#Bujang_Berani_Kempang
#Ensera_John_Enggau_Anak_jagu
Dendam Bujang Berani "Nyidi"
Dikarang; John Jovi
Seruri; John Jovi
28/06/2020
Jam;5..00 lemai
Tusun10
Ni urang ka ngempu uduk nya nadai dipeda, kini penunga urang ka ngepu uduk nya. Nyawa bunyi uduk baka mayuh nemu nya siku aja, kumbai aku te mayuh uduk tu tadi. Agi pan nyawa mula di dinga baka ka semak datai aku ditu, bunyi nu jauh sejauh sekali meda sama enggau aku ditu. Ka parai dih dayah ka antu.
Pia ku ungkap bejaku dalam ati diri. Bulan enyau geganjar terang manchar ke tanah nu baka ka siang ari. Ungkap mupuk ngangkat ka diri bejalai belubah lubah nuju pun kayu tebelian ke besai amai manah mih ga endur ungkap belalai laban bisi bandir kayu siti ka besai amai semak enggau pun tebelian.
Dia mih ungkap belalai laban deka merati ka uduk antu nya tadi. Ungkap ka nemu ni bagi jelu ka ngempu uduk nya. Kira bisi setengah jam tudah ungkap duduk ba bandir kayu alai endur ungkap belalai. Datai siku antu gerasi,tubuh besai sereta tinggi. Udah ga bebulu enda temu tunga. Antu nya bisi ngesan siku babi ulih iya ngasu dia dih antu gerasi nya lalu duduk enggau uduk dia.
Apuuu..! Antu gerasi nama mih tu. Pia ku ati ungkap, antu nya duduk melakang ka ungkap ke duduk ba bandir kayu. Antu nya lalu ngeleka ka kayu iya ba tisi endur ka duduk.
Mula ungkap meda tadi,utai ka dibai antu gerasi nya baka bebabi.sekali benung antu ka merutik perut babi nya, dia dih ungkap meda nya siku mensia. Ke dibai antu gerasi nya tadi. Meda utai bakanya dia dih ungkap lalu ngambi sangkuh iya tadi lalu ditikau ke ungkap ari belakang.
Nama agi sangkuh ka ditikau ka ungkap cun sentang ketapi antu gerasi. Nyepi utai te' bangat pedis antu gerasi lalu nyerauh.
Aakaaiiiiiiii..! Apuu, nama utai tu bangat ngemedis nya ketapi aku.tu.
Dipalawik ke lengan sepiak enda ga datai ba senentang abi sangkuh ka lacup. Di camai iya baru ngena jari sepiak ka enda pedis agi ga enda datai dicapai iya. Nyepi utai bangat enda ulih jari iya nyapai dia dih antu gerasi nya ngasuh uduk nya oya meda nama utai ka ngetup ketapi iya ngemedis nya.
Uduk antu gerasi nya baka ke nemu jaku, iya lalu enyau malik kebelakang urang ngempu iya nya. Dipeda uduk nya utai dia nadai ga dipeda iya. Uduk antu nya nadai meda utai dia dih uduk antu nya lalu terus nilat sentang ka ditunjuk iya empu.
Lapa ga nuan canui bangat enda meda amat utai ka ngetup belakang aku dia. Enyau asai ka luput aku laban utai tu. Mati nyawa aku laban pemedis ketapi tu. Anang- anang ketapi aku tu pansa utai tadi. Enda ulih tu canui, pandak asai seput aku tu. Manah tua pulai aja..nibuh dibela babi nya, bai pia aja. Din urang ngintu mela datai ba rumah.
Pia ku antu gerasi nya bejaku enggau uduk iya nya tadi. Ka tudah antu gerasi nya ningal ka bangkai babi ke ulih iya ngasu tadi.sayau ga utai udah ulih pia ku ati antu gerasi nya. Enggau merinsa mih tudah antu gerasi nya mai babi ka ulih iya. Begadai gadai tudah bejalai ngiring diri.
Enyau cecanguk tudah antu nya ngetat ka pemedis diri, nyingkang bejalai belubah lubah ngetat ka mata udah pawat ka luput laban kelalu pedis diasai ka iya. Baru nyingkang 5 singkang ka mupuk pulai dia dih antu gerasi nya lalu tumbang luput.
Sekali dinga utai lalu merentum utai bebunyi nangka ya penyarih. Puuu..! Nama utai tu, benung ungkap ka nguing mulai kediri sekali palik ungkap ba kebelakang peda antu gerasi nya tumbang lelakak.
**"Nih" lapa dih nemu ga nya mati kena sangkuh aku, kumbai aku enda nemu mati tadi peda tak mit amat sangkuh aku ba tubuh iya. Nu bebaka batang macis, sangkuh aku nya tadi datai ba belakang iya.legi mih aku nguji semak antu gerasi nya. Mati ka enda iya ngambi nemu.,enda pia ka mih sida munuh anak mensia.
Eeahh..! Ungkap lalu enkecit ari bandir kayu terus belanda mansang ngagai antu gerasi kebenung luput gegaring ba tanah. Datai ungkap ba antu gerasi dia, ungkap lalu apuu..
Apuuuu..! Amat besai dih tubuh antu gerasi tu.amat te" empai kala umur aku meda antu gerasi. Tu mih ke terubah ya aku meda antu. Tu mih penama ya antu gerasi munyi ku sebut urang tuai. Ditiki ungkap tubuh antu gerasi nya. Abis tubuh tudah antu gerasi nya endur ungkap bejalai.
Kepuas ungkap bekulu kili niti tubuh antu gerasi nya,dia dih ungkap ditemu uduk antu bau. Uduk antu gerasi ensium bau jelu ba tubuh antu gerasi dia tang mih uduk nya nadai meda utai ba tubuh antu gerasi tadi.
Meda nadai dipeda utai ba tubuh antu gerasi dia dih unduk nya nyalak ngerak urang ka ngempu iya ka benung gegaring luput laban kena sangkuh ungkap tadi.
Isshh..!! Pintar amat uduk nya dih, mereti amat nemu kasih ke iya empu. Enti bakanya uduk kitai mensia nya baru ya. Dasuh urang nganu uduk bakanya enggai mih aku. Uduk cukup meretie nemu ninga jaku kitai.
Meda pia ungkap ngayan kediri lalu bediri atas dada antu gerasi nya. Uduk ensium bau tubuh ungkap baru. Sesalat mih tudah uduk nya nyala ba mua urang ka ngempu iya tang uduk nya lalu bedau meda ungkap bediri dedegi atas antu gerasi nya.
Sekali te" nguing uduk nya gai ungkap dia dih uduk nya ensium balat amai bau mensia enda memukai ungkap terus nigi ka jari iya lalu ngepai ngangau ka uduk nya ngambi uduk nya meda iya kenu ku ati ungkap tang mih uduk nya lalu enda tepeda ka ungkap.
Meda ungkap enda tepeda ninga ungkap ngagau dia dih ungkap ngambi daun idup enggau dan- Dan kayu bai ungkap ngagai antu gerasi kebenung gegaring ba tanah. Niki ungkap mai dan kayu enggau dedaun sekali agai dada antu kena ungkap ngepai uduk anru nya ngambi ka ulih meda ungkap ka bediri ngepai tudah uduk anang aja uduk nya meda ungkap lalu ngerinyik meda ungkap ka benung bediri ngepai ba atas dada antu gerasi tadi.
Besambung ba tusun ke 11