HARMONY with SAJ, iyon ang pangalan ng restobar na itinayo ni Nathan kasama ang business partners na sina Samantha, Andrea, at Jeffrey. Naisip magpatayo ng restobar ni Nathan dahil kay Gia. Paborito kasing restaurant ng babae ang SAJ's kaya nagkaroon ng idea si Nathan na makipag-collaborate sa may-ari ng restaurant na nagkataon namang kilala ng kaibigan nitong si Andrea.
Binenta ni Nathan ang condo unit nito sa kapatid ni Andrea kaya napabilis ang pagpapatayo ng restobar. Nagtiis itong tumira sa opisina nito sa Harmony para makatipid habang pinapatayo ang restobar. Inalok niyang sa kanya muna ito tumira pansamantla kaso ayaw ng binata. Gusto nitong ikasal muna sila bago sila magsama. Kung kailan naging official na magkasintahan sila ay saka ito naging good boy. Hindi sila naglo-love making. Gusto kasi nitong itama ang lahat nang mali nilang naumpisahan.
"I love you, Gia," pasimpleng bulong nito sa taynga ng asawa.
"I know and I love you."
"I miss you," dagdag nito.
"I know." Pilyang ngiti ang sumilay sa kanyang labi. "Ako rin naman." Kinantalan niya ito ng halik sa labi.
"Kung ganoon, tumakas na tayo."
Natawa siya sa sinabi ng asawa. Ngayon sila ikinasal ni Nathan at sinabay 'yon sa grand opening ng HARMONY with SAJ. Doon na rin ang reception ng kasal nila.
"Akala ko ba kaya mong magtiis?"
"Ang tagal ko nang nagtiis," nakasimangot na wika nito. "Kasal na tayo kaya puwede na. Miss na miss na kita."
Nilibot niya ang paningin sa paligid. "Wala bang makakapansin kung tatakas tayo?" Sabik na sabik na rin siya sa yakap at halik ni Nathan kaya gusto na rin niyang lisanin ang lugar na 'yon. "Baka hanapin nila tayo."
"Hayaan na natin sila. Maiintindihan naman nila kung bakit bigla tayong mawawala." Hinawakan nito ang kanyang kamay. "Tara na."
Sumama siya sa asawa. Magkahawak-kamay nilang nilisan ang lugar.
Salamat po sa pagbabasa. ❤️
FB Name: Carmie Lopez
W*ttp*d username: Carmie_Lopez
G00DN0VEL name: J.R. McKay
WAKAS