Magpatuloy ka kahit na sa tingin mo'y nauuna na sila
Dahil marami din silang iniyak, tiniis at pinagpuyatan bago makamit ang gusto nila
Kaya sa pagtagumpay nila'y dapat matuwa ka
Sa ngayon, sila muna.
Balang araw ikaw naman ang makakatikim ng pagpapala
Gawin mo lang ang layunin mo sa buhay
Hindi pabilisan yan, basta't umuusad kang tunay
Ang mahalaga'y tumatayo ka sa sarili mong paa.
Malapit ka na sa katotohanan
Magtiwala ka lang dahil mapapawi mo rin lahat ng pinagpaguran
Kung nagsasawa ka na isipin mo kung bakit mo sinimulan
Sabi nga nila'y sa umpisa ka lang mahihirapan, sa bandang huli masasanay ka din naman.