"Nakakatuwa ba?" Nakatingin si Gu Ying kay Jun Wu Xie bakas sa maitim nitong mga mata ang
ang kalupitan.
Ngayon ay alam na ni Jun Wu Xie kung kaninong mga kamay galing ang mga sugat ni Ah Jing.
Nanatili ang malamig na tingin niya kay Gu Ying, binabalewala ang salita nito upang siya ay
magalit.
Sandaling tumigil si Gu Ying.
"Tila hindi ka nasisiyahan. Sabagay... ang mga taong tulad nito ay nakaksuklam. Bakit ng aba
hindi na lang kita tulungan na patayin siya?" Lumipat ang mga kamay ni Gu Ying sa leeg ni Ah
Jing at sinakal ito!
Namutla ang mukha ni Ah Jing!
"Hindi na kailangan." sa wakas ay nagsalita si Jun Wu Xie. "Bitawan mo siya."
Hindi niya iniisip na totoong tinutulungan siya ni Gu Ying upang ilabas ang kanyang galit. Bukod
doon, kahit na maraming usap-usapan ang kumalat sa Zephyr Academy tungkol sa kaniya
noon, ni isa sa mga iyon ay hindi nagmula sa bibig ni Ah Jing. Hindi kailanman ito naniwala sa
mga bali-balita at hindi nagkaroon ng poot sa kaniya. Kung inaakala ni Gu Ying na maniniwala
siya na kaya niya pinapahirapan si Ah Jing ay dahil sa paninirang-puri nito, iyon ay isang
kalokohan!
Ang gusto talaga nitong makita ay ang takot sa kaniyang mga mata at hindi ang ikalulugod ni
Jun Wu Xie.
Pinagbigyan iyon ni Gu Ying at pinakawalan si Ah Jing, madaling pumasok ang hangin sa baga
nito. Mabilis na umupo si Ah Jing at mahigpit na hinawakan ang kanyang dibdib, kumaripas
muli ito upang magtago sa pinakamalayong sulok ng kusina.
Tinignan ni Gu Ying si Ah Jing at itinaas ang paa at mariing tinapakan si Ah Jing sa kaniyang
tiyan!
"Sinabi ko ba na puwede ka na umalis?" tanong ni Gu Ying kay Ah Jing, ang mata nito'y puno
ng panganib.
Si Ah Jing na wala na sa kaniyang katinuan ay nanginig at namutla at hindi na tinangka pa
gumalaw.
Hinarap muli ni Gu Ying si Jun Wu Xie at malaki ang ngiti na nagsalita: "Hindi na bale, hindi ko
dapat dungisan ang aking mga kamay ng basura. Kung sa tingin mo ay mas nararapat na iwan
ko siyang buhay, pakakawalan ko siya. Nakarating sa akin ang balita na nagbalik ka kaya
nagmadali ako sa pagparito upang makita ka. Hindi ko pa naipakilala ang aking sarili. Ako si Gu
Ying at kapapasok ko pa lamang bilang guro ng Spirit Healer. Mula sa araw na ito ako ay iyong
magiging junior at hindi na ako makapaghintay na ang aking senior ay gabayan ako sa
hinaharap.
[Junior?] Umismid si Jun Wu Xie.
"Ito ay sa ilalim ng payo ni Gu Li Sheng at ako ay nagsusumamo sa aking Senior na ako ay hindi
tanggihan." Napansin ni Gu Ying ang pagkadisgusto ni Jun Wu Xie ngunit hindi niya iyon
pinansin.
[Ang pares ng matang iyon na malamig ang pagtitig, katulad pa rin iyon noong huli niyang
makita sa Chan Lin Auction House.]
[Ngunit...]
[Sayang, kailangan niyang manatiling buhay ng ilang sandali pa. Ang mga matang iyon na hindi
pa niya puwede dukutin!]
"Gusto mo mapag-aralan ang Spirit Healing Technique?" nakuha ni Jun Wu Xie ang ibig sabihin
ni Gu Ying.
"Tama ka." Nakangiting sagot ni Gu Ying.
"Pakawalan mo muna siya." saad ni jun Wu Xie na nakatingin kay Ah Jing na kasalukuyang
tinatapakan ni Gu Ying.
Sa halip ay sumagot si Gu Ying: "Alam ko na ang aking Senior ay hindi gusto na manatili sa
dormitoryo at ang aking Senior ay mas gusto ang maliit na bakuran sa kakahuyan. Kung iyon
talaga ang nais ng aking Senior ay maaari ka manatili dito. At upang ako ay manatiling malapit
sa aking Senior ay natural lamang na ako ay manatili rin dito. Ang basurang ito ay mukhang
nagsilbi na sa lugar na ito noon, hahayaan ko na lamang na manatili siya ditto upang magsilbi
sa akin at sa Senior."
Halata na alam ni Gu Ying ang pagbabalik ni Jun Wu Xie at inalam nito lahat tungkol kay Jun
Wu sa Zephyr Academy.
Alam na alam din nito ang tungkol sa mga masamang ginawa ni Ah Jing.
Tinitigan ni Jun Wu Xie si Gu Ying. Bagaman napag-aralan na niya kung paano itaas ang
kanyang power sa purple spirit, alam niyang hindi niya kayang pantayan si Gu Ying. Kung hindi
siya magiging maingat ay alam niya na ang matatalo ay walang iba kundi siya!
"Gawin mo ang gusto mo." Walang interes na sagot ni Jun Wu Xie at umalis na, hindi na niya
gustong makita pa ng matagal si Gu Ying.
Sa itsura ni Gu Ying ay napagtanto ni Jun Wu Xie na malamang siya ay mula sa Palace na
nakikipagtulungan kay Ning Rui katulad lamang nung dalawang lalaki noon sa Cloudy Peaks.