CHAPTER #13
: " Pata nahi woh kon tha jis ny mujy call ki thi , Kahin woh Romaan to ni tha . Ho sakta hy wo Muj sy badla lene ky liye esa kar raha ho . Lekin uski awaaz tou boht dilkash or mukhtalif thi . Woh Romaan ni ho sakta ."
Maira ky dimagh mein musalsal yhi sab Chal raha tha . Usy soch soch kar tension ho rhi thi, keo ky aj sy pehly usko esa phone ni aya tha. Or woh Jo koi Bhi tha woh usky qareeb hi tha jese us par nazar rakhi hui ho , Or yhi baat Maira ko or Bhi boht preshan kar rahi thi . Dar ky mary usny agy peeche kahin dekha Bhi ni tha , keo ky goli chalny ki awaaz sy woh kuch soch Bhi na saki thi . Maira ghar ponch kar normal Hui thi keo ky woh apni wajah sy kisi or ko tension ni Dena chahti thi .
" Mehbooba sy bad mein bat kar Lena Bhai g , keo ky apki fazool si zindagi abhi zaya hony wali thi ."
Romaan ny mazak urany wali tone mein Alex ko bola tha keo ky woh Maira sy baat krny mein is qadar magan tha ky usny dekha hi ni ky samne wali building mein sy koi us par goli chalany wala tha . Lekin uska yeh Irada Romaan ny nakam bana diya tha or ab woh Alex ko tanz mar raha tha.
" Jaldi kar nikal yahan sy filhal , tanz bad mein mar Lena , Hamara kam ho gia hy tou yahan PR ziyada Der rukna theek ni hy . "
" Keh kon raha hy ."
Romaan ny phir sy tanz Mara tha .
" Tera Baap" .
" Ohhhhhhh shahzaib Sahab yahan kidhr aa gye. "
Romaan ny apny walid ka Nam lete hue bola tha .
" Tu nikal raha hy ya phir tujy Bhi goli sy ura dun."
Alex ny usko bola tha or jaldi sy wahan sy nikalty chaly gaye thy .
" Ahsan jaldi sy mere room mein poncho ."
Waleed ny office ponchty hi apny PA ko bola tha or apny office room mein chala gia tha . Jab ky pura office pareshan tha keo ky unho ny apny boss ko itna serious kabhi ni dekha tha . Keo ky waleed boht relax rehny wala banda tha .
" G sir , Sab kheriat hy na . "
Ahsan ny aa kr poocha tha .
" Han ik kam kro ik gari ka number de raha hun , usky bary mein pata lagwao kis ki hy , or phir Maira Nam ki ik larkii hy mujy uski sari information chaiye hy . Inshort tum us PR har time nazar rakho gy . Meri baat smj aa rhi hy . "
" G sir , ab befikar ho jayein , mein kal tak apko sari information bata du ga . "
" Han thora jaldi kro . "
Waleed ny itny salo baad Maira ko apni ankhon sy dekha tha . Us safak Waleed ki ankhon mein na jany kia kuch tha , jisko woh chupa tak ni paa raha tha . Ishq , talab , tarap , Aag sab hi tou tha .
Uska dill boht Tezi sy dharak raha tha . Jis ko woh sambhal hi ni paa raha tha.
Usky dimagh mein bas woh crystal Grey aankhein chal rahi thin .
" Bas thora sa intizar or meri khani . Tumhara khan Wapis aa chuka hy ."
: Agly din Maira or SARA phir uni Gaye thy aj unki welcome party thi .
Un dono ka dil ni tha lekin phir Bhi yeh soch kr chaly Gaye ky mahol thora fresh hoga or Acha time guzar jye ga .
Maira ny black color ki paon ko chuti frok Pehni thi jab ky ball khule chore hue thy or Sara ny Bhi black color ka kurta Pehna hua tha or ball khule chor kr woh dono hi kamal lag rahi thin.
Romaan unko aj phir kahi nazar ni aya tha or unho ny shukr kiya tha .
Chonky raat ka event tha tou maza Bhi boht aa rha tha .
