Mujhse hospital se chutti to kal raat hi mil chuki thi. Lekin kiyunki abhi bhi kuch routine checkup baaki tha isilye mujhe kal ki raat bhi hospital mein hi bitaani padee.
Phir hum subah subah hi hospital se nikal gaye. Hospital se mere ghar ki dooori taqreeban 25km ho gi isliye zayda waqt naheen laga aur thodi hi der mein hum ghar pahuch gaye.
Ghar pahunchtte hi maine ek lambi saas lete hue kaha ki chalo shuqr hai ki finally ghar pe pahuch gaye. Kiyunki even though hospital shaant tha aur wifi high speed ka tha, phir bhi ghar to ghar hi hota hai.
Sabse pahle main dadi (grandmother) se milne pahucha, waese to unse phone par baat ho jati thi par ye pahli baar tha accident ke baad , ki main unse face to face milne wala tha.
Dadi mujhe dekhte hi bed se uthne ki koshish karne lagee lekin main unnke kareeb pahunch kar unko rok diya, phir dadi rote rote mere sir ko sahlane lageen aur meri peshani(forehead) par kiss karte hue duaen dene lagin.
Mummy aur ek sister kitchen mein theen , aur 1 mahrani kitchen ke bahar kursi laga ke baithi thi . Par jaese hi main ghar mein dakhil(enter) hua meri dono behne aur mom kitchen se daudti daudti mere paas aa gayeen. Mom ne mujhe gale se lagate hue kaha ki finally mera beta ghar pe aa gaya . Is waqt mere ghar ki sabhi auraton ke ankhon mein ansoon the.
Kuch der baad kuch jalne ki mahak jab sabko aane lageen tab mummy ko ehsas hua ki wo kitchen mein kuch jalta chod ayeen hain , aur phir bhagi bhagi kitchen ki taraf lauteen.
Phir dadi se milne ke baad, main , dada, aur dad sab ghar ke sabse pahle wale kamre(room) joki mehmano ke liye tha ( kiyunnki guest house par to mera kabza tha ) mein baith gaye . kuch der baad naashta aya. Naashta tha ki khana ,ye batana mushkil tha kiyunki itne saare items the ki kuch poocho mat.
Naashta(breakfast) karne ke baad dad ne mujhse kaha ki Aslan jao jaldi se naha lo aur kapde pahen lo aaj kayi log tumse milne aayenge.
LOG ! yani bheeed ! "maine man chillate hue kaha".
Logon se milne , baat karnein mein , sabhi ke ek jaese sawaal ka jawaab dene mein poora ka poora din hi nikal gaya.
Bheed itni zayda ho gayi thee ki dad ko bahar alag se bade bade tabels aur saath hi chairs lagani padee theen.
Bheed mein shamil log mere gaanv se the , mummy ke ganv se the , hamare rishtedaar the, mummy ki saheliyan , daddy ke dost aur bussiness partner the , aur aas pass ke ganv se bhi kayi log aye the.
Gaanv ke logon ki aane ki wajah yah thi ki unko khabar mili thi ki , kaese doctors ke jawaab de dene ke bawjood bhi main zinda laut aaya . Aur apko to maloom hi hai ki aesi baatein gaanv ke logon ko kitni lubhati(pasand) hai.
Jinhone mujhe kabhi naheen dekha tha , wo mujhparr comment karte ki ye to bilkul angrez hai , lekin phir bhi utna shocked naheen the . kiyunki hamare ghar mein sabhi ke sabhi kaafi zayda gore hain, bilkul kashmiriyon wala gorapan.
Ghar mein kewal main hi ek tha jo ki saanwala tha. Rishtedaar ya wo log joki mujhe pahle se jante the , agar unhe meri shaql na yaad hoti to wo yahi samjhte ki main koi aur hi ladka hoon.