2 hours beet chuke hai, Operation theatre me Rishi ka heart operation chal raha hai. Tabhi Operation room ka door open hota hai aur doctor aate hai, Rishi ki Mom doctor ko dekh kr aage aati hai.
"Doctor... Doctor... "
"Calm down... Ma'am, Don't worry, Apka beta bikul thik hai, Operation successful raha... Bas Patient ko dusre ward me admit kr de phir aap Patient se mil sakte hai." Doctor
"Oh Thank you.... Thank you God... " Rishi ki Mom hath jodh ke ankhe bandh krke kehti hai.
"Aap Mere Cabin me chal ke bad kr sakte hai?" Doctor Ruhan se.
"Ok sure" Ruhan Keh kr doctor ke sth chal deta hai.
Doctor ke Cabin me,
Doctor Ruhan ko Reports dikhate huye,
"Patient Ka Haal hi me Emergency operation ho chuka hai, Lekin keh nahi sakte ke patient bikul thik hai... Filhal Wo thik rhega, Under age ki wajha se hum Heart transplant surgery nahi kar sakte, lekin 16+ ke bad Patient ko Heart transplant surgery karwani hi padegi..."
"Matlab Ye surgery temporary thi?" Ruhan Reports dekh kar .
"Yesa keh sakte hai... Future me Patient ko Heart problem bani rahe sakti hai... Jese jese patient ki age badhegi... Heart problems badhegi... Heart transplant surgery apko karwani hi hogi..."Doctor
"Ok doctor thanks for your kind information." Ruhan doctor se Hath Mila ke cabin se chala jata hai.
Ward Room me,
Ruhan Reports ke sath ata hai, Vani aur Rishi ki mom wahi bethi hai, Ruhan ko dekh Vani uske pas aakar
"Doctor ne kya kaha?"
"Doctor ne kaha hai, patient bikul thik hai, Surgery achi rahi aur Anesthesia Ki wajah se Patient ko 6Hours me Hosh aa jayga... ghabrane ki zarurat nahi sab thik hai." Ruhan Vani se kehta hai.
Rishi ki Mom uth ke Ruhan ke aage aati hai aur apne hath jodh ke kehti hai.
"Tumhara bahut bahut sukhriya time pe fees submit karne ke liye, Aj tumhari wajha se mere bacche ki jan bachi hai, aur Inn sb maintenance ki fees ka bhi sukhriya... Main Tumhare paise jald se jald Lota dungi" Rishi ki mom ankho me ashu liye.
"Iski zarurt nahi hai... Mujhe paise wapis nahi chaiye... Iske badale... Ap mujhe bata sakti hai ke ap Food aur flowers ki achi pehchan hai?, ye ap kar sakti hai? " Ruhan Kehta hai.
"Ahmm... Han... Han kar sakti hu... " Rishi ki Mom hairani se Ruhan ki aur dekhte huye.
"Thik hai... Main apko humare new hotel ki Planner banana chatata hun... Jo Food and Flowers decoration ka khas Khayal rakh sake...apko salary bhi achi milegi, Apko rehne ke liye ek Quarter diya jayga, Ap apne bete ke sath Without rent wahan reh sakti hai, apko manzur hai...?" Ruhan Smile kar ke.
Vani Ruhan ko iss andaz me dekh ke hairan aur khush bhi ho rahi hai.
"Han mujhe manzur hai, apka sukhriya... "Rishi ki mom khush hote huye.
"Hmm... phir thik hai... Ap Apne bete ke thik hone ke bad Join kar sakti hai..." Ruhan Keh kr apni watch dekhta hai, "excuse me... Mujhe ab jana hoga... meri ek important meeting hai... Main sham me aata hun" Ruhan keh kr ward room se chala jata hai.
Vani Ruhan ke piche piche aati hai, "Ruhan..... Ruhan..... Meri bat suno"
Ruhan Vani ki awaz sun ke ruk jata hai, piche murd ke dekhta hai, Vani bhag ke aati hui uski Saans phul gai hai, Vani Tez tez Saans le rahi hai, Ruhan sidha khada ho jata hai, Vani bag me hath dal kr Paise nikalti hai.
"Ye lo... Baki paise me bad me de dungi... aur tumhara sukhriya, unhe apne hotel me kam dene ke liye" Vani
"Inhe apne pas hi rakho... aur jisse lai ho use wapis kar do... Maine ye sab Paise ke liye nahi kiya hai... Actually uss bacche se pehli mulakat me hi mujhe attachment ho gai thi... Isly mene uski help ki... apne dimag se ye bat nikal do, ke maine tumhari wajha se uski help ki hai" Ruhan Buri tarah bartav se keh kar wahan se chala jati hai,
Vani use bas piche se jata hua mayusi se dekhti reh jati hai.
In evening,
Vani hospital me Rishi ki mom ke pas bethi hai, Rishi ki mom khush hai aur apne bete k hosh me aane ka wait kar rahi hai.
"Kitna acha inshan hai, wo... Main usse pehli bar mili aur usne Kitna kuch kar diya mere aur mere bete ke liye....Wo Ek farishta hai..." Rishi ki mom
"Ji... janti hu... Wo ek farishta hi hai... Bachpan se aaj tak nahi badla...Shuru se sabki Help Karta hai" Vani smile karti hai.
"Acha... Wese tum bhi mere sath brabar khadi rahi... Warna itna kon kiske liye apna time barbad karta hai.."Rishi ki Mom
"Yesa nahi hai... Rishi roz mere job place pe aakar humesha new new color ke ek Flower deta tha... Aur meri usse achi dosti ho gai thi... bas isly..." Vani
"Maine tumhe kai bar dekha hai, Logo ki help karte huye... ek bar tumne mere bete ke kehne pe Ek Cat ko pedh se niche utara tha... maine ye dekh liya tha... Uske bad se Wo tumhe bahut pasand karne laga tha...Sham hote hi wo shop se flowers utha ke tumhe dene ke liye pahuch jata tha..." Rishi ki Mom smile karke.
"Acha... "Vani smile karke...
"Acha... kya tum Uss Ladke ke kareeb ho... ? " Rishi ki Mom Ruhan ki aur ishara karte huye.
"Kiske...?, Oh.... Ruhan ke... Actually Ruhan... aur main bachpan se ek hi school me padhe hai" Vani
Ruhan usi time ward room me ata hai aur bahar hi se Vani ki aur Rishi ki mom ki bat sunne lagta hai.
"To.. matlab Rista bas Classmate tak ka hai?" Rishi Ki mom
itne me Ruhan andar aake kehta hai, "Nahi.... Vani meri Fiance hai... humari Jald hi shadi hone wali hai..."
Vani Ruhan ko hairani se dekhti hai, Because Vani ne Ruhan se Ye expect nahi kiya tha.
"Are.... Acha Dono Engaged ho... Kitni khushi hui ye jan kar... wese bhi tum dono sath me bahut ache lagte ho" Rishi ki Mom
Tabhi Rishi ko Hosh aane lagta hai, Vani dekh leti hai, "Rishi ko hosh aa raha hai"
Rishi ki Mom sun ke Rishi ke pas jati hai, "Beta... Beta... Rishi Beta..."
Rishi apni Ankhe dhire dhire kholta hai, Samne sab kuch dhundhla hua hua hai.dhire dhire sab saaf hone lagta hai.
"Mom...." Rishi dhire se bolta hai.