BANG BANG Kaliwa't kanan
LAGLAG ang mga katawan
DAGDAG sa mga bilang
BUGBOG na ang karapatan
ngunit TUGTOG sa iniisip ang pansarili lang
Dahil haBANG gabi'y madilim at malalim,
sa sulok sila'y nag-aaBANG!
BANG! BANG! BANG! BANG!
habulan, takbuhan, taguan.
Muli silang may tatamBANGan
may tutumBANG isang malamig na BANGkay
sa malamig na BANGketa
ganito sila magtimBANG ng buhay
buhay na hindi na maibabalik panghaBANG-buhay
buhay na sa kanilang paningin ay walang pakinaBANG
Ito ba ang tamang hakBANG
dapat bang sundin dahil lang sa utos ng makapangyarihang nasa BANGko?
hindi! hindi! isa itong BANGungot!
Bang! Bang! BANGon aking bansa!