"Ano ba, sabing ayoko na eh, mahirap bang intindihin yun?" malamig na ani ng lalaki habang palabas ito sa kanilang bahay na dala-dala ang maleta.
"Please, please hear me out. Alam kong ma-mali yung n-nagawa ko pero please hear me out." nagsusumamong ani ng isa pang lalaki habang pinipigilan ang lalaking may dalang maleta.
"Alam mo, pagod na ako! Pagod na ako sa lahat ng ito. Ayoko na! AYOKO NA!" sigaw ng lalaki at nagmamadaling tumakbo palabas ng bahay habang pinipigilan ang hikbi at luha.
Pagkalabas niya sa bahay na yun ay isang tingin muli ang kanyang iginawad sa lugar kong saan siya nakaramdam ng saya pero dito din niya naranasan ang sakit at galit, ang hinagpis na hinding-hindi niya makakalimutan.
'Huwag kang mag-aalala baby, susubukan nating mabuhay na tayong dalawa lang at wala nang iba.'