Chapter # 07
Maira Shah or Sara malik ka aj university ka pehla din tha .
Sara to nervous hony ky sath sath kafi khush Bhi thi Lekin Maira ka chehra Kisi bhi tasur sy khali tha .
Maira ny baby pink color ki skirt ky saath white shirt pehni Hui thi or galy mein muffler ky sath sath upr jacket Bhi white color mein pehni Hui thi , balon ko kamar PR khula chory woh ksii ko Bhi apna dewany karny ki had tk khubsurat lag rai thi jab ky sara ny black color ka long forok or upr black jacket phn kr balo ka dheela SAA jura banaya hua tha .
Woh dono jab university ky gate PR ponchi tou ik cheez ka khof Jo unky dill mein aya woh tha freshers ki raging ka .
Or woh dono ab soch rai thin ky raging sy kese bacha jaye .
Tou sab sy pehly unho ny gate sy enter hoty hoty plan banaya ky woh confident rahein gi tou kisi ko pata ni chaly ga .
Lekin unka kia maloom tha ky woh dono parian sab sy munfarid or khoobsurat thi .
Jo unki ik jhalak dekh leta us par lazim tha ky woh sari zindagi unko bhula na saky.
Abhi woh agy barh hi rahi thin ky agy sy bhag kr aty hue ik larky sy Maira ki shadid takar Hui thi Or woh MAIRA ko dekhy bagher side sy jany laga tha jab Maira ny peeche sy uska bag pakar kr kheench kr usko apny samne kia tha . jis achanak war par agla mushkil sy sambhla tha .
Lekin yeh manzir dekhty jese puri university ko sanp soong gia tha .
Sari university mein ik dam sanata chaa gia tha .
Jab Maira or uski nazar mili or Maira ny dil o jan sy qubool kia tha ky woh kisi riasat ky shehzady sy kam ni hy , or isi tarah woh Bhi Maira ki crystal gray ankhon ko taktaki bandhy guroor bhari nazron sy dekh raha tha .
Lekin Maira ko to gussa aya hua tha Jo ab samne waly PR nikalny wala tha .
" Oo Hero kidhr , koi tameez Nam ki cheez hy tum mein k nai , meri books utha kr do Jo tum ny girai hain . Chlo jaldi shabash " .
Or woh to pehli mulakat mn hi usky choda tabak roshan kr gai thi .
" Madam g ap janti Bhi hain k kis sy bat kr rhi hain , tameez to ap karein na , aukat na bholein apni " .
Ik larky ny agy barh kr bola jab ky yeh kehty sath hi Maira ka thapar usky gal ko laal kr gya tha . Jab ky woh ap janab ab khud takar mar kr side PR khare apny hi dost ko thapar parta dekh Rey thy .
Ab woh larka Maira ko kuch kehta ky woh samne aa gia . Ab Maira ny apni nazar un mosuf ki taraf ki to usky honto PR muskurahat dekh kr thatki thi . Maira ny yeh qadam tou utha liya tha lekin ab usko Bhi dar lag raha tha ky ye usny kuch ghalat kr diya hy keo ky jis tarah puri university ik hi jagah tham gai thi is ka seedha seedha matlb yhi tha ky samne Wala koi aam insan to hy ni .
" Tou Aj Pata chala ky Romaan Ali Sikandar ky samne Bhi koi awaaz unchi kr sakta hy " .
" Dialogue Achy mar lete ho sasty hero " .
Yeh keh kr Maira usky side sy sara ka hath pakarti usko takar mary guzar gai .Us sy Pehly hi Romaan ky ishary par ik larky ny books sara ko di thin.
Jab ky Romaan sikandar abhi tak beyaqeeni ki kefiat mein khara tha Ky usky saath ho kia giya hy .
Jab usky dost ny aa kr usko hilaya .
" Bhai chali gai hy woh apki achi khasi izzat kr ky hosh mein Wapis aa jao ab " .
" Chali keo gai woh yar " .
Romaan ny tamsakhar uraty bola .
Usky Doston samet puri university ko laga ky unka shehzada sikandar kahin pagal ho gia hy .
Usny ik hi ishara kiya tha or sab wahan sy Minton mein ghaib hue thy .
Or ab Romaan ny Bhi jhatky sy apny samne sy greyish aankhein hatai or andr ki taraf chal para .
"Maira yr , tujy ni lagta kuch zyada ho gia hy"
" Yaar mujy is bat ka boht jaldi andaza ho gia hy lekin puri university ky samne apna mazak to banwany sy rahi , ik larky ki hi bezti ki hy na . Us par konsy surkhaab ky par lagy hain k uski koi bezti ni kr skta or konsi yeh usky baap ki university hy ."
" Us PR surkhaab ky par Bhi lagy hain , uski koi bezti Bhi ni kr sakta , OR yeh university Bhi usky baap ki hi hy , keo ky woh sikandar family ka iklota waris hy " .
Peechy sy ati awaaz PR maira or sara dono chonky thy .
Yeh Rumaisa thi Jo unki senior Bhi thi or wahid Larki ab tk jis ko Romaan sikandar sy koi attraction feel ni hoti thi .
Maira ko uski baat sun kr sach mein khatry ki ghantian sunai di thi jab usny bola ky
" Romaan Ali sikandar kisi ko maaf ni krta " .