Naglalakad si nene sa gilid ng kalsada
Binibilang ang kaniyang natitirang barya
Biyaya na nga ang ilang malamlam na ilaw
Pauwi, bitbit ang nahinging sardinas at bahaw
Gutom na sikmura'y mas lalo pang namilipit
Sa kaniya'y may humablot, braso'y idinikdik.
Ginapos ang bisig, binusalsalan ang bibig
Hita'y binukang pilit, blusa'y pinagpupunit.
"Pakiusap, 'wag po n-nagmamakaawa a-ako.
Tulong! Tulong! Tulungan niyo po ako!"
Sa palagay mo'y sino ang makaririnig?
Kung mas maingay pa ang pagpatak ng luha sa sahig.