Chapter 25 - Chapter 24

Vani Aur Ruhan sath me hospital gate se bahar nikale hai, Hospital ke bahar barish hone ki wajah se Roads pe phisalan ho gai hai, Vani apni soch me dhubi aage badh hi rahi thi ke uska achanak per phisal jata hai. Vani girne hi wali hoti hai ke Ruhan uska ek Hath pakad ke apni taraf khichta hai, Vani aur Ruhan ki Ankhe Ek dusre se mil jati hai, aur kuch second wo dono ek dusre ko ghurr rahe hote hai.
Ruhan Vani ka hath chod kr " Be careful... yahan Bahut phisalan hai."
"Thank you..." Vani khud ko sambhalti hai. aur aage chalne lagti hai.
"Raat bahut ho gai hai, Main tumhe ghar chod deta hu, Iss time Koi Taxi bhi asaani se nahi milegi. aur Mom bhi tumhe mere sath dekh ke pareshan nahi hogi." Ruhan Vani ko jaate huye rok deta hai.
Vani ye sun ke chup chap ser han me hila deti hai, aur Dono car me beth ke Vani ki ghar ki aur chal dete hai. Car me dono khamosh hai.

"Ahm.... Kabhi agar yesa ho.. ki tum ghar ke liye late ho jao... To mujhe call karna... main tumhe lene aa jaunga...." Ruhan Drive karte huye kehta hai.
"Thank you... pr preshan hone ki zarurat nahi hai... Aaj tum wese bhi meri wajah se bahut preshan ho chuke ho..."Vani Niche muh krke bolti hai.

"Nahi... Main preshan nahi hua... tumhe itna sochne ki zarurat nahi hai." Ruhan ye keh kar apni pant ki Pocket se Vani wala bracelet nikalta hai aur Vani ko dete huye kehta hai.
"Ye lo.... ise pahn lo.... Grandpa Tumhe isse Pehchante hai."
Vani Ek bar Bracelet ko dekhti hai aur chup chap le kr pehn leti hai. Vani ka ghar aa chuka hai, Ruhan Car rokta hai, Vani car se utarti hai. Vani ki mom bahar hi khadi Vani ka wait kar rahi hai.
"are Vani tumhe aaj aane me itna time lag gya?, Kaha thi tum?" Vani ki Mom
" Vani mere sath thi...."Ruhan Car se utar kar Vani ki Mom ke samne aakar kehta hai, " Aap befikr rahiye...."
" Oh acha acha... Chalo koi bat nahi... Andar aao beta ..." Vani ki mom
"phir kabhi zarur aaunga.... abhi mujhe... Dada ji ko aaj ki work reports deni hai" Ruhan Watch dekhte huye.
"Ok Beta... Thik hai... Aram se jana..." Vani ki mom

Vani Ruhan ko dekhti hai aur apni mom ke sath ghar ke andar chali jati hai. Ruhan Car me beth kr ek bar Vani ke ghar ki aur dekhta hai. aur Drive karke wahan se chala jata hai.

Vani kuch der bad fresh hoker apne room me aati hai aur Apne mobile me Natasha ka Number dekhti hui sochti hai.

"Natasha se help lena sahi rahega...? wo meri help kregi...? Mujhe ye karna hi hoga..."

Natasha Yug ke Restaurant me bethi hui hai. Yug Kuch ladkio se has has ke bat kar raha hai, aur Yug ke sath wo sab ladkiya selfie le rahi hai. Natasha ye sab dekh ke Yug ke pas jati hai. Yug ka Hath pakad ke khichati hui, Restaurant ke roof pe le jati hai.
"Hi... mujhe yahan kyun lai ho... meri sari dost Naraz ho jaygi..." Yug apna hath sehlate huye.

"Hn....wo tumhari dost kab se ban gai...?, Kiya koi itni jaldi dost banta hai?" Natasha
"Kyun nahi Ban sakta... jab pyar ek nazar me ho sakta hai to dost kyun nahi...?, Aur tumhe kyun bura lag raha hai wo meri dost hai ya nahi..." Yug Natasha ke kareeb aakar kehta hai.

Natasha Yug ko apne kareeb ata dekh nervous hoker piche hatne lagti hai. itne me Natasha ka phone ring karta hai. Yug Piche hat jata hai.

