Minsan inisip anong nais marating
Naglakad, lumangoy, at nagmunimuni
Ang paglipad siguro'y katangi-tangi
Tulad ng galang ibong 'di mapakali
Ang lupaing minsang berde ngayo'y kahel
Nagkalat ang mga dahong tila papel
Lukot, magaspang, malutong, at kay bango
Patuloy na dumarami sa dulo ng tagsibol
Minsan nang naparito ngunit lilisan
Sa dakong ibayo'y tutungo't tatahak
Tulad ng galang ibon ay babalikan
Pag-usbong ng yaring puno't bulaklak
Tiyak akong nais nilang manatili
Sa lupaing nagnahan at nagpalaki
Hihintaying maging handa itong muli
Sa oras na magwakas yaring taglamig
Paa nila'y marahang inilublob sa danaw
Balahibo'y basa, tuka ay inihahanda
Sa pagpagaspas ng mgapakpak nito'y bitbit
Butil ng tubig na tila tala kung magningning
Marahil sa kanila'y kay inam sumabay
Tanaw sa ibabaw, namnamin ang kariktan
Silayan ang nakaraan, lupaing liyag
Buong puso't tapang ngayo'y maglalayag.