"Montefalco for three!"

Malakas na hiyawan ang namayani sa buong gymnasium ng St. Ignacio's University. It's intrams and the basketball championship game is starting to heat up. Lalo na at magkasangga ang Business Ad Department at nursing department, ang tinaguriang mga departamento ng mga hotties at guwapo.

Halos mapuno ng confetti ang buong gym. Kanya kanyang cheers din ang bawat department. Tinalo pa ang UAAP at NBA finals sa lakas ng hiyawan ng mga ito.

Sa kanang bleachers malapit sa scoreboard, nakapwesto ang mga Political Science students. Nakangiting pumapalakpak si Rhiane habang nakatingin sa boyfriend na si Darryl. That three-point shot slayed! Nag overtime ito dahil doon.

"Go Darryl!" Halos mapigti ang litid niya sa tiling 'yon. Inirapan naman siya ng katabi.

"Hoy babaita, papaalala ko lang na PolScie tayo hindi business ad!"

Natatawang inirapan niya ang kaibigang si Martina. Ang bitter ng loka.

"Ipapaalala ko rin sa'yong talo na tayo at championship na!" sigaw niya at binelatan ito.

Irap lang ang nagawa ni Martina. Napailing siya at ibinalik na lang ang atensyon sa laro.

Pumito na ang referee, meaning back to the ball game.

Umingay na naman ang buong gymnasium nang pinag-agawan na ng dalawang team ang bola.

Pigil hininga ang bawat mga tagpo lalo pa at mahigpit ang depensa ng dalawang team. Ten seconds ay matatapos na ang overtime at wala pang nakakapuntos!

"Get it! Get it!" sigaw pa niya na may kasamang talong nang makitang na kay Darryl ang bola.

Darryl stands in the three point line. Gwardiyado ang mga kasama nito kaya tanging ang pag shoot ang pag asa ng team nila.

Hindi na rin napigilan ni Martina ang mag cheer, "Omg! Go"

Napapadyak si Rhiane sa tagal nito.

"I-shoot mo na!" she shouted and as if on cue ay inihagis ni Darryl ang bola.

Tila slow motion naman itong lumipad patungong ring.

3.2.1

Prrtt!

Impit na tumili si Rhiane at tumalon pa payakap kay Martina.

"Oh my god!"

Na shoot ang bola! And then again, Business Administration got the championship for this year's basketball intramurals game.

"Tara puntahan natin sila!" Excited na sambit ni Rhiane at hinila pababa ng bleachers si Martina.

Talagang sinuot nila ang dagat ng tao makapunta lang sa kinaroroonan ng players ng Business Administration.

Nakailang excuse me at hawi pa sila bago marating ang bench ng BA.

Nagtatatalon ang mga ito at binuhat buhat pa si Darryl. Nakangiting umiling siya. Mukhang MVP na naman ang loko.

Hinintay na lang muna niyang matigil sa pag aalaskahan ang mga ito bago sila lumapit. Nang isa isa ng kumalma ang mga players ay tsaka siya bumitiw kay Martina at lumapit sa nakatalikod na boyfriend.

Nakangiting tinapik niya ang balikat nito. Kaagad naman itong lumingon sa kanya. Mas lumapad ang ngiti ni Rhiane. Ganoon din si Darryl na agad siyang hinapit ng yakap. Napatili pa siya nang buhatin siya nito at ipinaikot ikot.

Agad namang nagkantyawan ang mga kaibigan niya at team mates nito. Natatawang hinampas niya si Darryl at nagpababa.

"And the most valuable player for this year is... Darryl Anthony Montefalco"

Walang ano ano'y nadagit na naman ng mga ka team mates nito si Darryl at binuhat pa papuntang stage para tanggapin ang award nito. Natatawang pinagmasdan niya na lang ang mga ito.

Hindi rin naman ito nagtagal at bumalik din sa puwesto nila kanina. Agad na pumulupot ang braso ng boyfriend niya sa kanyang bewang. Dala dala nito sa kabilang kamay ang trophy ng MVP award. Sumandal siya sa braso nito.

"Paano bro, The Ledge?" dinig niya pang tanong ng isang ka team mate nito. Tumawa lang si Darryl at tumango.

Nakipag usap pa ito sa ibang mga ka team mates at pati na sa coach. Ilang congratulations din ang natanggap nito mula sa batchmates. Siya naman ay nanatiling nakangiti sa tabi nito. She's a proud girlfriend.

