"Pare naman. Joke lang namin yun.." habol sakin ni Bryle. Ewan ko kung sya lang o ang silang lahat na. Uuwi nalang ako. Bwiset!. Tama lang yung naisip kong matulog nalang sana.
"Jaden!. Hoy!.." tawag nila sakin pero hindi ko sila pinansin hanggang paglabas ng mall. Pumila ako sa sakayan ng jeep. Binabalewala ang tawag nila. Bahala sila dyan. Badtrip ako!.
"Kayo kasi eh. Porket mabait yung tao. Lagi nyo nang pinagtritripan." pangangaral sa kanila ni Ryan. Rinig ko ang ingay nila dahil nakapila rin ata sila. Nakapamulsa akong tinatanaw ang bawat jeep na lumalagpas. Iniiwasang dumapo sa gawi nila ang aking mata. Badtrip talaga ako!. Nag-aapoy pa rin ang mata ko sa inis.
Nang sa wakas may humintong jeep. Nag-unahan na ang lahat sa pagsakay. Bigla tuloy akong may naalala. Ganitong ganito yung eksena noong kasama ko syang sumakay ng jeep. Kaya hindi ko na noon napigilan ang sarili kong akbayan, yakapin at halikan sya. Ang amoy ng kanyang buhok. Hanggang ngayon, naalala ko pa rin. Ang lahat ng alalang kasama sya. Lahat bumabalik sakin. Pilit akong binabalikan. Pilit nito akong sinasaktan. Kahit wala sya dito. Kahit nasa malayo sya. Kahit wala syang ginawa sakin kundi titigan at ngitian. Damn!. How I miss her smile.
Nang makarating sa bahay. Dumiretso akong kwarto at humilata ng hindi pa nagpapalit ng damit. Agad kong binuksan ang cellphone na niregalo ni Mama sakin noong Christmas na touch screen. Saka naglog in ng facebook. Sinearch ko agad ang pangalan ni Lance. At duon na namalagi. Pinindot ko ang bawat litrato nya kasama si Bamby. Tinitigan at sinave saking cellphone.
Lahat ng post na kasama sya ay may caption na 'with gorgeous lil sis' o di kaya 'our beautiful princess'. Higit isang libo o aabot ng dalawa ang likes nito. Marami talagang maglalike dahil sa angkin nitong ganda. Na mas gumanda pa dahil sa ibang bansa na sya nakatira.
Kadalasan, larawan nya lang ang nasa timeline ni Lance. Ewan ko ba kung kay Lance ba itong Facebook o sya ang gumagamit. Napagkamalan pa silang magjowa.
"Ikaw pa rin hanggang ngayon.." Wala sa sarili kong bulong. Nagkamot ako ng ulo sa sariling kabaliwan.
Nagpatuloy ako sa pagistalk sa kanyang mga larawan. Hanggang sa umabot ako sa isang litrato nya. Nakaupo sya sa isang bench. Nakasampay sa sandalan ng upuan ang kanyang kamay. Balot ang katawan. Nakadekwatro pa. Mukhang winter sa panahon iyon. May caption ang post ng 'still you'. Malaki ang ngiti nya dito at napakaganda nya. Kulang nalang hindi ako kumurap kakatitig sa mata nyang kaytagal ko ng hindi nasilayan ng malapitan.
Maraming nagcomment dito pero iisa lang ang tumatak sakin.
Bamblebie. Yun ang pangalang gamit nya. At ang reply nya sa taong nagtanong kung sino ang tinutukoy nya ay, 'You know.him. .Stop asking. Haha...' kumalabog ng ilang ulit ang aking puso. Umaasang ako nga yun.
Pero pare!. Shet!. Sana ako pa rin!.
Pero bumaliktad din agad ang sikmura ko ng maalalang may boyfriend na pala sya. Binuhay kong muli ang cellphone ko saka pinidot ang pangalang gamit nya.
At, hindi na ako magtataka pa. Nakapribado ang Facebook nya. Kaya pala hindi ko mahanap o masearch man lang. Akala ko pa noong una, Wala syang gamit na social media sites. Yun pala nakaprivate lang.
Nagdalawang isip pa ako kung magsesent ba ako ng message o wag nalang?.
Pumikit ako. "It's now or never Jaden. Do it!.." pinapalakas ko ang aking loob. Isang mata kong tinignan ang message button. Pinindot ko yun at nagwave sa kanya. Saka mabilisang pinatay ang cellphone. Natatakot sa maaaring isagot nya. Damn!. Todo ang kaba ko. Sana magreply sya.