>Sheloah's POV<
Nasa harap kami ng pinto. May limang zombies na naka abang sa labas. Tiningnan ko si Sir at nginitian niya ako. Tumingin ako kay Veon at inirapan ko siya. Tinawanan niya ako ng onti kasi alam niya na hindi ko rin pinagkakatiwalaan masyado si Sir kasi biglaan namin siya nakita rito at sa una, hindi maganda yung pagkatrato niya sa amin. Hindi niya sinasagot yung tanong namin. He was rather treating us coldly.
Hinawakan ni Tyler yung doorknob pero hindi pa niya ito binubuksan. Yung isang zombie sa labas, binunggo niya yung pinto gamit ang ulo niya at medyo nagulat kami dahil sa impact na ginawa niya. Parang yung zombie na nasa World War Z. Parang sila yung martilyo at ang target nila ay ang pako.
Kinakabahan ako at sigurado ako na kinakabahan din yung iba. Ewan ko lang kay Sir Jim kung kinakabahan siya. Huminga ako ng malalim.
"Bubuksan na natin ito. Pagkabukas, attack na agad," sabi ko at tumango sila sa sinabi ko.
Dahan-dahan binubuksan ni Tyler ang pinto. Pumunta agad sa harapan ko si Josh, Veon at Sir Jim. Inarapan ko silang tatlo at sumiksik ako sa gitna para makahanda rin ako.
Binuksan na ni Tyler ang pinto at agad tinamaan ni Veon yung zombie na nasa pinakaharap at tumakbo siya sa isa pang zombie. Si Sir Jim tinamaan niya yung isang zombie sa ulo gamit ang axe niya at tumalsik ang dugo sa kanya. Lumingon agad ako para hindi makita yung blood because honestly, I am scared of blood. But I know I have to face my fear.
Pagkalingon ko, may zombie na papunta sa akin. Hinawakan ko nang mahigpit yung stick ko at tinamaan ko siya sa ulo ng malakas tsaka ko sinipa para matumba siya. No'ng natumba siya, tinusok ko yung stick ko sa bunganga niya at namatay na.
I was kind of grossed out pero buti naman at nagsisimula na akong masanay. Tinanggal ko yung stick at tiningnan ko yung mga kasama ko. Tinanggal ni Josh yung stick niya sa katawan ng isang zombie at si Tyler pinulot yung stick niya sa sahig. Si Veon, nakatayo, inaantay yung iba, at si Sir Jim tinanggal yung axe sa katawan ng isang zombie.
Tiningnan kami ni Sir Jim. "Taas na tayo. Rooftop ba kamo, Josh," tanong ni Sir at tumango siya bilang sagot. Tumaas silang tatlo at kami ni Veon medyo nagpahuli dahil napaisip ako.
"Alam ko ang iniisip mo, Sheloah," sabi ni Veon at tiningnan ko siya.
"Alam mo," tanong ko at nginitian ko siya ng onti. "Nakakapagtaka lang kasi. Sabi ni Sir hit and run. Pero hindi ba nagsta-stuck yung axe sa katawan ng zombie at kailangan mo ng force para matanggal 'yon," dagdag sabi ko pa at naglalakad na rin kami ni Veon pataas.
"Gano'n nga rin iniisip ko, eh," sabi ni Veon habang naglalakad kami pataas. "At isa pa… kung hit and run ginawa niya nung pinatay niya yung zombies, dapat tumalsik yung dugo ng zombies sa damit niya. Eh, ang linis ni Sir. Pansin mo 'yon? Ngayon lang narumihan damit niya," dagdag sabi pa niya at napatango ako sa sinabi niya.
Napaka mysterious talaga ni Sir. Bakit kaya siya gano'n ngayon? He was the kind of teacher na palatawa and such. Pansin namin na happy pa rin siya kaso yung pagtrato niya sa amin sa kanina iba sa usual na Sir, eh.
He was rash. Rash in a way na no'ng pagbukas ni Tyler ng pinto, muntikan na siya matamaan ng knife sa mukha dahil binato ni Sir. Parang may tinatago, kaya siya gano'n.
Ayaw pa niya sagutin yung tanong namin and now he's suddenly joining us? What is his purpose? Mapagkakatiwalaan ba namin talaga siya?
We safely arrived here sa rooftop. No'ng pagkapasok namin, sinarado namin agad yung pinto. No'ng pataas kami, walang zombies na nakatayo. Siguro pag alis namin sa building na ito at papunta na kami sa guard's house near the covered court where the zombies are, hindi na masyadong safe.