Nang matapos ang pakikipag usap sa mga team mates ay iginiya na siya nito paalis.

Pinuntahan muna nila ang bleachers ng BA para kunin ang bag nito. Nandoon na rin ang kapatid niya pati ang mga kaibigang kasali rin sa team.

"Hey! Congrats Montefalco!" nakangising bati ng kaibigan niyang si Sean.

Kumikinang ang gray na piercing nito sa kanang tenga na sinadya yatang iterno sa buhok nitong naka ash gray.

Nakangiting kinamayan din naman ito ng boyfriend niya sabay sambit ng thank you.

Sumunod na bumati naman ang isa pa niyang kaibigang lalaking si Hyron.

Kumikinang ang mala ginto nitong buhok sa sikat ng araw na bagay na bagay din sa mala mestizo nitong balat.

"The Ledge kami mamaya," sabi ni Darryl sa mga ito. Tumango naman ang mga kaibigan niya.

Tinanguan din ito pabalik ni Darryl bago bumaling sa kanya, "Samahan mo ko sa locker?" Ngumiti siya at tumango rito.

Sinenyasan niya na lang ang kapatid na si Darlene bago nagpatianod kay Darryl.

Dahil sa game ay halos lahat ng tao nasa gym kaya silang dalawa lang ni Darryl ang bumabagtas sa corridor na papunta sa locker room ng mga varsity.

Nakakapit pa rin ang isang kamay nito sa bewang niya at ang isa ay nakahawak sa bag at trophy nito. He's really sweet...and possessive.

Tuloy tuloy lang silang pumasok ng locker room dahil wala namang tao sa loob.

Pagkapasok ay naupo siya sa isang bench. Inilapag naman ni Darryl ang body bag at trophy nito sa tabi niya.

"Shower lang ako," paalam nito sa kanya at tuluyan nang naghubad ng pang itaas sa harap niya. Sinamaan niya ito ng tingin.

"Pwede namang sa loob ng shower room maghubad diba?" nakairap na sabi niya.

Tinawanan lang siya nito at hinagis pa ang hinubad na jersey sa kanya.

Sumapol ito sa mukha niya kaya impit siyang napatili sa inis. Humalakhak lang si Darryl.

Akmang gagantihan niya sana ito at ibabato rin ang jersey nito pabalik pero laking gulat niya na lang nang bumungad ang mukha nito isang dangkal mula sa mukha niya.

Napaatras tuloy siya pero inilapit din naman nito ang mukha sa kanya. Akmang hahambalusin na niya ito ng jersey nang bigla naman nitong hawakan ang magkabila niyang kamay.

Darryl smirked. Napalunok siya sa ngisi nito.

Damn. Ano na namang trip 'to?!

Halos malagutan na siya ng hininga sa sobrang bilis ng tibok ng puso niya. Idagdag pang nakakatunaw at nakakapang hina ng tuhod ang mga titig na ipinupukol nito sa kanya.

What the eff, Montefalco!

Tanging paglunok at palihim na pagmura rito sa isipan ang kanyang nagawa. What is he up to anyway?

"D-Darryl uhmm- hmm..."

Napaawang ang labi niya sa sobrang gulat nang kaagad nitong sakupin ang labi niya. He immediately slid his tongue inside and closed her lips with his. Para tuloy siyang tuod na hinahalikan dahil hindi siya nakagalaw sa sobrang gulat!

"Kiss me back, Rhi," Darryl said between the kisses.

Doon lang siya natauhan at napakurap kurap pa. Napapikit siya nang mas naging agresibo ang halik nito. She kissed him back with the same intensity. Kakaibang init ang naramdaman niya lalo na noong kinabig siya ni Darryl papunta rito, making her stand up.

His right hand held the back of her head while the other fekl on her waist, pressing her body to his even more.

Nabitiwan niya ang hawak na jersey. Tila hipnotismo ang halik nito at winawala siya sa sariling katinuan! She feels like floating! Nakakalasing at nakakapanginig tuhod!

Kung hindi lang siya hawak ni Darryl paniguradong napaupo na siya dahil sa panlalambot ng mga tuhod niya!

She felt him smiled between the kiss. Kinagat pa nito ang ibabang labi niya bago humiwalay sa halik. He looked at her, smiling. His lips landed on her again, but this time it was just a smack.

