Hindi ko na alam ang gagawin, naramdaman ko ang pagkirot ng tiyan ko dahil sa biglaang pagsipa ni Alice.
"hush baby," hinimas ko 'to upang pakalmahin.
"akala niyo ba makakatakas pa kayo?" nagulat ako at halos mapako na ang paa ko sa lupa dahil sa lakas ng boses ni Mildred. Ang mga enchanter ay ganoon din, tila bakas sa kanilang mukha ang hindi makapaniwala dahil ang isa sa pinaka pinagkakatiwalaan dito sa academy ay siya rin palang magtatraydor.
"isa.. Kang.. Traydor!" bumaling ang tingin ko sa sumigaw at napagtanto kong si president Lynea ito na duguan ngayon habang nakahiga, ang akala ko'y may lakas pa siya tumayo pero nakita ng sarili kong mata ang onti unting pagbigay ng kaniyang mga kamay at kasabay ng pagpikit ng kaniyang mga mata.
Narinig ko ang boses ni Mildred na umalingawngaw ngayon sa buong academy. Ang mga ibong magic stealer ay isa isang nagsibabaan at nanlaki ako sa aking nakita, ganoon din si ate Felicia. Ang mga magic stealer ay naging anyong tao, ang mga damit nila'y kulay itim at ang labi ay puno ng mga dugo.
"Tess, tara!" agad akong hinili ni ate papasok banda sa canteen upang magtago. Nakita ko ang mga ngisi sa labi ng mga demonyong hindi ko malaman sapagkat tila ito'y tuwang tuwa pa sa mga nangyayari ngayon dahil nag aagaw buhay ang mga tao sa paligid.
Bigla akong napapikit dahil sa kidlat na dumaan sa kalangitan at kasabay ang malakas na pagkulog. Hindi ko namalayan na may luha ng tumulo sa aking mga mata. Habang ako'y nakatingin patuloy na tumutulo ang aking mga luha habang ang paligid ay nababalot ng kadiliman.
Nag aagaw ang kahel at kadiliman ng langit. Ang takot na aking nadarama ay tila ang gabing walang bahid na kahit anong liwanag.
"ano 'yon?" ani ni ate Felicia kaya napabaling ako sa kung saan siya nakatingin.
Nang makita ko 'to ay alam ko na kung kanino galing ang isang bagay na malakas hinahangin. Kay Alejandro. Ang mahika niyang wind manipulator ay pinapagana niya ngayon upang maibsan ang dilim na bumabalot ngayon sa paligid ngunit bagamat masyadong malakas ang mga kalaban.
Ngunit agad ding naudlot ang titig ko ng may liwanag akong nakita sa gilid. Nanlaki ang mata ni ate Felicia dahil sa oras na 'yon ay napagtanto naming kay Emman ang mahikang 'yon. Lalabas na sana siya para lapitan ang asawa ng bigla ko itong pigilan.
"gusto mo bang mapahamak? Kasama anak mo?!" sigaw ko dito.
"si Emman!" alam ko, naiintindihan ko kung nagpapanic siya pero sa gagawin niyang 'to ay panganib ang dala sa bata.
"ang anak mo! Akala mo matutuwa si Emman sa gagawin mo?" tanong ko dito. Binitawan ko ang kaniyang braso ng nakita kong kumalma na siya at huminga ng malalim.
Ang apoy na namuo sa palad ni Emman at ang hangin na binuo ni Alejandro, ngayon ay naghahari na dito sa academy. Ang apoy na lumalagablab sa buong katawan ni Emman ay lalong pinapalakas ni Alejandro kung kaya't ang kanilang mahika ay nagsanib pwersa.
Ang academy ay pinapalibutan ng apoy at kung hindi pa kami humawak ni ate Felicia ay kanina pa kami tinangay dahil sa sobrang lakas ng hangin na iginawad ni Alejandro.
Ang iilang magic stealer bumalik sa pagiging ibon dahil sa ginawa nila Alejandro.
Ang mga estudyante sa academy ay nawalan ng malay ngunit ang iilan ay nakasilong katulad namin ni ate Felicia.
"kailangan natin silang tulungan," wika ko.
"Tess! Ikaw na ang nagsabing makakasama sa anak natin!" nagulat ako sa pag sigaw ni ate.
"masyado kayong matapang na dalawa kaya paboritong paborito kayo ni Lynea," sumulpot sa gitna si Mildred na may dala dalang pugot na ulo. Agad nanlaki ang mata ko, kaninong ulo 'yon?
"Lynea!" sigaw ni Alejandro.
"traydor!" ani ni Emman.
"pawang estudyante lamang kayo rumespeto naman kayo sa guro niyong nagturo sa inyo kung bakit naging malakas kayo sa paggamit ng mahika," hindi pa rin nawawala ang ngisi ni Mildred sa kaniyang labi ng may biglang lumabas na pakpak sa kaniyang likod.
"ba..bakit?" nahimigan ko ang boses ni Alejandro, marahil ito'y gulat din.
