Wedding Hall me,
Yug ko ek girl ke sath dance karte dekh Natasha se raha nahi jata aur wo uth ke Sidha Yug ki taraf jati hai, Aur uss ladki ko Yug se hata ke,
"Excuse me...."
"Ye kiya hai...?, kon ho tum? " Girl
Yug Hairani se dono ko dekh raha hai.
"main...?, Main... Isko janti hun jiske sath tum dance kar rahi ho" Natasha
"Maaf karna... Ab tum jaa sakti ho"Yug Uss ladki se keh kar Natasha ko ek side le jata hai, "Natasha are you okay?, tumne kuch jyda... Drink kar li hai "
"No, I'm ok... I'm fine... Let's dance" Natasha kehti hai
Yug Natasha ko Balcony me le jata hai. Natasha Bahut nashe me hai, Yug Natasha ko ek banch pe betha deta hai.
"Tum bikul bhi hosh me nahi ho... Ye kya haal bana rakha hai apna...." Yug Natasha ko sambhalte huye.
"Maine kya...Kiya...? chalo na dance karte hai, Jese tum uss girl ke sath kar rahe the...mere sath bhi karo" Natasha.
"Kyun...?, tumhare sath kyun karu?" Yug
"kyun ki...." Natasha sochti hai, aur phir kehti hai, "Main tumhe like karti hun....mujhe Bura lagta hai, Jab tum dusri ladkio ke sath haste ho, unse bate karte ho...."
Yug Ye sun ke smile karta hai aur apna mobile se Natasha ki video bnane lagta hai.
"aur batao....Aur kya kya bura lagta hai?"
"Chalo date kare....."Natasha keh kar Yug ke lips pe kiss kar leti hai.
Yug Shocked ho kr wahi freez ho jata hai.
Rest Room me,
waiter door knock karta hai, Ruhan uth ke door open karta hai, waiter ek box Ruhan ko deta hai, Ruhan uss box ko sidha Vani ki aur le kar aa raha hai. Vani kuch samjh nahi pati, Itne Me Ruhan Box ko open karke usme shoe nikalta hai aur Niche beth ke Vani ke per hath me le kr wo shoe pehna deta hai.
"Ye tumhare pero ko aram dege... Ab tum bahar ja sakti ho..." Ruhan shoes pehna ke Vani se kheta hai.
Vani Ka dil Ruhan ko dekh kar zor se dhadakne lagta hai. Vani khud ko sambhalti hai aur khadi hoker Ruhan ke sath wedding hall me wapis jati hai.
"Kaha chale gayi thi tum...?" Vani ki mom Vani se.
"Vani... mere sath thi... " Ruhan kehta hai.
"Are bacche kuch der sath me time bitana chahate the isly... gaye the..." Grandpa Wahan aakar
"Tum dono apni wedding me dance nahi karoge...?, Jao Dono dance karo...." Grandpa Dono se kehte hai.
"Par, mujhe dance nahi ata..." Vani Mayusi se Ruhan ko dekhti hai.
Ruhan Vani ko dekhta hai aur uska hath pakad ke Hall ke bicho bich le jata hai, Sabki nazare aaj ki bride groom pe hoti hai.Ruhan Vani ka ek hath apne sholder pe rakhta hai aur ek hath me apna hath pakdta hai, aur Vani ke kaan ke pas aakar kheta hai.
"Mere pero pr apne per rakh lo... tumhare gown length ki wajha se kisi ko pata nahi chalega..."Ruhan
Vani Thoda soch ke Ruhan ke kahe mutabik uske pero pe pane per rakh leti hai. Aur Ruhan dhire dhire dance karne lagta hai.
Idhar, Yug Natasha ko apni car me betha raha hai, Natasha hosh me nahi hai, Yug apni car ki driving sit pe aake beth jata hai aur, car le kr wedding hall se nikal jata hai.
wedding ceremony khatam ho gai hai. sab guest wapis jaane lage hai, Grandpa aur Vani ki mom Sabko vida kar rahe hai, Grandpa Vani aur Ruhan ke pas aakar apni poket se ek card nikalte hai. aur Ruhan ko dete huye khete hai.
"Ye lo.... Room card.....maine isi hotel me tumhara room book kiya hai...aaj ki raat tum dono yahi rukoge..."
Ruhan gheri saans le kr Chup chap card le leta hai, Vani Ruhan ka face dekhne lagti hai.
"Ab khade kyun ho?,....jao yahan se.... aram karo" Grandpa
Vani ki mom, Vani ko Ruhan ke sath jaane ka ishara karti hai, Vani Apni mom ko dekhti hai aur Ruhan ke piche piche chal deti hai.
Ruhan Card hath me le kar tez chal raha hai,
"dame.... "
"aaj hum ghar nahi jayge?... Hum yahan kyun ruk rahe hai...?" Vani Puchti hai.
"Grandpa... bahut ziddi hai... jo kehte hai... karke mante hai.... ab unhi ki ye zid hai ke hum yahi ruke to ab rukna padhega..."Ruhan Room ka gate open karke
"andar chalo..."
Vani Ruhan kehte hi andar chali jati hai, Room ko dekhte hi Vani ko tez hiccups (Hichaki) aane lagte hai, Ruhan sun ke andar ata hai,
"Kya hua... ?, tumhe hiccups kyun aane lage ?" Ruhan Ye khete hi jese Room ko dhyan se dekhta hai, wo bhi shocked ho jata hai.
Room Pura first night ke hisab se Decorated tha, Bed pe red color ki Night maxi rakhi hai jo dekhne me sexy hai, Red roses, white roses ki decoration, jalti Candles aur bed pe pure room me gire flowers Ki decoration bata rahi thi, ki ye decoration kis Purpose se ki gai hai.
kuch der bad,
"Tum bed pe soh jao... main couch pe soh jaungi..." Vani Ruhan se.
"Inn kapdo me sohogi?" Ruhan
Ruhan ke kehte hi, Ruhan aur Vani ki nazar bed pe rakhi night maxi pe jati hai.
"Nahi bikul nahi, Main yese soh jaungi" Vani ghabrate huye kehti hai.
"Thik hai, Tum bed pe soh jao, Main aram se couch pe soh jaunga... " ye keh kr Ruhan Washroom me chala jata hai.Ruhan washroom me ek bath robe dekhta hai.
"Main inme kese soh paungi?" Vani man me sochti hai.
tabhi Ruhan washroom se bahar aakar, " tum ye pehn sakti ho..." Hath me Bath robe liye khada hai.
Vani bath robe dekhti hai. Aur Ruhan se le kar , "Thank you" keh kar washroom me chali jati hai. Ruhan wahi khada reh jata hai, jese Vani kab se Dress utarne ka bahana dekh rahi thi.
Vani fresh hoker bath robe pehn ke washroom ka door open karti hai, Ki samne Ruhan shirt less khada hai. Ruhan ki Back side hi show ho rahi hai aur wo apne coat , Tshirt ko side me rakh raha hai, Vani ye dekh ke hairan hoker tez se door bandh kr leti hai aur wapis Washroom me chali jati hai.
"Ruhan kiya soch raha hai?" Vani Apne man me kehti hai.
Ruhan door bandh ki awaz sun ke piche murd ke dekhta hai.