"BALANG ARAW"

Balang araw, mararanasan ko rin,

Kung paano ngumiti na para bang walang pasanin

Dahil sa'yo,

Na handa akong samahan kahit magunaw pa mundo

Balang araw, mararanasan ko rin,

Ang biglang pagtigil ng oras, ang kabog sa dibdib na napakalakas

Dahil sa'yo, na handang pahintuin bawa't segundo

Masilayan lang ang isang ngiti sa aking labi

Balang araw, mararanasan ko rin,

Ang malunod sa titig, mabalutan ng mainit na yakap, at marinig ang mga salitang 'mahal kita'

Dahil sa'yo, na nagmahal ng lubos

Walang labis, walang kulang, pero 'di nauubos

Balang araw mararanasan ko rin

Kung paano magmahal, kung paano sumugal

Huwag lang makabitaw sa'yo

Na makapagbubura ng walang kulay na ako

Balang araw makikita rin kita

Nananalig ako na magtatagpo landas na'ting dalawa

Makakadaop palad rin kita

Hindi man ngayon, bukas o makalawa,

Asahan mo, hindi ako susuko

Dahil alam kong istorya nati'y mabubuo

At sa larangan ng pagibig 'di na ako maliligaw,

Balang araw.