Nabahiran ng gulat ang mukha ng Spirit Jade Palace Lord ngunit bigla itong humalakhak.
"Little Brother, hindi ba't medyo nagyayabang ka na dito?"
Lumipat ang tingin ni Jun Wu Xie dito at sinabi: "Kung hindi ko iyon kayang gawin, hindi ko
iyon sasabihin sa iyo."
"Talagang isa kang kawili-wiling bata. Ngunit kung nais mo ako kumbinsihin na tanggapin ang
iyong mungkahi, ay hind iyon magiging madali. May kailangan muna akong makita na
konkreto." Saad ng Spirit Jade Palace Lord.
Hindi na nagulat maski kaunti si Jun Wu Xie sa pag-iingat ng Spirit Jade Palace Lord.
Hinahangaan niya ang mga kaanib na maingat sa mga bagay na makakabawas sa anumang
pagkakataon ng pagkakamali o di-pagkakaunawaan sa kanilang pagtutulungan.
"Saad ng Palace Lord na nagtataglay ako ng mahalagang kapagyarihan. Sa antas ng
kapangyarihang ito, ano kaya ang magagawa ko matapos matanggap sa Twelve Palaces?"
Hindi nagmamadaling tanong ni Jun Wu Xie.
"Isang natatanging talento, siguradong ikaw ay pahahalagahan." Matindi ang paghanga ng
Lord ng Spirit Jade Palace kay Jun Wu Xie sa nagawa nitong pag-abot sa ganoong antas ng
kapangyarihan sa napakabatang edad. Sa buong Middle Realm, iilan lamang ang makagagawa
na makamit ang ganoong pamantayan at maging ang napakalakas na Twelve Palaces ay
masasabik na makakuha ng miyembro na tulad niya.
"Kung sisikapin ko ang aking buong makakaya at puspusang magsikap para sa Twelve Palaces,
pakikitunguhan ba nila ako na parang isa sa kanila at aayusan ako?" Patuloy na tanong ni Jun
Wu Xie.
"Siguradong gagawin nila iyan. Ang layunin ng Battle of Deities ay para sa kanila upang
matukoy nila ang mga kabataan na napakabata pa lamang at musmos sa pamamaraan ng
mundo, ang pinakalayunin nila ay magawang ayusin at magkaroon ng makapangyarihang
miyembro na tapat sa kanila." Saad ng Spirit Jade Palace Lord sa kaniya.
"Paano kung magawa kong saksakin sila sa puso sa puntong iyon?" Patuloy na tanong ni Jun
Wu Xie.
Bahagyang tumawa ang Spirit Jade Palace Lord at sumagot: "Kahit na makagawa ka ng
matinding kaguluhan sa isang palace, ay hindi mo pa rin magagawa na yanigin ang
pundaksyon ng Twelve Palaces. Bagaman hindi sila ganoong nagkakaisa sa panlabas at sa
puso, ngunit naglagay sila ng malaking halaga sa kanilang titulo nilang isa sa Twelve Palaces.
Maliban na lamang kung wala na silang ibang pagpipilian, ay siguradong aalisin nila lahat ng
pagkukunwari at kagandahang-loob at pabagsakin ang bawat isa. Kaya naman, kahit magawa
mong kontrolin ang isa sa Twelve Palaces, ay wala iyon masyadong halaga."
"Hindi lang isa." Biglaang itinaas ni Jun Wu Xie ang kaniyang ulo, bahagyang itinaas ang
kaniyang baba. "Kundi lima."
"LIMA?!" Ang tugon na iyon ha laos kalahati na sa bilang nila ay nagbigay ng matinding gulat
sa Spirit Jade Lord.
"Limang kabataan na nagtataglay ng kapagyarihan tulad ng sa akin." saad ni Jun Wu Xie.
"Kapareho rin ng iyong edad?" Tanong ng Spirit Jade Palace Lord.
Tumango si Jun Wu Xie.
"At paano ka nakakasiguro na ang mga taong ito ay hindi tatalikuran ang kanilang mga sinabi
matapos silang matanggap sa Twelve Palaces?" Matiyagang tanong ng Spirit Jade Palace Lord.
Bahagyang ibinaba ni Jun Wu Xie ang kaniyang mata at at muling nilagyan ng laman ang kopita
niyang wala ng laman.
"Dahil sa puso nila ay mayroong paghihiganti na hindi nagpapahintulot sa kanila na makita sa
ilalim ng parehong Heavens kasama ng Twelve Palaces."
Ang Lord ng Spirit Jade Palace ay natahimik at patuloy na tinitigan ang binatilyon ito na tila
simple lamang ang mga bagay sa pananalita nito, ang mata nito'y puno ng emosyon.
"Nangahas ka na sabihin lahat ng ito sa akin ngayon, pero hindi ka natatakot na baka sabihin
ko lahat ito sa Twelve Palaces?"
Dumako ang tingin ni Jun Wu Xie doon at sinabi.
"Kahit na sabihin mo sa kanila bawat salita, hindi ka nila paniniwalaan."
Doo'y humagalpak ng tawa ang Lord ng Spirit Jade Palace.
"Tama ka! Sino ang maniniwala na kahit sino mula sa Spirit Jade Palace ay nais tulungan ang
Twelve Palaces na makatakas sa isang plano laban sa kanila? Kahit ako mismo ang magsabi sa
kanila, iisipin lamang nila na sinusubukan ko gumawa ng balakid sa pagitan nila, at hindi nais
na makita na makakuha sila ng kakaibang mga talento!"
Nagpatuloy ito sa pagtawa ng ilang sandali pa, at bigla ay huminto ito. Ang pares ng kaakit-akit
na mata nito ay dumako sa gilid ng mukha ni Jun Wu Xie.
"Bata, naisip mo bang lahat ng ito nang una mong makita si Zi Jin? Naisip mo na hindi lamang
ako mananatiling nakaupo habang ang aking disipulo ay inaapi ng iba, at nalaman na ang
Twelve Palaces at Spirit Jade Palace ay di akma tulad ng apoy at tubig kung saan ay hinding-
hindi kita isusumbong, kaya, lakas loob at tiwala mong isiniwalat sa akin lahat ng iyong
plano?" Lahat ng iyon, bawat isang hakbang na ginawa niya, lahat ay nasa kalkulasyon na ng
bata!
Bahagyang itinaas ni Jun Wu Xie ang kaniyang ulo, walang inaamin o itinatanggi na kahit ano,
at tinitigan ng kaniyang malamig at kakila-kilabot na mata ang Lord ng Spirit Jade Palace.