CHAPTER # 19
Mehendi ka function apny pury arooj par tha . Hussain or Asghar ny mil kar khoob enjoy kiya tha or apny dost ko Bhi khoob enjoy krwaya tha .
" Shaadi barbadi hy ."
Yeh woh jumla tha Jo taqreeban har 2 mint ky bad bola jata tha or Mustafa ko ehsaas dilaya jata tha ky abhi Bhi waqt hy . Faisla badal ly .Lekin woh khan hi kiya Jo apna faisla badal lein . Akhir Mustafa Bhi gody gody apni hony wali biwi ky ishq mein dooba hua tha .
Or ishq to phir LA ilaaj marz hy .
Jab function khatam hua tha tou family walon ki akathi gathering thi .keo ky mehman sab Ja chuky thy .
Ab Mustafa or Asghar , Hussain shah ko Bhi pakar kar zabardasti andr ly aye thy .
" Yaar tum logo ki families hon gi .Acha ni lagta."
" Hann tou tu khud ko hamari family ka hissa ni manta ."
Hussain shah ki baat par asghar ny unhy ghoori sy nawazty hue kaha tha .
Jab Hussain shah agy barhy , yeh ik backside par ik acha sa sitting arrangement tha . jis mein neeche zameen par takiye waghera rakhy hue thy . Or darmian mein aag jal rahi thi .
Jab yeh teeno andr enter hue tou sab ny hooting ki thi keo ky teeno dost qiamat dhaa rahy thy .
Sab apni apni jagah sambhaal chuky thy , jab game start ki thi ki darmian mein ik bottle ghumayein gy or uska top jis par aya woh gana usky liye Gaye ga jis par bottom aye ga bottle ka. Sab ny baari baari gana gaya tha or ab bari Hussain shah ki thi , Jin ki qismat is qadar kharab thi ya phir haseen ky unko gaana Rabia khan ky liye gana gana tha .
Guitar Bhi mangwa liya giya tha ab unho by gana start kiye tha . Rule tha ankhon mein dekh kr gany ka magar Hussain ny yeh ni mana tha or yahi munasib tha . Hussain shah ny aankhein band krty gana shuru kiya tha .
" HAN TUM SY KEHNA HY , DILL MEIN REHNA HY , MUJKO TERI QASAM .
HAR WAFAON MEIN HAR DUAON MEIN TUM HO PEHLY SANAM .
KESA MANZAR HY DILL SAMANDAR HY PHIR BHI EHSAS HY
DILL KA DARIYA HY ISHQ ZARIYA HY HAR KHUSHI PAAS HY ."
Hussain shah ki khubsurat awaaz jab gunji thi tou Sab par jese Sehr taari ho gaya tha . Har koi kisi na kisi ko soch kar ya dekh kr khush ho raha tha .
Larkian tou Hussain shah ki fan hi ho chuki thin .
Jab Hussain shah ny gana thora sa agy gaya or khatam kr diya or aankhein khol kr Rabia ko ik second sy Bhi kam time k liye dekha or us Time Rabia Khan ky dill ny beat miss ki thi .
Lekin yeh to any wala waqt batane Wala tha ky unki zindagian Kiya mor katny wali hain.