Aj na jany keo usko dar laga tha .
" Kesa Ashiq hy rey tu , Apny mehboob sy itna ghafil ho giya . "
Or yahan Alex ko laga tha ky uski duniya ruk gai hy .
Ik jagah Uska yaar tha jan sy Bhi pyara or dosri taraf tou tha hi uska pyaar.
Aj zindagi mein dosri baar Alex khud ko itna bebas mehsus kar raha tha.
Jab firing hui thi tou kuch log Maira ko wahan sy behosh kr ky ly gye thy.
Firing ik distraction tha unka maqsad Maira ko aghwa karna tha Jo woh kar chuky thy . keo ky Sara ky walid ky sath security thi , jis ky hoty yeh kam na mumkin tha
Ab dekhna tha ky Maira ki madad ko kon ponchta hy .