Vani Himmt kar ke washroom se Bahar aati hai, Ruhan Ab bhi shirtless hai aur couch pe betha hai. Vani Hichkichate huye Ruhan ke samne aati hai,
"Main inn sabke liye ready nahi hun..."
"Kya???" Ruhan samjh nahi pata.
"Main Aaj ki raat ke liye, ready nahi hu" Vani sharmate ghabrate huye.
Ruhan samjh ke gheri saans leta hai, aur kehta hai, "Jayda Khawab dekhne ki zarurat nahi hai, Main tumhare sath yesa kuch karne wala nahi hun... Hum sirf dunia ke samne Husband wife hai..... Akele me nahi...." Ruhan keh kr chup chap couch pe ankhe bandh kar ke lait jata hai.
Vani Mayush hoker chup chap Bed pe aakar lait jati hai.aur sochti hai ke jab jab Vani ko zarurat padhi hai ya phir Vani Musibat me phasi hai Shuru se Ruhan ne uska sath diya hai.
"Jab kuch hai hi nahi, Phir kyun... humesha mere liye khade rahe ho...?, Shayad ye tumhari acchai hai... jise maine kuch aur samajh liya..." Vani Man me keh kr Ankhe bandh kar ke soh jati hai.
Late night Yug Apni Car se Natasha ko le kr Ja raha hai, Natasha nashe me hai.
"Hello... Kaha hai tumhara ghar, Atleast apna address batao, tumhe kaha drop karu?" Yug kehta hai.
"Hahahaha....Mera ghar...?, Pata nahi... mera ghar kidhar hai..." Natasha nashe me bolti hai.
"Ye to puri talli hai..." Yug keh kr apni car Ek road pe mord leta hai.
Kuch der bad Car Yug ke ghar aake rukti hai, Yug Car se utar ke Natasha ko car se utar ke use sambhalta hua Apne ghar ke andar le jata hai. aur Couch pe betha deta hai.
"Bahut bhari hai.... pata nahi kya khati hai...." Yug ye keh kr uski nazar Natasha ke lips ko dekhne lagti hai, Aur Wedding hall ka kiss incident yad aane lagta hai.
Itne me Natasha, Behoshi me bolti hai, "Pani.... Pani.... mujhe pyaas lagi hai... "
"acha acha ruko.... abhi lata hun...."" Yug keh kr pani lene chala jata hai.
Natasha Behoshi me apni dress ki Lace sleeves ko niche kar ke dress utarne lagi hai, Yug Pani ka glass hath me laa hi raha hai, Natasha ko yesa karta dekh Jaldi se bhag kar aata hai aur Natasha ke dono hath pakad ke dress utarne se rok deta hai.
"Kya kar rahe ho....?" Natasha
"Tum kya kar rahi ho....?"Yug Shocked hoker.
"Garmi lag rahi hai, Chodo mujhe..." Natasha
"AC on hai... temperature bikul perfect hai, koi garmi nahi hai ok....lo pani pio"Yug tension me
Natasha sun ke chup chap pani piti hai, Yug Natasha ko Pani pite dekh raha hai. aur achanak se nazar hatata hai. Natasha pani pee ke Chup chap Couch pe lait jati hai aur wahi soh jati hai, Yug Use dekhta hai, smile karta hai, Phir Natasha ko apni goudh me le kr Room me le jata hai.
Adhi Raat,
Ruhan Ko pyaas lagti hai, Uth ke nind me apne aas pas Dekhta hai, pani ka jug Bed ki table ke pas rakha hai, Ruhan uth ke Bed pe beth ke pani peeta hai aur Nind me wahi bed pe lait ke soh jata hai. Vani bhi usi bed pe dusri aur muh kar ke soh rahi hai.
kuch ghante baad, Vani ka face Ruhan ki aur ho jata hai, Ruhan Ka face Vani ki aur hai, thodi der bad Ruhan Vani ko apni baho me le kr hug kar ke soh raha hai, Dono behoshi bekhayali me ek dusre ke sath soh rahe hai.
