Darwaje ki Khat-khatak sun kar Aman Darwaja kholne Aata hai.
"Knock... knock..... "
"Aa raha hun... "Aman
Darwaja open karte hi Kanak Ek badhe luggage aur Hath me ek Packet liye khadi hai.
"Kanak tu? Tu Kab aai England se?, Aaja andar, Vihaan jiju Nahi aaye? " Aman Bahar dekhte huye.
Kanak andar aakar "Aaj hi aaie hum bhaiya, Nahi Bhaiya... Woh mujhe yahi chod kar chale gaye"
"Yese Kyun chale gaye? sab thik toh hai na?? "Aman chintit hota hua.
"Are Kiya hua, kon hai? "Maa Kitchen se bahar aate huye, Maa Kanak ko dekh kar "Kanak tu aa gai, "Paas aakr gale se laga leti hai.
"Vihaan nahi aaya?"Maa Kanak ke piche idhar udhar dekh kar...
"Nahi... Woh...Maa aaj hi hum England se aaye hai, Jab se Office me the, Vihaan ji ko zaruri kam tha ruk nahi sakte the... Aap logo se mile huye kafi din ho gaye, Isly mujhe chod kar jaldi me chale gaye, Kuch din main yahan ruku Aur College jaa saku"Kanak Beth kar sab btati hai.
Aman Kanak ko dekh raha hai, Uski jhuti hasi ke piche ek mayushi dikh rahi hai.
"Collage,Tu phir s college shuru kar rahi hai" Aman
"Ji bhaiya, Vihaan ji ne hi mere sare intezam kar diye hai, Fees, Roll number, books sab, Isly main College jaa kar apni study complete kar sakti hun"Kanak smile karti hai.
"Wah... Damad ho toh Vihaan jesa hi ho, Dekho meri bacchi ki Pdhai puri karwa rha hai" Maa.
Tabhi Kanak ke papa aa jate hai, Kanak ko dekh kar "are Kanak kesi h beta tu Sab thik? "
"Ji papa main thik hun aap kese hai."Kanak mushkurati hai.
"Main tere samne, Vihaan kaha hai? "Papa
"Vihaan jiju Kanak ko kuch din ke liye yahi chod gaye hai, Yahi ruk kar College bhi jaygi " Aman
"Acha... yeh toh bahutt badhiya hai, Kafi dino baad hum apni beti ke sath rah sakege, Kyun beta "Papa Kanak se,
Kanak Mushkurah deti hai phir udasi se ser niche kar leti hai.Aman Kanak ko dekh kar doubt hota hai.
"Kanak ke chehere pr udasi kyun hai? "Aman man me
"Oh... Main toh bhul gai..." Kanak Uth kar Vihaan ke diye packet ko uthati hai, Usme Kanak ka mobile bhi hai, jise Kanak bar bar rakh kr bhul jati hai,
"Are, Yeh Mobile yahan kese? Main toh ise Office ki table par jaanbuz kar chod ke aai thi" Kanak Mobile ko hath me le kar use on karti hai, Usme ek note show ho raha hota hai, Kanak note open karti hai. Woh Note Vihaan ne choda hota hai.
**"Kanak tum yeh mobile bhul jati isly mene yeh Gift packet me rakh diya hai aur, isme sb gifts packed hai, isly maine yeh note banaya hai, Taki tum galat gift na de do... green rapper wala Maa ke liye hai, Blue wala Aman bhai ke liye and, Yellow wala Papa ke liye, Yaad se de dena,Agar accpet nahi kare toh keh dena main unse naraz ho jaunga"**
Kanak Us note ko padhti Hai aur usi hisab se gift de deti hai, "Yeh Vihaan ji ne apke liye gift bheje hai" Kanak akhiri gift Aman ko dete huye.
"Iski zarurat nahi thi " Aman Gift hath me le kar
"are yeh Kiya? yeh toh Gold ke earrings hai... Yeh toh bahut mahnge hoge"Maa Apne gift ko khol kar
Kanak un earrings ko dekhti hai "Yeh...? yeh toh usi shop ki hai jaha se Humne Ashi aur dada ji ke liye gift liye the, Aur earrings Aunty ke liye li thi..... Vihaan ji ne Maa ke liye bhi Li thi... "Kanak shocked hoker man me bolti hai.
Aman apna Gift open karta hai, usme coat brooch aur Ek Expensive Watch nikalti hai. "Kanak Vihaan Jiju ko meri taraf se thanks kehna, Par me iss tofe ko nahi le sakta yeh kuch jayda mahnga hai "Kanak ko Gift wapis dete huye.
Kanak us Coat Brooch ko dekhti hai "Oh toh Vihaan ji ne Bhaiya ke liye yeh, Coat brooch liya tha"apne man me.
"Beta yeh watch kafi mahangi lag rahi hai, Main yeh nahi le sakunga, Vihaan se kehna ise wapis le le"Papa gift ko table pr rakhte huye
"Main bhi nahi beta, Vihaan se kehna itne mahnge gift na laye, bas woh humse mil le itna kafi hai, Yahi humara tofah hoga " Maa
"Maa papa please aap yesa nahi kare, Vihaan ji bahut pyar se apke liye gift laye hai woh bhi England se, agar unhe pata chala apne unke gift Lene se inkar kar diye hai woh naraj ho jayge, unhone mujhse kaha hai agar ap accpet nahi karoge toh woh ap sab s naraz ho jayge Aur aap log nahi chahoge ki woh naraz ho, hmmm.... " Kanak Samjhate huye
"Acha thik hai, Vihaan se kaho humse milne aaye bahut din se use dekha nahi hai" Maa Kanak se
"Ji maa keh dungi" Kanak mushkraty huye
At Night....
Kanak apne room me aakar bed par beth jati hai, Apne. mobile ko on karke dekhti hai, mobile me koi massage misscall nahi hai,Kanak mobile ki photo Gallery open karti hai usme Vihaan ke sath uske birthday,Dada ji ke birthday, aur beach wali sab pics hoti hai, Kanak ki pics ko dekhte dekhte ankhe ashuo se bhar jati hai, Aur bed par Lait kar Rohne lagti hai.
"Aap ne sach kaha tha Vihaan ji, Aap mujhe barbaad kar doge, Main Barbaad ho chuki hun.... Main apko Pasand karti hun "
Vihaan ke Villa me.....
Vihaan apne bed par laita Hua Kanak jis side laita karti thi, Usi Side muh kar ke laita dekh raha hai.
"Kanak....tumhare bin me khud ko adhura Mehsus kar raha hun.... "
Vihaan Kanak ki side par apna hath rakh kar ankhe band kar leta hai.