Jab unko black color ka 3 piece pehny balon ko achy sy set kiye stage par Romaan charta hua nazar aya . Maira or Sara dono ny hi foran ik dosry ko dekha tha .
Jab Romaan ny stage par aa kr mic pakra tha or gany ky bol gana shuru kiye thy .
" KAL RASTY MEIN GHAM MIL GIYA THA
LAG KY GALY MEIN RO DIYA
JO SIRF MERA THA SIRF MERA
MENE USY KEO KHO DIYA "
yeh bol usny seedha Maira ki ankhon mein dekh kr gaye thy .Jese woh aj akhri baar jee bhar kr dekh raha ho. Or phir usny apni ankein band kr lin thin or usky ansu ankhon sy beh nai rahy thy balky dil PR gir Rey thy .
Or Jo ansu dill par gir Rey hon woh ziyada takleef deh hoty hain.
Abhi tou Romaan ny mohabbat ki pehli seri par Bhi qadam ni rkha tha or uska dil na jane kitny tukron mein bat gia tha .
Is mohabbat ka gham esa tha jese ishq ki akhri seeri sy neechy gira ho .
" Mohabbat mere liye nahi " .
Romaan ny socha tha or gana agy jari rakha tha lekin is bar usny Maira ko ni dekha tha . Keo ky Romaan ki mohabbat usky jigr ka Ishq ban gai thi .
Alex ny khamosh ishq kiya tha jis ny Romaan ko tora tha . Lekin Romaan jis ny dosti ka bharam rakha tha or dost ky liye dil sy Dua ki thi .
" HAAN WOH ANKHEIN JINHEIN MEIN CHOOMTA THA BEWAJAH
PAYAR MERE LIYE KEO UN MEIN BAQI NA RAHA
OHH HUMNAWA MERE
TU HY TOU MERI SANSEIN CHALEIN
BATA DY KESE MEIN JIUN GA TERE BINA ."
Romaan ko yad aya tha ky pehly din hi Romaan ny Maira ki pic li thi . jese usny chooma tha or ik namaz Bhi na Parhny wala Romaan sikandar Alex ki mohabbat Jan lene ky bad masjid mein Ja kr roya tha .
Stage PR any sy pehly usny akhri baar Maira ki woh pic dekhi thi or phir yeh Bhi wada kiya tha ky gaany ka shokeen ab gana Bhi akhri bar aj Gaye ga .
" HAR WAQT DIL KO JO SATAYE ESI KAMI HY TU
MEIN BHI NA JANU YEH KY ITNA KEO LAZMI HY TU ."
yeh lines gaty hue usny aankhein kholi thi lekin usko kuch Bhi nazar ni aa rha tha keo ky uski ankhein ansuon sy tar thin .
Or woh unhi lal ankhon sy gana chor kr stage sy utar raha tha jab puri uni ny ik saath yeh gana shuru kr diya tha
" NINDEIN JA KY NA LOTI KITNI RATEIN DHAL GAIN
ITNY TARE GINE KY UNGLIAN BHI JAL GAIN.
ROMAAN ko peeche sy sab ki awaazein aa rhi thin . Or woh apni ankhon sy Ansu chupata wahan sy nikalta chala giya tha .
Sab ko rulany wala , Moj masti karny wala Romaan aj khud ro raha tha .
Keo ky uski mohabbat uni ky pehly din sy nahi , balky boht pehly sy shuru hui thi .
Or na hi Romaan mohabbat ki pehli seeri par tha .
Usko ab andaza hua tha ky uski jis muhabbat ny usko khuda sy milaya hy woh mohabbat ni ishq hy
Or ISHQ janleva hota hy . Yeh zeher ik nazar sy jism mein phel jata hy or sab sy pehly dill par qabiz aa kr ankhon or demagh par Bhi qabu paa jaata hy .
ISHQ INSAN KO NAKARA KAR DETA HY .
Esa log kehty hain .
Lekin ishq tou khuda sy milwata hy na
Phir tou yeh bary kaam ki cheez hy .