"bobo!" sigaw ni Mildred at patawa tawa na lang habang sumasayaw. Sa pagtagal ng tingin ko kay Mildred nagsalita ang katabi ko.
"naalala ko ang sabi ni Mildred sa atin noong may ensayo. Ang sino man magtatraydor at tutulungan ang magic stealer, o magbabalak magnakaw sa kwintas ay magiging pain ng mga magic stealer ito. Gagamitin nila ang taong 'yon para mapagtagumpayan ang pagkuha ng kwintas," ani ate Felicia. Huminga muna siya ng malalim bago magpatuloy sa pagsasalita.
"marahil ginamit siya ng magic stealer dahil sa pagnanasa niya sa kwintas kaya't naging ganyan siya," kibit balikat na sabi ni ate.
Nang matapos siyang magsalita binalik ko ang tingin kila Emman. Laking gulat ko na naglalaban na pala ang iilang magic stealer at ang mga estudyante.
Pinapaikot ni Alejandro ang kaniyang kamay sa paligid upang magkaroon lalo ng pwersa sa hangin na kaniyang iginagawad. Si Emman ay may isang napatumba na magic stealer dahil sa biglaang pagsugod neto habang may apoy sa buong katawan ni Emman.
"Alejandro," nagulat ako sa pangalang tumawag sa aking asawa. Sabay sabay kaming napatingin dito. Laking gulat ko ng ito'y si Mildred, paiba iba ang mukha niya habang tumatagilid ang ulo. Ngunit ang huling mukha ang lalo kong kinagulat, ang nanay ni Alejandro.
"anak," lumapit ang nanay ni Alejandro sa kaniya at hinawakan ang magkabilaang pisngi neto. Agad sumilay ang luhang kanina pa nagbabadyang tumulo.
Napansin ko agad ang kamay ng nanay niya na may kukuhanin sa likod neto at nanlaki ang mata ko sa nakita, espada.. Isang espadang mahaba ang nilabas at agad itinusok sa tiyan ni Alejandro. Hindi pa rin agad pumasok sa isip ko ang nangyayari.
"Alejandro!" sigaw ko at akmang tatakbo na palapit sa asawa ko ng pigilan ako ni ate at nakita kong umiiyak na lang siya tila walang magawa dahil sa parehas na lagay namin.
"Alejandro!" ani Emman. Tinigil niya ang kaniyang mahikang apoy na pumapalibot sa kaniyang katawan at akmang lalapitan niya ang kaniyang kaibigan ng biglang sinugod siya ng mga magic stealer na nakapalibot sa kaniya.
Agad siyang inatake ng mga 'to gamit ang itim na usok na lumalabas sa katawan neto at ang mga matutulis na kuko ay pinagkakalmot kay Emman. Hindi ko na napigilan ang paghagulgol, tiningnan ko si ate na ngayon ay tahimik na nakatingin sa asawa niya habang nakatakip ang bibig gamit ang palad.
Sa puntong 'yon alam ko na nahihirapan si ate, sa bawat paghinga niya ng malalim dahil sa nakita niya ang asawang onti unting nawawalan ng buhay. Parehas kaming walang magawa dahil sa oras na gamitin namin ang mahika namin.. Hindi lang kami, kundi pati ang nabuong buhay dahil sa pagmamahalan namin ni Alejandro at nila ate at Emman ay mawawala dahil sa kapabayaan namin.
"baby.." hagulgol ko habang hawak hawak ang aking tiyan at pinagmamasdan ang walang malay na si Alejandro.
Si Emman ay onti unting nawalan ng lakas at napaluhod hanggang dumapa na at naliligo na sa kaniyang sariling dugo.
"Tess.. Mamamatay ata ako dahil sa nangyari," ani ate Felicia. Sa puntong 'yon hindi ko na rin alam ang gagawin.
Napansin ko ang pagliwanag ng paligid.. Onti unting nawala ang mga usok na nakapaligid at may liwanag na lumabas mula kila Alejandro at Emman. Ang magic charm.
Ang magic charm ay nagtabi habang ito ay nababalutan ng liwanag at nagulat ako sa huling nakita. Ang sumunod na nangyari ay lumitaw ang pangalan ni Alejandro at Emman, sa huli naman ay ang pangalan ng anak ko at ang pangalan ng anak nina ate Felicia na si Rose.
Ang magic charm ay malaking bahagi ng pagkatao naming mga enchanter, ito ang nagsisilbing proteksyon ng bawat isa upang hindi pasukin ng kalaban ang academy. Nagmula ito sa ninuno namin hanggang, matagal nilihim ang ganitong bagay dahil sa oras mawala ito, 'yon na din ang kapahamakan na nagaabang sa amin at ang pagkawala ng aming mga mahika.
Sa hindi inaasahang pangyayari, dahil sa pagtatraydor ng isang enchanter at dahil sa pagiging sakim sa kapangyarihan, ang lahat ng 'to ay nangyari dahil sa isang pagtalikod sa tungkulin at pansariling interes lamang.
"Alejandro..." bulong ko sa aking sarili dahil wala man lang akong nagawa para mabuhay siya.