CHAPTER # 20
: Aj Mustafa ki baraat ka din tha .
Har taraf khushi ka Samaa tha .
Hussain or Asghar ny Bhi mil kar Mustafa ko boht maza tang kiya tha . Doston yaron mein tou yahi baat achi hoti hy . Ky unky saath zindagi haseen lagti hy .
Baraat waghera hall mein aa gai thi . Jab Hussain shah kisi zaroori call krny ky liye hall mein hi sath ik room mein gye thy .
Or unho ny lock kr liya tha keo ky woh ni chahty thy ky koi unko disturb kry . Abhi woh bat kr hi rahy thy ky room mein mojood washroom ka door khula tha or Rabia Khan nikli thin .
Or saath hi bahir door par knock hua tha .
Ap halaat kuch esy ban gye thy ky kisi ko kuch samjh ni aa rha tha ky kia kiya jaye.
Bahir sy jab Asghar ki awaaz ai tou Rabia ki tou tangein kanpany lag gai thin .Keo ky Asghar gussy ka boht Tez tha .
Or saath mein ik room mein woh Hussain shah ky saath thin .Jis ki waja sy koi Bhi ghalat matlb nikal sakta tha .
Lekin hussain shah ko Yakeen tha ky unka dost smj jye ga ky esa kuch ni hy .
Jab Hussain shah darwaza kholny lagy tou Rabia ny unka hath pakar liya or unko mana kr diya kholny sy . Keo ky woh boht nervous ho gain thi or dar gai thin .
" Mujhe yaqeen hy apny dosti par."
Hussain shah ny sirf itna kaha tha .
Jab woh dar ky bary peechy hony lagin to apni Saree mein paon arny ki wajah sy woh girny hi wali thin ky hussain shah ny unko pakar liya lekin masla tab hua Jab bahir sy darwaza khul giya .
Asghar ny bahir sy keys ky sath darwaza khol diya tha .
Hussain Shah ny apni aankhein zor sy meechi thin keo ky unko itna tou andaza ho gia tha ky ab baat ko explain Krna mushkil ho giya hy or Asghar ky gussa ka Bhi unko andaza tha .
Jab Asghar ny andar aty saath hi Hussain or Rabia ko jhat sy alag krty hue Hussain shah ky mu par thapar mara tha .
" Tujy dost samjha tha mene, or Tune hi meri peeth mein chura khonp diya , Ary dosti ka hi lihaaz kr leta hamary ghar ki izzat par hath dalne sy pehly . "
Or yeh woh alfaaz thy ky Hussain shah ko yaqeen ni aa raha tha ky unky dost ny unky liye boly hain .
Unka apna dill katta hua mehsus hua , keo ky unko apni dosti par itna man tha , itna yaqeen tha ky woh yeh Sab apny dost ky mu sy sun Bhi ni sakty thy .
" Tu jesa samjh raha hy Wesa nahi hy Sigu ."
Asghar ko woh piyar sy sigu kehty thy .
"Mar giya Tera Sigu , Mar diya tune usko , itni ghatiya harkat kar ky . Yaqeen tha mujhy apni dosti par ky tu esa ni kar sakta . "
" Mujhy Bhi Yakeen tha ky tu dosti ka bharam rakhy ga or meri baat sune ga . Mujy Bhi fakhar tha apni dosti par . Is bat par ky tu Mera dost hy sigu lekin tune aj Shah ka dill tora hy .Apni dosti ko apny hathon sy khatam kiya hy . Mein Ja raha hun or kabhi Wapis ni aunga."
Hussain Shah yeh kehty ik nazar Rabia par dalty wahan sy nikalty chaly gye thy . Unki kahani shuru hony sy pehly khatam ho gai thi.
Hussain shah ko jata hua dekhty Asghar ky mu par shitani muskurahat thi , Jis ko Rabia ny Bhi bakhoobi dekha tha.
" Tou yeh sab apny Jan boojh kar kiya .
Kia kiya tha mene Jo apne esa kiya . or kiya ghalti thi apky dost ki , Ky apko Zara ehsas na hua dosti ka."
Rabia khan ko boht gussa aya tha .
" Apna mu band rakho tum . Tum sirf meri ho . Sirf meri . Kisi ery ghery ky bary mein sochna Bhi mat . Tumhein kiya lagta hy ky mein woh jaidad Jo tum sy shadi kr ky mujhy milni hy woh kisi or ko mil Jaye .
Esa tou ho hi ni sakta ."
Or Rabia khan ko aj Asghar ky ghatiya pan ka pata chala tha .
Jo insan paise ky liye dosti tor dy woh kisi Bhi had tk Ja Sakta hy .
Asghar hy is moqy ka faida uthaty hue sab ko yeh zahir karwaya ky Rabia ky saath bura hua hy or woh phir Bhi uska hath tham raha hy .
Rabia ky pas or koi option ni bacha tha , unko Sab ny Is qadar Majbur kiya tha ky woh man gain thi .
Nikkah paper par sign krty hue Bhi bs unki ankhon ky samne Hussain shah ka chehra lehraya tha or ik ansu toot kr nikkah paper par gira tha or woh Hussain shah ky nam ka tha . Baqi unho ny apny andr utary thy .
" Mujhy maaf kar dena ky Hussain shah , Mein tumhari muhabbat sy waqif ho chuki thi. Ya shaid mohabbat kar bethi thi ."
Yeh woh bas soch sakin thin