Napabusangot ang mukha niya sa pambibitin nito. Natatawang niyakap naman siya ni Darryl. Naibaon niya na lang mukha sa matipuno nitong dibdib.

Oh god, Rhiane! Seriously?!

Mariing ipinilig niya ang ulo. Niluwagan naman ni Darryl ang yakap kaya nag angat siya ng tingin dito. He was all smiles habang nakatingin din sa kanya.

"What?" tanong niya rito.

He stared at her amusingly.

"I love you," biglang sambit nito at pinatakan ng halik ang kanyang noo.

Napapikit siya, "I love you too."

"Hey there lovebirds!" Mabilis pa sa alas kwatrong humiwalay si Rhiane sa hawak ni Darryl.

Masamang masama naman ang tingin ng boyfriend niya sa pinsan nitong bigla na lang sumulpot sa gilid nila.

"What the fuck, Jake?"

Itinaas ni Jake ang dalawang kamay, "Oh chill bro! I would just like to remind you na marami kaming nakapila sa labas at ang tagal niyo. Chill," natatawang anas nito.

Agad na naramdaman ni Rhiane ang pag iinit ng pisngi.

Shocks. Kanina pa sila sa labas?

"Wait for me outside. The lunatics are here," baling ni Darryl sa kanya at tinapunang muli ng masamang tingin si Jake.

Tumango na lang siya at nakayukong lumabas. Wala na yata siyang mukhang maihaharap sa mga varsity! Nakakahiya!

***

Alas nuebe ng gabi nang dumating sa The Ledge si Rhiane kasama ang mga kaibigan at ang kapatid na si Darlene.

Agad na sumalubong sa kanila ang nakakahilong mga neon lights at ang dumadagundong na music ng DJ. Marami na ring nag iinuman sa mga bar counters at halos punuan ang couch sa ibaba.

"Nasaan sila, Sean?" tanong ni Megan na halos sumigaw na sa sobrang ingay.

Iginala naman ni Sean ang paningin sa buong club. Tiningnan na rin ni Rhiane ang cellphone at nag text kay Darryl kung nasaan ang mga ito.

"Ayun yata sila." Itinuro ni Hyron ang isang maingay na VIP room sa itaas.

Sabay na tumingin ang magkakaibigan at tama nga ito. Kitang kita mula sa kinalalagyan nila ang pangangantyaw nina Jake. Natawa si Rhiane sa kalokohan nito at nauna nang pumanhik sa itaas. Nakasunod naman ang mga kaibigan niya.

"Hey, hey, hey!" malakas na sigaw nina Hyron nang makarating sa room.

Sinalubong agad ang mga ito ng mga ka team mates. Nakihalubilo na rin sina Finny, Megan at Darlene sa mga kakilalang naroon.

Hinanap ng tingin niya si Darryl at natagpuan niya ito sa may sulok, katabi ni Shade, at umiinom ng alak. Lumapit siya rito.

"Hey," aniya at umupo sa bakanteng tabi nito. Ngumisi ito at hinalikan siya sa pisngi.

Napangiwi siya sa amoy ng alak.

"Ilan na nainom mo?" tanong niya rito. Mukha kasing nakarami na ito.

Ngumisi lang ulit si Darryl at ibinaon ang mukha sa balikat niya. Na weirduhan tuloy siya sa inasal nito. Naiiling na ibinaling na lang niya ang tingin sa mga nagpaparty nitong team mates.

"Oh ano pang tinutunganga? Shot na us! Wooo!"

Napuno ng hiyawan ang buong VIP room sa pangunguna ni Jake. Tawang tawa sina Rhiane nang mag truth or dare ang mga ito.

Kung ano ano kasing mga dares ang inuutos ng mga ito. Talagang sinusulit ng mga ito ang mga araw na hindi pa busy. Pagbalik kasi busy week na.

Napalingon tuloy siya kay Darryl.

Nakahilig pa rin ito sa kanya habang tawang tawa sa panonood ng mga team mates nito. Kanina pa ito nandito lang at inom nang inom. Napatitig siya rito. Iba ang pakiramdam niya. Bakit parang may mali?

Kanina lang ang saya saya nito tapos ngayon....

"Darryl are you okay?"

"Hmm…" tanging sagot nito, binalewala ang tanong niya.

She looked at him anxiously. Something is not right here. Ewan niya ba pero biglang umusbong ang kaba niya at hindi niya alam kung bakit.