Chapter 17 - *Our Daily Bread (Tamil)*

*🍞நமது அனுதின மன்னா* *_24-10-2021_*

*Our Daily Bread (Tamil)🍞*

*பேசு, நம்பு, உணர்வடை!*

_வாசிப்பு: ரோமர் 8.14-21 | ஓராண்டில் வேதாகமம்: எரேமியா 3 ; எரேமியா 4 ; எரேமியா 5 ;1 தீமோத்தேயு 4_

_அந்தப்படி, திரும்பவும் பயப்படுகிறதற்கு நீங்கள் அடிமைத்தனத்தின் ஆவியைப் பெறாமல்... ரோமர் 8:15_

_"இரகசியங்களை சொல்லுதல்" என்னும் தன்னுடைய சிறப்பான படைப்பில், ப்ரெட்ரிக் ப்யூச்னர், "பேசாதே, நம்பாதே, உணராதே என்னும் விதிகளோடு நாம் வாழுகிறோம்; அதை மீறுபவனுக்கு ஐயோ" என்கிறார். அவர், "ஒரு சில காரணங்களால் செயலிழந்து நிற்கிற குடும்பங்களின் எழுதப்படாத விதிகளைக்" குறித்து விவரிக்கிறார். இந்த விதியானது, அவருடைய சொந்த குடும்பத்தில் ஏற்பட்ட அவருடைய தகப்பனாரின் தற்கொலையைக் குறித்து பேசவும் வருந்தவும் அவரை அனுமதிக்கவில்லை. அவருடைய வலி மிகுந்த தருணத்திலும் யாரையும் நம்பவிடாமல் அவரைத் தடுத்தது._

_அதை தொடர்புபடுத்தி பார்க்கமுடியுமா? நம்மில் பலர் ஒரு சில விஷயங்களில் நம்முடைய பாதிப்பைக் குறித்து மௌனம் சாதிக்கும் தவறான அன்பின் கண்ணோட்டத்தோடு வாழ பழகிக்கொண்டோம். அந்த வகையான அன்பு ஒருவிதமான கட்டுப்பாட்டிற்கு உட்பட்டது. அது ஒருவகையான அடிமைத்தனம்._

_நாம் இழந்துவிடுவோமோ என்ற பயத்தினிமித்தம் சிக்கியுள்ள இந்த நிபந்தனைக்குட்பட்ட அன்பிலிருந்து, இயேசுவின் அன்பு எவ்வாறு வித்தியாசமாயுள்ளது என்பதைப் பார்க்க நாம் மறந்துவிடக்கூடாது. கிறிஸ்துவின் அன்பின் மூலமாய் நாம் பயத்திலிருந்து விடுபடுவது எவ்வாறு என்பதையும் (ரோமர் 8:15), நமக்கு வாக்குப்பண்ணப்பட்ட மகிமையான சுதந்திரத்தை புரிந்துகொள்ளவும் (வச.21) முடியும் என்றும் பவுல் கூறுகிறார். உண்மையாய், ஆழமாய் நிபந்தனையில்லாமல் நேசிக்கப்படுவதை நாம் உணர்ந்தால். பயமில்லாத வாழ்க்கையை வாழ வெளிப்படையாய் பேசவும் நம்பவும் உதவியாயிருக்கும்._

_ஏற்றுக்கொள்வதற்கும் அன்புகூருவதற்கும் ஏதேனும் பேசப்படாத விதிமுறைகளை நீங்கள் கற்றிருக்கிறீர்களா? அதுபோன்ற விதிமுறைகளை பின்பற்றவேண்டியதில்லை என்பதை விசுவாசிக்கும்போது நீங்கள் எப்படி வாழக்கூடும்?_

*_அன்பான தேவனே, நான் நேசிக்கப்படாமல் போய்விடுவேனோ என்ற பயத்தில் என்னோடும் மற்றவர்களோடும் நேர்மையாய் வாழ பயப்படுகிறேன். என் இருதயத்தை மாற்றி, உம்முடைய அன்பு சாத்தியமாக்கக்கூடிய தேவ நாம மகிமைக்காய் வாழும் வாழ்க்கையையும், சுதந்திரத்தையும் மகிழ்ச்சியையும் நம்ப எனக்கு உதவிசெய்யும்._*

*Our Daily Bread (Tamil)*