PARA ITO SA'YO

Sa'yo na palihim na umiibig sa isang tao

Sa'yo na natatakot maglabas ng nararamdaman dahil natatakot na mahusgahan

Sa'yo na nakakulong sa rehas ng pusong takot masaktan

Sa'yo na naguguluhan

Sa'yo na isinusuka ng mundong hindi ka maintindihan

Sa'yo na umiibig sa kaparehang kasarian

Ako si tsokobaternat, isang bisekswal na patuloy na nakatago sa loob ng taong mas magugustuhan ng mundo, takot akong ipagsigawan ang aking nararamdaman, takot mahusgahan, at takot masaktan kaya patuloy na nagmamahal ng palihim, sapagkat sa dilim kung saan hindi ko kailangan matakot na may makakita, kung saan hindi ko alam kung may nakarurinig, at kung saan hindi ko nararamdaman ang sakit ng bawat salita na binibitawan ng iba, di ko man maipakita ay mas nagagawa kitang mahalin.

Kung ikaw ay na nagbabasa ay sitwasyon na katulad ko, sasamahan kita sa dilim, sasamahan kitang magtago hanggang sa tanggapin tayo ng tuluyan ng malupit na mundo.

Sa ngayon patuloy tayong magtago sa dilim at ang mga koleksyon ng tula na ito ang makakasama natin, magkakahalong saya, lungkot, at sakit ang maaari mong maramdaman, isipin mo na lang na ito ay pagsasanay bago ka lumaya sa rehas at lumabas sa dilim.

-Tsaokobaternat