Morning, Yug ka ghar,
Natasha aur Yug ek hi bed pe laite huye hai, Tabhi Natasha ki ankh khulti hai, Aur wo dhundhali ankho ko saaf karte huye, Bed pe beth ke Choti si angdai leti hai, tabhi uski nazar apne kapdo pe jati hai, Uski dress ki jagha usne Ek white tshirt pehn rakhi hai. jab uski nazar apne pas soh rahe Yug pe jati hai,
"Ahhhhhhhhhhhhhhhh..."Natasha ye dekh ke zor se chillati hai.
Natasha ki awaz sun ke Yug uth jata hai, jese yug bed pe bethta hai, Natasha Yug ko Laat mar ke bed se gira deti hai.
"Aah... Are you Mad...." Yug Niche se uth ke.
Natasha khud ko blanket se dhak leti hai.
"tumhari himmat kese hui, mujhe... bina meri permission ke chuhne ki.... " Natasha.
"Kya bole ja rahi ho....?, maine tumhe nahi chuha hai... balki tum ulta mera rape karne ko tayar thi... Badhi mushkil se tumhe roka hai..." Yug dard se apni kamar ko pakde .
"Kya...Kya matlab hai tumhara...?" Natasha shocked hoker.
"tumhe kuch bhi yaad nahi?" Yug hairani se.
"Nahi...."Natasha
"Jab ye haal hai to itna kyun peeti ho... Agar meri jagha koi aur hota to tumhara kiya hota?" Yug gussa karte huye, Yug Bed pe ek side beth jata hai, Aur Natasha ko raat ke incident ke bare me btata hai.
**Late last night, **
Yug Natasha ko room me laa kar bed pe laita hi raha hai ke Natasha ne use zor se pakad liya hai, Yug ye dekh ke Natasha ko hatane ki kosis kr rha hai, itne me Natasha Yug ko kiss kar leti hai, Yug Ankhe Badhi kar ke Natasha ko dekhne lagta hai, jese tese kar ke Yug Natasha se dur hota hai, Tabhi Natasha Phir se apni dress remove karne lagti hai,
"Ye ladki bahut badhi musibat hai, Oye... ruk..."
Yug keh kr use rokta hai pr jab tak Natasha apni dress utar chuki hai. bas Inner wear reh jate hai.Yug Natasha ke figure ko dekhta reh jata hai, ek dum slim beautiful fair white body. Yug khud ko control karta hai, aur ek thappad khud ke marta hai.
"Ye kya kar raha hai, Yug... sambhal khud ko..."
Ye keh kr apne cupboard me se White t-shirt nikal ke Yug jese tese kar ke Natasha ko t-shirt pehna deta hai.
Aur thak haar ke Usi bed pe lait jata hai,
"Haye ye ladki.... main aaj bahut thak gaya hun...."yug keh kr uski ankh kab lag jati hai use pata nahi chalta.
**Present time**
Yug sab bata ke apne mobile ko table se utha ke Natasha ki wedding hall me banai video play karta hai
"ye dekho mere pas saboot hai"
Natasha sab sun ke aur mobile me khud ki Nashe wali video dekh ke shocked ho jati hai. aur sharam se Apna muh blanket me chupa leti hai.
"Ye maine kya kiya....?"
Yug smile karta hai. aur Natasha ka hath pakdta hai. Natasha uski taraf Dhire se nazar utha ke dekhti hai.
"Tumne Nashe me mujhse pucha tha, Lekin me tumse hosh me puch raha hun.... Chalo date karte hai..." Yug smile kar ke
Natasha sharma jati hai smile kar ke aur, Sharam se Muh niche kar leti hai,
"Tum sharma rahi ho...?, Kal kya hua tha... tumne mujhe 2 bar kiss ki... ". Yug
"You....." Natasha gusse me pillow phek ke marti hai,
Yug Natasha ki neck ko piche se pakad ke apni aur khich ke kiss kar leta hai. Dono ek dusre me kho jate hai.