IKAW LANG TALAGA
I.
Wala na
Wala na talaga
Oo, alam ko, hindi na kailangan pa
Masakit na katotohanan, ibalandra sa aking mukha
Sapagkat hindi na muling magiging tayo pa
II.
Dahil alam kong hindi na katulad ng dati
Na palaging nandiyan ka, nandiyan sa aking tabi
Masakit man tanggapin
Iba na ang iyong kapiling
Nagbago na ang lahat-lahat sa atin
At maging ang iyong nararamdaman para sa akin
III.
May tanong lamang ako, sana naman ay sagutin
Kung hindi kalabisan, huwag mo sanang masamain
Ang nais ko lang naman ay aking malaman
Anong dahilan at bigla mong nilisan?
IV.
Ako ba ay may nagawa sa iyong kasalanan?
At kung mayroon man
Sana ako ay iyong mapatawad naman
Hindi ko ninais o sadyain man lang
Na ang damdamin mo ay aking masaktan
V.
Sa maniwala ka o hindi, ikaw lang talaga
Ikaw lang ang nag-iisa
Nag-iisa sa puso ko at nagrereyna
VI.
Subalit wala na
Wala na talaga
Ang tanging ginagawa
Ang palaging umasa
Na isang araw ang dinadalangin ko ay maririnig na
At ito ay ang muli tayong magkasama
VII.
Hanggang ngayon ay hindi pa rin nalilimutan
Masasayang alaala noon tayo pang dalawa, na ating pinagsaluhan
Kagaya ng matatamis na mga halik at mga tinginan
VIII.
Kapag ako ay nalulungkot at kailangan kita
Dumarating ka
Dinadamayan mo ako at pinapatawa
At ang mga bisig ko ay yakap-yakap ka
IX.
Sana ay mapatawad mo
Kung hindi ko magawang kalimutan ang isang katulad mo
Hindi ko maipapangako na ganoon kadali, pag-ibig ko sa iyo
Bigla na lamang ito ay maglaho
X .
Ibaling man sa iba
Ikaw pa rin ang nakikita
Mukha mong kayganda
Malambing mong pagsasalita
Matamis mong mga ngiti na sa tuwing nasisilayan ko
Parang puzzle na binubuo
At nang nabuo, araw ko ay nakumpleto
XI.
Kahit sa panaginip, nakikita kita
Paggising sa umaga
Hinahanap-hanap ka
Nitong aking mga mata
Isa kang bisyong kayhirap iwasan
Kahit pagbawalan man
Pero hindi magawang pakawalan
XII.
Lakas ng tama ko sa iyo, crazy man itong pakinggan
Walang pakialamanan
Basta ikaw, kahit ako ay ma-addict man
Hinding-hindi ko ito pagsisisihan
Ganyan kita kamahal, iyo sanang paniwalaan
XIII.
Na ikaw lang talaga at walang iba
Pero huwag ka nang mag-alala
Hindi na ipipilit pa
Kung saan ka liligaya
Hindi na hahadlangan pa
X1V.
Palagi mo lamang tatandaan
Kung ako ay iyong kailangan
Ako ay darating at hindi ka iiwanan