CHAPTER # 08
" Ap mujy dobara chocolates la kr do gy na ?" .
" G zarur meri shehzadi . Ap jab kaho gi khan apky liye dher sari chocolates LA dy ga " .
Maira ki masumana demand PR waleed ny usko bola .
Waleed ko wahan PR 2 hafty hony ko aye thy , Lekin woh Hussain shah or Maira shah ky Ilawa kam hi kisi sy bat krta tha . Maira mein tou uski jan basny lagi thi .woh har dosry din orphanage home ati thi or puraa din waleed sy batein krny mein guzar deti thi .Maira totla bolti thi jis ki wajah sy us pr har kisi ko toot kr pyar ata tha .
Maira ki Choti choti khuhashein Waleed lazmi puri krta tha . Yahan tk ky apni pocket money sy Bhi Maira ky liye uski cheezein ly ata tha or khud pura din school mein bhuka guzar deta Tha.
Maira ko Bhi Waleed ky sath boht maza any laga tha .woh usky sath dher sari batein krti .jabky waleed uski ungli pakar ky kabhi idhr Ja raha hota tha or kabhi udhr .
Or Maira sab ko batati thi k .
" He is my best friend " .
Maira ki wajah sy hi waleed apny ghr walo ko bhoolta Ja raha tha .
Ya phir woh esa zahir kr raha tha .
Waleed ny kafi time guzar jany ky bad Hussain shah ko apny bary mein bata diya tha . Unho ny Asghar Khan ky khilaf darkhuwast Bhi di thi .Lekin woh jese kahi ja kr chup gia tha.
Waqt Bhi itni Tezi sy agy barh raha tha ky isko Bhi kahin ponchna ho or late ho raha ho .
Aj saal ka akhri din tha or Maira ka birthday . yeh ik boht khas din tha . Keo ky aj Maira 3 saal ki Hui thi .
Hussain sahb Waleed ko liye apny bangly pr aye thy , keo ky Maira ka kehna tha ky woh apna birthday apny best friend ky bagher ni guzary gi .
Waleed jab bangly mein enter hua to pura ghar roshnion mein nihaya hua tha .
Waleed ny apni zindagi mein kabhi itna Roshan ghar ni dekha tha . Jahan har taraf khushian thi .
Achanak usky dil ko kuch hua tha jab usko yad aya ky kese uski maa apny hath sy bana chocolate cake ly kr 12 bjy usky kamre mein Ati thin or phir woh mil kr cake cut kr ky birthday enjoy krty thy . Or kese ab uski birthday celebrate krny ko koi tha hi ni uska is duniya mein .
Usko saal ky akhri din sy nafrat thi keo k woh Bhi isi din is dunya mein aya tha . lekin yeh soch kr k aj Maira ka Bhi birthday hy woh khush hony ki puri koshish kr raha tha .
Lekin jin ka dil mar jye unka zinda rehna mayny ni rakhta hy .
Jab woh andar enter hua tou samne sy sirain utarti choti sy guriya usky dill PR kadam rakh rahi thi . Jab woh waleed ko dekhti bhagti Hui ai thi or usko galy lgya tha . Jab ky waleed wahi sakit ho gia tha . uski maa ky bad usy kisi ny itny pyaar sy galy ni lagyaa tha . Jab waleed ki aankhein nam ho gai thi . or Hussain sahb ny aa kr dono bacho ko galy lagaya tha . Or phir andr hal ki taraf barhy thy jahan salgira ka intizam tha . Jab Maira ky sath sath waleed ko Bhi Hussain sahb ny birthday cap or slash pehnai tou who herat sy us shaks ko dekh raha tha Jo uska baap ni tha lekin usko itna chaah raha tha itni mohabbat de raha tha itna Khayal rakh raha tha .
Jab waleed ny socha ky kash uska Baap Bhi us sy or uski maa sy itni hi mohabat krta . Lekin boht sy kash agr kash reh jayein to zindagi mein agy barhny mein madad krty hain ik naye safar ky aghaz ky liye .
Waleed ki ankhon sy zarokitar ansu behna shuru ho chuky thy or usny bhaag kr hussain sahb ko galy lagyaa tha . Hussain shah ko jab apny kandhy bheegty mehsus huye to payar sy usko khud sy alag kiya tha keo k waleed zor sy aankhein meechy unky coat ko hathon mein jakry khara tha jese usko dar ho ky woh us sy juda ho jyein gy .
" WALEED mene sirf tumhein beta bola hi ni beta mana Bhi hy . MERI khush qismati hy ky tum mujy mily . Mujy itna payara beta diya Allah ny . Mujy fakhar hy tum PR or yaqeen hy ky tum ik din kuch ban kr mujy dikhao gy . Mera fakhar bano gy tum ."
Hussain sahb ny hathon ky pialy mein uska chehra pakry aram sy uska matha chuma tha .
Yeh sab WALEED apny baap sy sunna chahta tha lekin Jo maan or izzat is shaqs ny di thi usy waleed uska qarz sari zindagi ni utar sakta tha .
Ik khusion bhary mahol mein yeh salgira Hui thin.
Hussain sahb ny waleed ky papers nikalwa liye thy jis sy malum para tha ky uski salgira Bhi Maira ky saath hy .
Waleed ny apni zindagi khushi kushi guzarni shuru kr di thi .
Keo ky ik dafa uski maa ny kaha tha ky
" KAHANI TUMHARI HY HO SAKY TOU KAMAAL LIKHNA"
Tou ab waleed apni kahani boht kamaal likhna chahta tha .
4 saal or guzar gye thy Waleed ny apni matric kr li thi , Maira abhi 5 class mein thi .
3 saal pehly kuch problems ki wajah sy Hussain sahb ko shahr badalna par gia tha .
Akhri din maira ny pura Waleed ky saath guzara tha or pura din woh waleed ky sath garden mein beth kr roti rahi thi .
" Apne Khan ko hamesha yad rakhna"
Waleed ny akhri waqt sirf usko itna bola tha .
" Pinki promise " .
Maira ny agy sy wada liya tha .
Yeh saal Waleed ky liye guzarny bary mushkil thy .
Woh kisi sy bat ni krta tha or bas apni prhai mein magan rehta tha . Hussain sahb us sy milny aty rehty thy .Lekin who shehzadi kabhi Wapis ni ai thi .
Waleed ny Hussain sahb sy bat ki thi ky woh matric ky bad mulk sy bahir chala jye ga .
Us sab ka kharcha Hussain sahb ny uthnaa chaha par us ko apni jaidad k Bary mein malooom ho gia tha Jo ky uski maa ny sari usky name kr di thi .
Hussain sahb usko airport par chor kr chaly gayw thy.
Jab woh andar jany ki bajaye bahir aa gia tha or ik taxi ly kr na jany kahan chal para tha .
" Mein Wapis zarur aunga " .
Usny seat sy tek lagaye aankhein moond di thin