Chapter 1000: Gumagaling Sa Laro!
Sa Glory World Entertainment, sa opisina ni Ling Zhizhi.
"Congratulations sa pagtatapos ng shoot. Naghirap ka sa pagtatrabaho!"
"Hindi naman mahirap iyon! Isa siguro sa pinakamasayang shoot ito para sa isang pelikula!" taos-pusong sinabi ni Ning Xi. Nagliliwanag ang kanyang mukha sa mga magagandang alalaala na naisip niya.
Sa huli, umarte siya kasama ang demonyo! Pero, siyempre, kailangan niyang mag-ingat at 'wag masyadong magpakita ng masyadong kasiyahan.
Nakatingin si Ling Zhizhi sa kanya na parang nag-aalala.
Napansin ito ni Ning Xi at agad nagtanong. "Anong problema, Sis Zhizhi?"
Nag-isip si Ling Zhizhi at napagpasyahan na diretsuhin siya. "Ning Xi, may itatanong ako sa'yo. Anong mayroon sa inyo ni Ke Mingyu?"
Kumurap si Ning Xi. Mukha siyang kalmado sa labas pero mayroong bagyo sa puso niya. Hala! Nabuking na ba ni Sis Zhizhi?