Natasha Vani ki call dekh kar Pick kar leti hai.
"Hello Vani... kya hua... ?, sab thik hai na? tumne itani rat ko call kiya?" Natasha.
"Han sab thik hai... Mujhe tumse ek favor chaiye tha... " Vani
"Han zarur... tumhare liye main humesha Hazir hun" Natasha
"wo bat ye hai... Ki kya tum mujhe... 3Lac udhar de sakti ho?" Vani
"Kiya.... 3lac... ?" Natasha.
"Han.... Urgently chaiye.... Main tumhe mil ke reason bataungi..." Vani
"Han Thik hai.... tumhare apne reason hoge....main tumhare account me transfer kar deti hu" Natasha

"OK thank you Natasha...." Vani khush hoke
"You're welcome my Dear... akhir dost hi dost ke kam aate hai na... " Natasha smile karke

Yug usi ki aur dekh raha hai. aur use dekh kr Smile kar raha hai. Natasha call cut karti hai, aur Yug ko dekhti hai.

"itna kyun smile kar rahe ho...?, mere muh pe kuch laga hai? " Natasha apna face hath se saf karte huye.

"nahi kuch nahi.... Acha ye to confirm ho gaya hai mujhe ki tum jealous ho...." Yug Natasha se.

" Bikul bhi nahi.... Han... Main kyun tumse jealous hone lagi..." Natasha Apne Hair ko sholder pe se piche karte huye.

"To tum mujhe yahan kyun lai?..." Yug Hairani se.

"Tumhe unn ladkio se bachane ke liye ..... huhn.... " Natasha ye keh kr wahan se chali jati hai.

"Kya....?, mujhe bachane ke liye?" Yug apne aur ungli krke kehta hai aur Natasha ko jaate huye dekhta hai.

In Morning,

Vani Subha subha Hospital jaati hai, aur sidha Reception pe jaa kar Table pe Paise rakhti hai.

"Please.... ye lijiye... Operation fees"Vani
"Patient ka nam?" Receptionist Computer me check kar ke.

"Rishi... " Vani

"Ma'am... actually... Inki Operation fees kal hi submit ho chuki hai, aur Advance Hospital Fees bhi submit kar di gai hai....Patient ke Operation ki tayari chal rahi hai, 20-30min me Operation theater ready ho jayga." Receptionist

"Kya....?, Kab...Kiya ap nam bata sakte hai, kisne Submit ki?" Vani Surprise hote huye.
"Yes... sure .... Unka naam hai Ruhan...." Receptionist.

"Ruhan... " Vani ek dafa sochti hai, " Thank you... " Keh kr Receptionist se Vani Operation theater ki aur chali jati hai.

Vani Operation theater ke pas pahuchti hai ki wahan Ruhan ko Samne dekh hairan ho jati hai, Ruhan Doctor se serious bat kar raha hai. Vani Kuch der wahi khadi rheti hai tabhi Rishi ka Strecher Operation theater ke pas ata hai aur Andar chala jata hai. Rishi ki Mom bhi Strecher ke sath sath Wahan aati h aur Operation theater ke bahar khadi ho jati hai. Unke face pe Chinta ki bhawna Alag hi dikhai de rahi hai.

Vani Himmat karke Operation theater ke pas aati hai. Ruhan Vani ko apne pas dekh ke khamoshi se dekhta hai aur nazar pher ke ek side ja kar khada ho hata hai.

"Are....tum dono... sukhriya yahan aane ke liye... mujhe laga tha aj main akeli ho jaungi..." Rishi ki mom Ruhan Vani ko dekh ke.

Rishi ki Mom Vani ke pas jati hai. aur Vani ka hath pakad ke kehti hai.

"fees time se submit karne ke liye... Tumahra sukhriya... main jaldi hi tumhare sabhi paise louta dungi...." Rishi ki Mom ankho me ashu leke kehti hai.

"Nahi... Apko galat femi hui hai... fees Maine submit nahi ki... Ruhan ne ki hai.." Vani Ruhan ki aur dekh ke.

"Kya.. sach me...?"Rishi ki Mom hairani se puchti hai.

Ruhan Bina bat sune dur khada unki aur jese hi dekhta hai, Rishi ki mom aur Vani dono Ruhan ki aur dekh rahi hai. Ruhan Kuch samajh nahi pata.aur apni call attend karne wahan se chala jata hai.