CHAPTER#17
" Mujy smjh ni aa rha mein kiya kru . Romaan ki Jan ko khatra hy or Maira ky sth agar woh kuch bura..."
Is sy agy Alex kuch soch Bhi na saka tha .
Us ki jaan par bani hui thi .
Usky dushmano ny uska mobile Bhi trace kiya hua tha. Jis ki waja sy unko Alex ki location Bhi sath sath pata chal rahi thi .Alex kabhi Is sy pehly itna preshan ni hua tha, magar aj to mano zameen usky Peron taly nikalti Ja rahi thi .
" Yeh kahan ly kr aye ho mujy , kon ho tum log, kia chahty ho . "
Maira ko jab sy hosh aya tha woh ese hi cheekh chila rahi thi .
" Awaaz neechi rakh , zaban kheench lu ga mn teri ."
Ik aadmi Jo wahan mujood tha , usny Maira ky mu par zor daar thapar mara tha jis ki wjah sy usky kan sy baali toot kar giri thi or kan sy Bhi khoon aa rhaa tha.
" Jaan ly ly ga Alex tumhari ."
" Jaan to hum ly rahy hain uski ."
Maira ny na jane keo magar Alex ka nam le liya tha . Yeh janne bagher ky Alex ki waja sy hi usko aghwa kiya giya hy . Or usko yeh jaan kar herani Hui thi ky woh Alex ko pehly sy janty hain . Maira ny tou apny dill ki tasali ky liye yeh bol diya tha magar ab woh agly shaqs ko Bhi gussa dila gai thi .
Or us aadmi ny 2,3 lagataar thapar Maira ky mu par mary thy .
" Hamary boss aa rey hain , Woh tuj sy kuch sawaal poochyn gy . Tune bas chup chaap un baton ka jawaab Dena hy . "
Yeh kehta woh admi wahan sy nikal gaya tha or usky bad boss andr enter hua tha .
Jisko dekh kar mano Maira ki jaan nikal gai thi . Usko yaqeen ni aa rhaa tha ky yeh shaqs itna kese gir sakta hy .
" Zaleel ho jao tum, Jaan sy mar dun gi mein tumhein ."
Dosri taraf Alex ny 3 option choose kiya tha . Woh mulk ka beta tha tou woh apni jan Bhi qurban krny sy peechy ni hatta tha . Yeh to sirf ik Faisla lene ki baat thi .
Mulk ky hazaar dushmano ki jaaan Alex apny mulk ki ik beti ki izzat ky khatir waar dy or yahan tou boht si izzaton ki baat thi .
Jis illegal kam ka unko malum para tha , us mein aurtein or bachy involved thy jin ko aghwa kr ky , ya tou unky organs nikaal liye jaty thy ya phir aurton ky peton mein drugs bhar kar unko mulk sy bahir bhjty thy , woh unki smuggling ka zariye thin .
Aj Alex logo ko kafi arsy ki mehnat ky bad pata chala tha ky unko kahan chupaya hy, lekin logo ko Alex logo ky any ka malum par chuka tha jis ki wajah sy woh wahan sy nikal pary thy .
Yeh sab unki planning thi ky woh nikalny sy pehly dhamaka karyn gy . Or unko pata tha Romion zarur Alex ky peeche jaye ga , unky sirf ik do bandy hi sirf building ky andr chupy thy chonky dhamaka itna bara ni tha is wajah sy puri building ka nuqsaan ni hua tha . Usky bad Maira ko aghwa kiya tha taky woh Alex ko trick kr sakein .: Lekin yeh tou waqt any par pata chalna tha ky kon kis ko trick kr chuka hy