Chapter 543: May Relasyon Ba Talaga Kayong Dalawa?
Nakatayo sa harap ng pintuan ng washroom, muntik nang pumasok si Ning Xi sa ladies toilet. Bigla niyang naisip na mali ito at nagmadaling pumasok sa kabilang pinto.
Pinakalma niya ang kanyang sarili bago naghilamos ng mukha. Pero noong lumabas siya ng banyo, mayroong naghihintay sa kanya sa pasilyo...Zhuang Keer.
Noong nakikipagkatuwaan siya kasama ang grupo nina Big Qiao at Small Qiao, marami silang pinagtsismisan at narinig ni Ning Xi ang tungkol kay Zhuang Keer at ang relasyon nito kay Lu Tingxiao.
Hindi niya alam kung paano haharapin si Zhuang Keer ngayon, kaya napagdesisyunan niyang wala munang gawin.
Tulad ng inaasahan, nang mapansin ni Zhuang Keer na tahimik ito, nagsalita siya, "Alam kong baka hindi tamang itanong ko ito...pero...totoo ba...na ikaw at si Lu Tingxiao...ay may relasyon?"
Sumimangot si Ning Xi. Mukhang narito siya para harapin ang taong nang-agaw sa crush niya.