Nagulat yung classmates namin nang makita nila si Sir Jim. Ang daming pumunta sa kanya at kwinento naman ni Sir sa kanila ng buo kung paano kami nagkita sa baba ng home economics room.
Habang nagkukwentuhan yung iba, tinawag ko si Edward, Ace at Dean. Binigay namin yung mga weapons na maari nilang gamitin pero nagtaka ako nang may nahablot akong tinidor sa loob ng bag.
Tiningnan ko yung mga kagrupo ko at nginitian ko sila. "Bakit may tinidor dito," tanong ko at nagsitawanan yung mga kausap ko.
"Gagawing dagger pag may zombie," sagot ni Edward at nagtawanan pa kami lalo.
May kinuha si Dean sa bag at tumawa siya at pinakita niya sa amin ang hawak niya. "May terno pang kutsara," sabi niya at mas tumawa pa kami. "Kainin na natin yung mga zombie," dagdag sabi pa ni Dean at narinig din ng ibang malapit sa'min at nakitawa na.
Tiningnan namin si Ace at nakikita namin na may sini-swing siyang frying pan na parang naglalaro siya ng baseball. Tumigil siya no'ng napansin niya na nakatitig kami sa kanya.
"Ano? Nakita ko 'tong frying pan doon sa bag," sabi niya at nagtawanan na naman kami. "Hindi ba galing kayo doon? Edi meaning no'n, kayo naglagay! Nagtatawanan pa kayo," sabi ni Ace at nagtawanan yung grupo namin. Kahit ganito ang pangyayari ngayon, naalala ko ang sinabi sa Zombieland na movie.
Enjoy the little things.
"Hindi ako naglagay, ah," sabi ko at tiningnan ko yung mga kasama ko. Si Tyler ang tawa ng tawa. Halata na siya yung pasimuno.
Siguro no'ng nagmamadali kami kanina, hindi niya na alam kung ano ang kinukuha niya. Basta na lang siguro kumukuha ng mga gamit. Mas natawa pa nga kami nang nahawakan ko yung can opener, eh.
Biglang nag buzz yung phone ko at tumigil ang lahat sa kakatawa. Tiningnan ko kung sino yung caller. Nung pagkatingin ko, tumatawag ang tito ko. Tinanggap ko yung tawag at pumunta ako sa isang sulok ng rooftop para makausap ko siya ng maayos at para clear ang boses niya sa phone.
"Tito," bati ko sa kanya.
"Papunta na kami diyan," sabi ni tito at hindi siya makapagsalita ng maayos kasi nagmamaneho siya ng mabilis at iniiwasan niya yung mga bungguan at the same time. I can tell by the way he speaks. Mukhang nahihirapan si tito.
"Sige po, tito. Papunta na kami ng SM. By the time you get here, punta ka na sa SM alone," sabi ko at tiningnan ko si Sir Jim.
Kailangan ng back up ni tito. He can't fire a gun while he's driving. "Drive alone with Sir Jim," dagdag sabi ko pa at sumandal ako sa railings ng rooftop habang nakatingin kay Sir.
"Sige. Ibababa ko na yung tawag," sabi niya at binaba niya na yung call.
Tinago ko yung phone ko at nilapitan ko si Tyler, Josh at Veon. "Guys, papunta na si tito rito sa school. Kailangan na natin pumunta sa SM to get those resources. Sasabihin ko kay Sir Jim na abangan niya si tito sa labas at pag napunta na ni tito yung family ko sa rooftop, hahabol kami nila Sir sa SM para matulungan tayo in handling the resources. Is that an okay plan," tanong ko sa kanila.
Tiningnan nila ako for three seconds, before they nodded slowly. Mukhang alanganin sila sa plano ko. "May problema ba," I asked them politely and Veon shook his head.
Nilapitan kami ni Sir Jim. "Sinabi ko sa ibang students na tawagin yung parents nila at sinabi ko sa kanila na papuntahin nila parents nila rito kung kaya nila. Abangan ko sila sa taas. Sorry kung hindi ko kayo masasamahan sa next plan," sabi ni Sir at tinitingnan namin siya.
"Ayos lang po, Sir," sabi ko nalang sa kanya.
"Ibigay mo sa akin phone numbers niyo para ma-contact ko kayo," sabi ni Sir at nagpasahan kami ng numbers.
"Paalis na kami," sabi ko at tumango lang si Sir sa akin.
"Mag ingat kayo," sabi niya at pumunta na kami sa harapan ng pinto.