#Bujang_Berani_Kempang
#Ensera_John_Enggau_Anak_Jagu
Tajuk;"Dendam Bujang Berani" ( Nyidi)
Dikarang:#John_Jovi
Diseruri; John jovi
Tusun Ke 4
Apuuuuuu..!!! pia ku bala maguh ngapu meda bangkai siku ari siku apai tua ke baru udah dipantap musuh pala. sida ke ngempu bangkai lalu nyabak. sida kebukai nyabak ngenang anak, apai indai sida ke udah mati dibunuh musuh.
Mayang enggau ungkap duduk tisi pun pisang.labuh aimata ungkap ngenang diri nadai anak agi. Rumah ga nadai. Mayang nadai ati agi nama utai deka digaga iya, ungkap lalu angkat megai duku ilang ke tangkin ungkap tiap ari.dia dia ungkap lalu nyida terus nebang pun pisang alai iya mangtup ke pemedis ati iya meda diri diperinsa bala musuh bakanya.
Teba iya kiba, teba iya kanan pun pisang abis tumbang ditebang ungkap.meda ungkap tak bakanya dia dih apai tuai siku lalu merak ungkap.
Ungkap..!!
Nama ral nuan ngeransi bakanya,pun pisang nya ukai alai endur nuan nyida mantup ke ati pedis nya. Ukai dia endur kitai mantup ke ati aram kitai sama besukung,besaup kitai betulung ngambi utai tau nyadi lempung. Begulai sejalai kitai ngambi utai tau nyadi likun.
lemai tu kitai nadai ulih diau ba temawai lama kitai ditu nyadi kitai sama bela pulai kelangkau umai kediri empu tinduk diau ba langkau umai. Pagi ila kitai nurun kitu baru ngadu ke temawai kitai dulu.
Baru kitai berunding nguin ngiga runding siku-siku kitai, bakani jalai kitai udah tu?? patut kitai bebalas ke pemati bala apai indai aya ibu enggau bala anak kitai ke udah parai dibunuh musuh?? ila kitai ke utai bukai.
Kitai ngintu ngira diri kitai sebala keagi idup diatu. Anang ngeransi beguai deka nyida dulu. Kitai nyidi sapa bagi orang kedatai ngayau ngagai menua kitai kitu. aram kitai surai dulu pulai ke langkau umai dulu. pagi ila kita tumu kitu ngadu ke utai ditu.
Semua bala nadai mayuh jaku ninga siku orang tuai sida serumah bejaku ngempung bala rayat sida kebedau idup kedia. mupuk mih sida serumah mulai kediri ke langkau umai diri empu.
semina Ungkap enggau bini iya aja kebedau tinggal ba temawai dia,ari pan udah serepan ungkap ngaga langkau dunjuk nganti ari kepagi. Ni utai kebisi ba temawai dia mih utai dikena ungkap ngebap langkau seduai iya mayang. Tembuk ngaga langkau Ungkap enggau mayang duduk ba langkau dunjuk.
Seduai iya berandau ngenang anak bala madi,apai indai ke udah nadai. ari pan enyau malam sanggup seduai iya tinduk ngenat keperut lapar laban ketusah ati ngenang pemerinsa diri ditinggal ke bala ya ke udah nadai.
semalam-malam seduai berandau bejaku kediri laban mata enyau nganttuk amat ungkap lalu lelap,mayang agi pejam encelak mata deka pejam ninduk kediri. Bedau entu bengar iga tudah Ungkap ke mejam kemata iya.
Dia ungkap ngambi anak iya mimpi, Dalam mimpi ungkap anak iya minta tulung apai iya ungkap. Tang mih ungkap nadai daya laban api kelalu mau amat kemakai rumah sida iya.
