Ang kapangyarihan ni Zi Jin ay hindi pa nakaklusong sa Purple Spirit ngunit nararamdaman
niya na ang taong nasa harapan niya ay nagtataglay ng matinding kapangyarihan.
Ngunit nang dahan-dahan nitong nilingon ang ulo at naliwanagan ang mapusyaw na mukha
nito ng liwanag mula sa buwan, ay biglang natigagal si Zi Jin.
Hindi maging sa kaniyang panaginip na sumagi sa kaniyang isipan na ang Senior na iyonsa
kaniyang harapan na mayroong hindi lubusang maarok na kapangyarihan ay nagtataglay ng
napakabatang hitsura.
[Paano nangyaring napakabata nito?]
Pagkagulat ang bumakas sa buong mukha ni Zi Jin.
Bahagyang nagsalubong ang kilay ni Jun Wu Xie habang nakatingin kay Zi Jin na mayroong
kakatwang ekspresyon sa mukha, ngunit nagpatuloy pa rin ito sa pagtatanong: "Isa ka bang
miyembro ng Spirit Jade Palace?"
[Isang gulat ang tumakbo sa buong katawan ni Zi Jin. Hindi niya inaasahan ang hitsura ng
kabilang partido. Anong dahilan at inilgtas siya nito? Dahil sa disipulo siya ng Spirit Jade
Palace?]
Nang maramdaman ang kaba ni Zi Jin, patuloy na nagsalita si Jun Wu Xie sa marahang boses:
"Huwag kang mag-alala, isa akong kaibigan at hindi kalaban ng Spirit Jade Palace.'
"Ang salita ng Senior ay hindi gaanong maliwanag sa akin. Maari bang ipaliwanag ng maigi ni
Senior sa akin?" Alam ni Zi Jin na hindi niya mapapantayan si Jun Wu Xie, at walang
pagkakataon para sa akniya na makatakas. Kaya naman, inayos niya ang sarili, at tumingala
upang masdan ang malamig na si Jun Wu Xie.
"Ang Spirit Jade Palace ay minsang kabilang sa Twelve Palaces ngunit ngayon ay
pinagdudusahan pang-aapi ng mga kabataan mula sa Twelve Palaces na sumasailalim pa sa
pagsasanay. Iniisip ko na hindi iyon maganda sa pakiramdam tama?" Iisang tono ng boses na
saad ni Jun Wu Xie, hindi nagmamadali sa pagsasalita.
Hindi mapigilan ni Zi Jin na mag-iba ang kulay ng kaniyang mukha, ang parehong kamay ay
mahigpit na napakapit sa damong nasa lupa.
"Galit ka?" Kalmadong minasdan ni Jun Wu Xie si Zi Jin sa mata nito na nagliliyab at dahan-
dahang nagsalita: "Minsang naghari sa kanilang lahat ngunit ngayon ay napabagsak sa estado
kung saan ang iyong mga kalaban ay patuloy na binubugbog ang nalulunod na aso. Hindi niyo
ba naisip maski minsan na maghiganti?"
Nagtagis ang bagang ni Zi Jin. Bagaman hindi niya dapat ito sinasabi sa isang estranghero,
ngunit bawat binitawang salita ni Jun Wu Xie ay tumusok sa bawat ugat niya.
"Sino ba ang ayaw maghiganti!? Hindi ikaw kami, paano mo nasabi na hindi sinubukan ng
Spirit Jade Palace na lumaban!? ngunit ang mga talipandas mula sa Twelve Palaces ay
sumusobra na!" Dahil sa naging pangyayari noon sa Spirit Jade Palace, ay malaki ang nawala sa
kanilang lakas. Ni hindi man lang sila nabigyan ng oras upang makahinga at magpagaling nang
pahirapan simulan silang pahirapan ng Twelve Palaces. Matapos ang ilang libong taon, ang
Spirit Jade Palace na minsang nagtamasa ng kabantugan ngayon ay wala na, tulad nga ng
sinabi ni Jun Wu Xie. Nang maglabasan ng palace ang mga tulad nilang disipulo ng Spirit Jade
Palace, ang kanilang Master ay palaging nagpapaalala sa kanila na ingatang huwag mahantad
ang tunay nilang pagkatao bilang kasapi ng Spirit Jade Palace, matindi ang takot na sila'y usigin
ng Twelve Palaces.
Sa pagkakataong iyon, si Zi Jin ay di-sinasadyang napadaan sa pagdarausan ng Battle of Deities
Grand Meet at sinusuri lamang ang lugar nang marinig niya ang isang tao na malakas na
nagsasalita ng pang-iinsulto na walang kaabog-abog tungkol sa kaniyang mga kapatid mula sa
Heavenly Peak Pavilion at hindi niya nagawang pigilang ang sarili.
"Ngayon, kung may pagkakataon para sa inyong lahat na magpataw ng paghihiganti sa inyong
mga kalaban, iyon ba ay makapagbibigay kasiyahan sa iyo?" Naupo si Jun Wu Xie habang
sinasabi iyon, ang tingin niya ay diretsong minasdan ang mata ni Zi Jin.
Nakita ni Zi Jin ang repleksyon niya sa malamig na pares ng mga matang iyon, napakalinaw.
"Sino ka bang talaga?" Biglang nakaramdam si Zi Jun na nanlamig ang katawan. Ang mga
matang iyon na may bahid ng matinding lamig.
"Hindi na mahalaga kung sino ako. Ang mahalaga ay matulungan ko kayong makuha ang
inyong hangarin." Inayos ni Jun Wu Xie ang kaniyang sarili at itinaas ang kanang kamay. Sa
mga daliri nito sa kanang kamay, may isang pula at isang puting liwanag na nakapalibot.
Gulat na napatitig si Zi Jin sa dalawang kakaibang liwanag. Alam niya na ang pamilyar na
nagliliwanag na enerhiyang iyon. Iyon ang enerhiya mula sa spirit rings.
[Ngunit… Sa mundong ito, paanong nangyari na ang isang tao ay nagtataglay ng dalawang ring
spirits sa parehong pagakataon?]
[Iyon ay napakaimposible.]
"Ang Spirit Jade Palace… ay hindi… ay hindi tumatanggap ng mga panauhing lalaki…"
Napalunok si Zi Jin, matagal bago nauutal na sinabi iyon.
Bahagyang napataas ang kilay ni Jun Wu Xie at agad nitong kinuha ang munting kamay ni Zi Jin
upang ilagay iyon sa kaniyang dibdib!