Flashback
Noong una ko pa lang na makita si Cholo, alam ko nang alangan kami sa isa't isa. Nakakalula ang yaman ng pamilya nito. Mayamang negosyanteng Amerikano ang tatay nito na siyang nanguna sa shipbuilding industry sa bansa. Ang mama naman nito ay anak ng isang kilalang mall owner sa siyudad.
Kung ikokompara sa kanilang hawak na impluwensiya at yaman, para lang akong putik na dumikit sa gilid ng kanilang sapatos. Isang hamak na magsasaka ang tatay ko na nang ma-stroke ay tuluyan nang nawalan nang ganang mabuhay. Ilang beses ko na siyang nahuling sinubukang kitilin ang buhay nito kaya kinailangan kong patigilin ang kapatid sa part-time job nito sa karinderya para may magbantay kay papa.
Wala na akong balita sa ina ko na ayon sa mga kwento ni papa ay nagmamadaling naglakad palayo nang mailagay na niya ako sa mga bisig ng ama. May nag-offer daw na agent dito para maging entertainer sa Japan kaya nagkukumahog itong iwan ako kahit na mag-a-anim na buwan pa lang ako noon.
Napakahirap ng buhay para sa amin pero kakayanin ko para sa aming pamilya. Gagawin ko ang lahat kahit na patulan ang alok ni Missy na ibenta ang sarili ko sa taong ngayon ay matiim na nakatitig sa akin mula sa kamang kinauupuan nito.
Napalunok ako at pinilit ang sariling wag mag-iwas ng tingin. Kailangan kong magtapang-tapangan kahit na nga ba hindi maikakaila ang panginginig ng mga tuhod ko.
Itinulak ko pabukas ang pinto ng banyo habang mahigpit ang pagkakakapit ko sa tali ng bathrobe. Basa pa ang buhok ko sa loob ng tuwalya na inilagay ko sa ulo.
"Good evening sir," bati ko rito sa pigil na boses. Humakbang ako patungo sa kama at umupo sa paanan nito. Hindi ito tumugon nang pagbati. Hindi niya ako hinihiwalayan ng tingin kaya ako na ang nag-iwas. Hindi ko kayang salubungin ang animo nanunuot na tingin nito na parang hinahalukay ang buong pagkatao ko.
Ilang sandali pang tanging ang ingay lang nang paglunok nito sa hawak na baso ang maririnig sa malamig na suite na iyon na nasa isang mamahaling hotel. Isang buwang allowance na ng kapatid ko ang bayad sa isang gabing pananatili rito. Si Missy mismo ang naghatid sa akin dito para mag-check in. Binilinan niya rin akong hintayin ang magiging customer ko.
Handa na ako sa kung sinong matanda na makakasama ko sa gabing ito kaya laking gulat ko nang makita ang binatang tinatangi na nakaupo sa kama at mukhang kanina pa ako hinihintay.
Tila nababato-balaning tinitigan ko si Cholo na sandaling tumayo at nagpunta sa mini fridge para kumuha nang maiinom.
Pinag-aralan ko ang itsura nito dahil baka ito na ang huling pagkakataon na makikita ko siya sa ganito ka-up close na paraan. Matangkad si Cholo, medyo payat kaysa sa kaibigan nitong si Maverick Fuentebella pero mas gusto ko siya sa ganitong katawan. Wavy ang hanggang balikat na maitim na buhok nito, abuhin ang mata na namana nito sa ama, pangahan, at napakatangos ng ilong nito. Mahihiya ang kapiranggot na piraso ng ilong ko na sinasabi nilang cute raw at bagay sa malapusong hugis ng mukha ko.
Mamula-mula ang kutis nito na halatang laking-aircon. Nakasimpleng cotton pants at black t-shirt lang ito pero mukha pa rin itong mamahalin. Siguro dahil may something sa pagdadala nito ng sarili. May awtoridad kung paano ito kumilos at magsalita.
Nasaksihan ko iyon noong isa ako sa mga catering staff na nag-asikaso sa party ng mama nito. Nakita ko si Cholo noon, napakaguwapo sa suot na suit at bow and tie habang nakikisalamuha sa mga bisita sa magarbong lawn ng mansion nila.
Simula noon ay sinasadya ko nang dumaan sa harap ng university nito para magbakasakaling masilayan ang binata kahit ilang segundo lang.
Mula pa noon, hinahangaan ko na siya dahilan para magkaroon ito ng espesyal na lugar sa puso ko. Kaya naman laking panghihinayang at hiya ang nararamdaman ko ngayon dahil makikilala niya ako sa ganitong paraan.
Isang desperadang babae na kailangang ibenta ang sarili para mailigtas ang kapatid na nasa kulungan. Sa naisip ay muling bumalik ang bigat sa dibdib ko pagkaalala sa miserableng buhay na kinasasadlakan.
"What do you want?" untag nito sa pananahimik ko at bahagya akong tiningnan.
Saglit na hindi ako nakasagot. Tumaas ang mga balahibo ko sa katawan pagkarinig sa malamig at buung-buong boses nito.
"T-tubig," nauutal kong sagot.
Nakita kong kumuha ito nang maliit na bottled water at isinara ang ref gamit ang paa. Bumalik ito sa kama at iniabot sa akin ang tubig bago hinila ang isang silya at umupo rito. Itinaas nito ang mga paa sa kama katabi ko saka nilagok ang energy drink na hawak. Napalunok ako nang hindi niya inihihiwalay ang tingin sa akin sa buong durasyon.
Animo pinangangapusan ng hininga na uminom ako ng tubig.
"So how long have you been doing this?"
Napalipad pabalik sa lalaki ang tingin ko sa tanong nito.
"Ha?" Naguguluhan kong tanong.
Tumawa ito nang sarkastiko. "Don't act coy with me, lady. You seemed to be a pro in this industry. You look so calm and collected. So? Three years? Five years? How many man have you bedded already? Fifty? A hundred?"
Natitilihan ako sa mga pinagsasabi nito kaya hindi ako nakapagsalita. Tila nalulon ko ang dila dahil wala akong maapuhap na sagot.
Napagkamalan pa yata niya akong puta. Pero hindi ba ganoon ka na rin? Sabi ng utak ko. Ibinebenta mo ang sarili mo kaya puta ka na rin.
Nahindik ako sa mga naisip pero pilit ko itong nilulon. Totoo naman kasi.
"Cat got your tongue, bitch?" Sabi nito sa tinig na puno nang pagkasuklam.
Napapitlag ako sa sinabi nito hindi lang dahil sa masakit na salita na itinawag nito sa akin kundi sa tono na kalakip ng boses nito. Nahimigan ko ang galit, pandidiri, at panghuhusga rito.
Nagtaas ako ng tingin kay Cholo na nagbabaga ang mata sa poot at pangungutya.
"Malinis ako. Kung gusto mong makita ang health car—"
"I know you're physically clean but are you morally clean?"
"H-hindi kita maintindihan. Ano ba ang pinagsasabi mo? Maaari mo bang klaruhin sa akin?"
Ngumiti ito nang nakakaloko. "Ah, the bitch is dimwitted. Ano pa nga bang aasahan ko mula sa babaeng katulad mo?"
Hindi uli ako nakakibo kasi hindi ko na talaga alam ang sasabihin. Naguguluhan at nakakaramdam na ako ng takot sa pinupunto nito.
"Okay, I understand you. Ganito na lang, do what you came here to do. But before that..." Kinuha nito ang cellphone sa bulsa at itinutok sa akin.
"Strip for me, Karina."