Meda bakanya ungkap minta tulung orang tang nadai siku orang kebisi ba rumah dia. enyau kepuas ungkap minta tulung datai siku apai tuai orang sida serumah nempik belakang ungkap lalu terus bejaku enggau ungkap
Ungkap!!! nadai guna nuan minta tulung kitai serumah agi. semua bala kebisi ba rumah panjai kitai abis mati dibunuh bala musuh. Rumah panjai kitai pan abis diempa api. Anak nuan aja enda mati dibunuh musuh tang mih ank nuan mati didempa api kelalu bendar ngelalai kediri ba gulung tikai kita.
Musuh ke datai ngayau kemenua kitai ya nya bala iban tunga ke sepiak kin. sigi musuh kitai iban ari kelia munya. Anti tubuh kita kebedau idup anang nguji deka bebalas padah kebala kitai ungkap. Laban bisi siku tunga menua dedin lelaki kering benama Balie. Balie tu siku mensia ti nemu bebali nyadi jelu enti kitai deka mantap munuh iya dia balie nemu nyadi bemacam utai.
Enti nuan deka nemu bakani cara munuh Balie, Uji nuan ungkap nuju tinting Bukit Kelingkang tengah menua jalai Serian,Bau ke Lundu.datai nuan dedin palik nuan ke kanan dia nuan bisi meda terusur Ai ari Bukit Kelingkang dia nuan bisi meda bungai beselang tujuh chura.Bungai nya dsebut orang "Bungai Tanduh"
Bungai Tanduh kebendar tumbuh ba sebelah pun kayu besai tang bungai tanduh ke bechura beselang tujuh arena tu nadai kala kitai meda. Bungai tanduh nya asal utai ditanam sida Kumang ke kelaie pemandi sida kumang nya alai kitai nadai meda. Bungai Tanduh bechura tujuh arena.
Enti nuan teambi kebungai nya ila ungkap,bungai nya digusuk nuan lalu disapu kenuan ngagai mua nuan dulu maya nuan datai ba menua musuh. sebedau nuan mansang bepantap enggau musuh dia nuan tepeda keorang nulung Balie tau ngasuh Balie nemu lesap nyadi utai ngapa.iya nya mih dikumbai orang antu kamba
Sebedau nuan deka munuh Balie, nuan munuh antu kamba ke nulung Balie.baru nuan nyerang Balie.udah Balie mati baru nuan tau munuh bala rayat iya. nya baru nuan digelar bujang berani kempang sanggup begadai nyawa bebalas dendam ngagai bansa diri empu.
Emmm..! kira ke nangka tu aja randau tua Ungkap, mupuk aku umbas nuan tinduk ungkap dani nuan ari mimpi nuan. sereta apai tuai nya bejaku munyi nya iya pan lalu nadai dipeda ungkap agi.
ungkap pan lalu rerigau ngiga iya sampai ke ungkap tedani ari mimpi ngiga apai tuai kebejaku tadi. Dani ungkap ari mimpi iya lalu duduk dedugau nisi bini iya ketinduk.
Begadai-gadai ungkap nilik bini iya ke benung tinduk.laban dalam ati ungkap deka mupuk mayang bejalai ngagai tinting Bukit Kelingkang ke dipadah apai sida "Depa" dalam mimpi ungkap.
Ari udah ga pagi tang mina ari bedau kerebak tawas, mata ungkap enggai ga tetinduk udah ke dani laban mimpi iya tadi. Ungkap majak nilik mayang ke tinduk, ka ngerak mayang sinu ga ungkap meda mayang udah lelak gawa dumai kemari
Galik aja mih ungkap nisi bini iya mayang. Mata enggai ga lelap baru berunding Ungkap bakani mih deka ngepun ke pengidup baru udah rumah nadai agi.Anak udah ga lesi bebadi, nesal ati ungkap ningal keanak iya enggau ipar dirumah enti nemu musuh deka datai nganyau ke menua sida.
Puas Ungkap berunding kediri,ari pan mupuk kerebak tawas. Ungkap mupuk ngerak bini iya mayang. Ninga ungkap kenama mayang.dia mayang lalu angkat.
Betampung ba tusun ke 5
08/03/2020
Jam o4 pagi
Ditulis; John Jovi..(Menantu Apai)💕